Jeremia 20:16 - Uwumbɔr aagbaŋ

¹⁶ Cha u li bi ke ntim mu Uwumbɔr kuln mu, kaa san mu kinimbaak na. Cha u li ŋun iween aawiil pu kichakpiik ni ki ŋun butɔb aakuun pu nwiin aakaasisik ni,

Jeremia 20:16 ပူးပေါင်းရင်းမြစ်များ

Jeremia 18:22

Cha kinipaak nan loon bi ki gaa baawangol; cha ijawaan chuu bi aan bi wii mpɔɔn pu. Bi gbii libuul bil mi ke m nan lir li ponn ni, ki pen mi gaawɔb mam.

Jeremia 18:8

aan litimbol ngbaan yaa yii laatunwanbir kan, maan ki kuln li ke maah bui ke m ga ŋa li pu na.

Jeremia 23:14

M ki kan maabɔnabr bi bi Jerusalem aatiŋ ni na aatunwanbir jer kina; bi gɔr kidagook le ki geei inyamɔn; bi ter binib le bi tun titunwanbir, le ubaa aa ŋmaa di cha titunwanbir aatuln. Mma chee kan, bi mɔmɔk bi ke Sodom ni Gomora aanib na la.

Jeremia 26:13

Ni kpeln mbimbin mu ni bi mu ni na, ni tiwan ni ni ŋani na, ki kii Nidindaan Uwumbɔr aamɔb. Ni yaa ŋa kina kan, u ga kpeln waalandak ki taa ki cha libiil li u bui ke u ga joo ni ni pu na dan.

Jeremia 4:19

Iween sakpen yee. Maan ŋmaa joo iween ngbaan. Mpobil yuk a. Mpobil gbaa mpɔɔn pu la. Maan ŋmaa ŋmin suuna, m ŋun ikpiin aawiil ni butɔb aakuun pu.

Inandalahn 4:6

Maanib kan ntafadaan ki jer Sodom yaab bi Uwumbɔr aaŋaal nan dan nan kuln bi liwinbaal na.

Esekiel 21:22

Tɔ, uŋangii joo mpiin mu mɔk ‘Jerusalem aatiŋ’ na la. Mu bui u ke u buen ti ban ŋidɔgen ŋi bi ga di wiil kaagon na, ki faa butɔb aakuun, ki di ŋidɔgen baŋ kaabisamɔi, ki kuun titan bil chur chur ki gbii ŋibugen.

Hosea 10:14

le butɔb ga lir nimi aanib pu, le nimi aatim mu kpa tijawan ki pɔɔ na mɔmɔk ga kuln. Ni ga li bi ke ubɔr Salmann aah nan kuln Bef Arbel aatiŋ butɔb ni, ki ku natiib ni baabim pu na la.

Hosea 11:8

Israel, m ga ŋa kinye ki di si lii? M ga ŋa kinye ki di si mee? M ga ŋmaa kuln si ke maah nan bii Adma aatiŋ pu na aa? M ga ŋmaa ŋa si ke maah nan ŋa Seboyim aatiŋ pu na aa? Nsui aan cha m ŋa si kina, ba pu? m gee si sakpen a.

Hosea 13:14

Maan nyan binib ngbaan nkun ni, kaan nyan bi nkun aapɔɔn ni. Nkun, li joo ni saabiil. Kitekpiitiŋ, li joo ni saabiil. Maan ki san binib bimina kinimbaak.

Amos 1:14

Kina pu na, m ga cha mmii wu baatiyil Raba aagon, ni baah maa ŋidichal ŋi fɔk ki pɔɔ kiir bibaa na mɔmɔk. Le bundaal butɔb ga fii na, iwiil ga li bi liyaadaal ngbaan, le kijaak ngbaan ga li pɔɔ ke kitaabuŋ na.

Amos 2:2

M ga cha mmii wu Moab aatiŋ, ki see baatiŋ Keriof aadichal ŋi fɔk ki pɔɔ aan bi maa kiir bibaa na mɔmɔk. Buyoonn butɔb aajab ga li tar aan kakaan tiib wii ki kpa kifuuk na, le Moab aanib ga kpoi.

Amos 4:11

“M nan doo nimi bibaa ke maah nan doo Sodom ni Gomora yaab pu na. Nimi bi nan ŋmar na nan naahn limiidɔtɔgeln la. Nee mu aa cha ni gir ni m chee.” Min Uwumbɔr le len kina.

Jona 3:4

Jona nan piin ki bɔ dii kitiŋ ngbaan ponn ni, le waah chuun nwimɔn aasachuln na, le u mooni tuk binib ngbaan ke, “Joo cha ni iwiin imonko ilee na, Ninefa aatiŋ ga kuln.”

Jona 4:2

Le u mee Uwumbɔr ke, “Uwumbɔr, maah nan laa bi linampal na, m nan len ke kina le aa ga ŋa. Kina pu le m nan pɔɔn mbaa ke m san mala ki buen Speenn aatiŋ ni. M nyi ke aa ye Uwumbɔr u gee binib ki san bi kinimbaak na la, aa kpa limɔr n‑yoonn mɔmɔk, ki kpa tiŋann n‑yoonn mɔmɔk, ki ŋmaa kpelni saalandak kaa dar binib aatafal.

Sefania 1:16

mu ga li ye nwiin mundaal bijab ga pii butɔb aakpiin, ki faa butɔb aakuun, ki tak ntim mu bi maa tidifɔfɔŋ ni ŋigon kiir mu na la.

Sefania 2:9

Maah sil ye Uwumbɔr u bi n‑yoonn mɔmɔk, ki ye Israel yaab Aawumbɔr na, m puu ke m ga kuln Moab ni Amonn aatim ke maah nan kuln Sodom ni Gomora aatim pu na. Mu ga kpaln baah gbii n‑yaan nin chee na, ni baah kuln nin chee kookoo aan timoor gaa nima chee na la. Maanib bi ŋmar na ga yoor baawan ni baatiŋ mu.”

Tibɔnyaan ti Luk ŋmee ti na 17:29

Bundaln Lot nyan Sodom aatiŋ ni na, le mmii ni chirbil nyan ni paacham ki lir ni, ki ku bi mɔmɔk.

Ikaal 29:22

“Niyaabitiib bi ga paa ni nipuwɔb na, ni biwɔwɔm bi nyan ntim mu daa na ni na, ga nan kan tibɔbir ni falaa u Uwumbɔr di lii nimi aatiŋ pu na.

Ikaal 29:23

Ikpaakon ga kpaln chirbil ni n‑yaan ŋmeen, ubaa aan ŋmaa bu tiwan nibaa ni punn, le timoor mu aan ŋmaa punn. Nima aatiŋ ngbaan ga li bi ke Sodom ni Gomora aatim, ni Adma, ni Seboyim aatim mu Uwumbɔr nan bii mu na la, n‑yoonn mu usui nan fii bi pu sakpen na, le u kuln mu.

2 Piita 2:6

Tɔ, Uwumbɔr nan bii Sodom ni Gomora aatim ki cha mu kpaln nfatan, ki kuln ntim ngbaan aanib. Ni ye limɔkl la, le ki mɔk titunwanbirdam Uwumbɔr aah ga daa bitafal pu na.

Juud 1:7

Teer man, Sodom ni Gomora aatim, ni itingbaan na aanib bi nan gɔr kidagook, ki mu yii bipiib ki ban bijab na aabɔr. Uwumbɔr nan daa bitafal, ki di bi ŋa mmii mu kaan junn na ni, ni le ye nsurm ki tii titunwanbirdam mɔmɔk.