Jeremia 20:12 - Uwumbɔr aagbaŋ

¹² Uwumbɔr Mpɔɔnsakpiindaan, le aa ma joo ibamɔn tɔŋni binib, aa nyi tiwan ni bi bisui, ni baalandak ni na. Kina pu na, cha m kan saah ga teen maadim pu na, ba pu? m di maabɔr ŋa sin le aaŋaal ni.

Jeremia 20:12 ပူးပေါင်းရင်းမြစ်များ

2 Bibɔrb Aabɔr 24:22

Ubɔr nan suln Sekaria aate Jehoyada aah nan tun litunyaan li tii u na bɔr, le ki cha bi ku Sekaria. Sekaria aah bi kpu na, le u teen ki len ke, “Uwumbɔr li waa naah ŋani pu na ki daa nitafal.”

Ilahn 11:5

U tɔŋni ki lik binib bi ŋan na, ni bi kaa ŋan na mɔmɔk la, kaa gee binib bi kaa dii waakaal na.

Ilahn 139:23

Uwumbɔr, ŋaŋ mi, ki li nyi nsui ni; tɔŋ mi, ki bee maalandak.

Ilahn 17:3

Aa nyi nsui. Aa dan m chee kinyeek ki nan tɔŋ mi mbamɔm, ki kan ke maa kpa titunwanbir tibaa.

Ilahn 54:7

Aa nyan mi maabɔr mɔmɔk ni, le m kan maadim aah lir pu na.

Ilahn 58:10

Uwumbɔr yaa daa mbiindam aatafal kan, le ni piir binib bi aabimbin ŋan na aasui, le bi ga lul bibiindam aasin ponn ni ki jer.

Ilahn 59:10

Maawumbɔr gee mi, ki ga nan ter mi; u ga cha m kan maadim aah ga lir pu na.

Ilahn 62:8

Maanib, tii Uwumbɔr naadii n‑yoonn mɔmɔk man. Bui u nimi aamuk mɔmɔk man, ba pu? uma le ye timi aabɔbɔryaan.

Ilahn 7:9

Uwumbɔr, aa ye ubamɔndaan la, ki nyi tisui ponn ni aah bi pu na. Kuln kinimbɔŋdam aabiin; ki pa binib bi ŋan na baapar.

Ilahn 86:4

Uwumbɔr, tii mi saatutunn mpopiin, ba pu? maameel chaa aa chee paacham.

Aisaya 37:14

Ubɔrkpaan Hesekia nan gaa kigbaŋ ngbaan ituun ngbaan chee le ki karn ki, le ki buen Uwumbɔr Aadichal ni, ki ti di ki bil Uwumbɔr aanimbiin ni,

Aisaya 38:14

Nneel nan bi siib kina, kaa pɔɔ, le m nan dun ke linanjel aah wii pu na. Maah nan lik paacham pu na nan cha nnimbil wu la. Uwumbɔr, nyan mi tibɔbir timina mɔmɔk ni.

Jeremia 11:20

Le m mee limeel ke, “Uwumbɔr Mpɔɔnsakpiindaan, aa ji binib tibɔr ibamɔn pu la; aa tɔŋni binib aalandak ni bisui. M di maabɔr ŋa aaŋaal ni, kina pu na, m ga li ka le ki lik saah ga teen binib ngbaan pu na.”

Jeremia 12:8

Binib bi m nan lee bi na fii sil m pu; bi ŋuuni m pu ke uchinn u bi kichook ni na la, kina pu le maa ki gee bi.

Jeremia 17:10

Min Uwumbɔr le lik unii aalandak ni le ki tɔŋni binib aasui lik. M ŋani unii mɔmɔk, waabimbin aah bi pu na la, ni udaan aah tun pu na.”

Jeremia 17:18

Uwumbɔr, cha binib bi muk mi aa pu na ji inimɔɔn, ki tee cha m ŋmar. Cha ijawaan chuu bi, ki taa tee faan m ma. Cha tibɔbir dan bi pu ki kool bi yuk yuk.

1 Piita 2:23

Baah seei u na, waa giin sii bi. Waah jin falaa na, waa len ke u ga teen bi. U di ubaa ŋa Uwumbɔr u ji tibɔr mɔmɔk mbamɔm na aaŋaal ni la.

1 Piita 4:19

Nima pu na, unii yaa ji falaa Uwumbɔr aageehn pu kan, u li tun lituln li ŋan na, ki di ubaa ŋa Uwumbɔr u nan naan u ki ye mbamɔndaan na aaŋaal ni.

Tibɔkpiirkaan 18:20

Tɔ, nimi bi bi paacham na, ni Uwumbɔr aanib, ni Yesu aakpambalb, ni Uwumbɔr aabɔnabtiib, ni li kpa mpopiin kitisakpeŋ ngbaan aah kuln pu na pu; ba pu? Uwumbɔr teen ki kaah ŋa nimi bakaa u na, ki daa kitafal.

Tibɔkpiirkaan 2:23

ki ga ku waabim mu. Le maanib bi bi ŋipepel mɔmɔk na ga bee ke min le nyi bisui ni aah bi pu na. M ga tii ni ponn ni unii mɔmɔk waatuln aah ŋeer pu na.

Tibɔkpiirkaan 6:10

Le binib ngbaan aawiin teen mpɔɔn pu ke, “Tidindaan u ye chain ki ye mbamɔn na, ni ga yunn ki ti saa kinye pu aan aa ga ji dulnyaa aanib bi ku timi na aabɔr ki daa bitafal?”

1 Samuel 1:15

Le u gar u ke, “Aayii, maa gbii ndaan, maaninkpel. Maa nyun ndaan. Ni ye mi limukl la, le m bi mee limeel, ki kpiir maabɔr tuk Uwumbɔr.