Jeremia 20:10 - Uwumbɔr aagbaŋ

¹⁰ M ŋun binib mɔmɔk looni len ke, “Ijawaan aabɔr bi ni mɔmɔk la. Cha ti di waabɔr buen bininkpiib chee man.” Hali njɔtiibamɔm ka kiir maalirm la. Bi len le ke, “Nibaakan ti ga ŋmaa ŋmann u, le ki chuu u ki teen u.”

Jeremia 20:10 ပူးပေါင်းရင်းမြစ်များ

1 Bibɔrb 19:2

Jesebel nan di inaŋ tun Elaija chee ke: “Fen kinakokoona, m yaa kaa fe ŋa si ke saah ŋa biwaadam ngbaan pu na kan, ŋiwaa faa ku mi.”

1 Bibɔrb 21:20

Ahab aah kan Elaija na, le u baa u ke, “Maadin, aa pii ni mi do oo?” Le Elaija gar u ke, “Een, m pii ni si. Aa di aabaa tii ke aa li tun ni kaa ŋan Uwumbɔr chee na la.

1 Bibɔrb 22:27

Aa ti bui bi ke bi di u ŋa kiyondiik ni, ki li tii u tikonjiir ki ti saa bundaal m ga gir ni, ni laafee na.”

1 Bibɔrb 22:8

Le Ahab gar u ke, “Ubaa ki bi, Imla aajapɔɔn Mikaya. M tee nan u la, waa kee nabr tibɔnyaan tibaa tii mi; uma yaan ye tibɔbir ŋmeen la.” Jehosafat nan ki gar u ke, “Taa len kina.”

Job Aagbaŋ 19:19

Njɔtiibamɔm gur nan mi la; maah nan gee binib bi sakpen na le fenn lir m pu.

Ilahn 31:13

M ŋun maadim looni ki len; tibɔbir le mann goln mi. Bi bi ban isan m pu la, bi kpokl ke bi ku mi la.

Ilahn 31:14

Uwumbɔr, le m tii si naadii; sin le ye Maawumbɔr.

Ilahn 41:10

Uwumbɔr, san mi kinimbaak, ki tii mi laafee, aan m teen maadim.

Ilahn 41:9

Hali njɔnyaan, u m tii u naadii sakpen na, aan m ni u kpaan ni ji lisambil libaa ni na, uma le fii sil m pu.

Ilahn 57:4

Maadim mann gonn mi la, bi naahn ichinn i ŋmɔ binib na la. Baanyin naahn tikpaatunn ni ipiin la; le baalambil bi ke kijaak aajum mu ka na.

Ŋiyataŋak 10:18

Unii u joo waananaŋ bɔrni na ye unyamɔndaan la. Unii u mu ye ubɔmbɔtukr na mu ye ujɔr la.

Aisaya 29:21

Binib bi bii biken ki biini titunwanbirdam aatun pu kaa dar bitafal, ki mu geei inyamɔn aan bibamɔndam aa kani baabamɔn na, Uwumbɔr ga kuln bi.

Jeremia 11:19

M nan bi ke upihbo u kii udindaan aamɔb aan bi joo u cha bi ti ku u pu na la, le kaa nan nyi ke min pu le bi bi kpokl tibɔbir. Bi nan bi len le ke, “Cha ti gaa busub ngbaan lii, buyoonn bu laa soon na, cha ti ku u aan ubaa taa ki teer ubɔr.”

Jeremia 11:21

Maatiŋ Anatof aajab bibaa nan ban ke bi ku mi, le ki bui mi ke m yaa beenin mooni Uwumbɔr aabɔr kan, bi ga ku mi.

Jeremia 18:18

Le binib ngbaan bui ke, “Cha ti lik taah ga ŋa Jeremia pu na. Bitotoorb ga li bi n‑yoonn mɔmɔk ki mɔk timi, bilankpalb mu ga ŋmaa sur timi, bibɔnabr mu ga nabr Uwumbɔr aabɔr tii timi. Cha ti ban ngalm tii u man, ki taa ki pel waah len pu na.”

Jeremia 20:3

Kitaak aah woln aan Pasur cha bi chuu baar mi lii na, le m bui u ke, “Uwumbɔr le aa nan yin si ke Pasur. Waah nan tii si liyimbil li na le ye ke ‘Ijawaan bi ni kookoo.’

Jeremia 37:13

Maah ti fuu mbisamɔb mu bi yin mu ke Benjaminn Aabisamɔb chee na, le bijab bi si kii nima na aaninkpel, aan bi yin u ke Irija, aan ute ye Selemia, u mu aate nan ye Hanania na, kiir mi ke m taa jer, le ki bui mi ke, “Aa san aa ti kpee Babiloŋ aajab pu la.”

Jeremia 6:25

Taa ki kaa ke ti buen itingbaan ni, bee isan pu ki ti tun lituln; ba pu? timi aadim joo tijawan, le ijawaan bi ni kookoo.”

Esekiel 22:9

Saanib bibaa geei inyamɔn paani biken pu ke bi ku bi. Bibaa ji ŋiwaa aatork. Bibaa ŋani baakpeek aah ban pu na n‑yoonn mɔmɔk.

Daniel 6:4

Le uŋeen aatɔtiib na, ni biyidam na nan ban isan ke bi bii u waah joo nnaan ngbaan pu na, kaa ŋmaa kan nsan mu pu bi ga di bii u na; ba pu? Daniel nan tun waatuln ni ibamɔn la, kaa kpa beebee.

Tibɔnyaan ti Luk ŋmee ti na 20:20

Le bi ban nsan mu pu bi ga chuu u na, ki di bipepekb tun u chee, bi ti ŋmann ke bi ye bininyaam la, aan ki pen u nlan, aan ki chuu u, ki di ŋa kitiŋ ngbaan aayidaan aaŋaal ni.

Lituln 24:13

Bi bii mi la, ki mu aa ŋmaa mɔk ke baah len pu na gbii.

Lituln 5:33

Bibɔjirb aaninkpiib aah ŋun baah len pu na, le bi gee liŋuul sakpen, ki ban bi ku bi.

Lituln 7:54

Stiifen aah len kina na, le liŋuul chuu binib ngbaan, le bi ŋmɔ ŋinyin.