Jeremia 2:7 - Uwumbɔr aagbaŋ

⁷ M nan joo ni bi kitiŋ ki nyuun na pu, ke bi nan ji kaajikaar ni kaawamɔɔn mɔmɔk. Le bi labr ki ŋa maatiŋ tijɔŋ; bi bii kitiŋ ki m nan di tii bi na.

Jeremia 2:7 ပူးပေါင်းရင်းမြစ်များ

Nehemia 9:25

Saanib nan nyaŋ ntim mu bi maa ŋigon gob mu, ki kii mu na, ni ikpaakon i nyuun na, ni ŋidichal ŋi kpa liwangol na, ni inyunbun i binib puen gbii i na, ni nkpan aasui, ni ŋisubil aasui, ni ndaan aasubil aakpaakon. Bi nan jin baah gee pu na ki filk; bi nan jin mmɔɔn mumɔk aa nan di tii bi na.

Nehemia 9:26

Le saanib nan yii saamɔb, kaa kii tii si; bi nan fenn bipuwɔb tii saakaal, ki nan ku saabɔnabtiib bi nan sak bi ki bui bi ke bi gir ni aa chee na. N‑yoonn n‑yoonn bi nan seei si;

Aisaya 19:25

Uwumbɔr Mpɔɔnsakpiindaan ga ŋa waanyoor ŋa ŋi pu, ki bui ke, “M ga ŋa tinyoor ŋa nimi Ijipt yaab bi ye maanib na; ni nimi Asiria yaab bi m naan bi na, ni nimi Israel yaab bi ye maanib na pu.”

Jeremia 16:18

M ga cha bi pa paan baatunwanbir ni baabiin pu nfum mulee, ba pu? bi di ŋiwaa ŋi kaa fu ke linikpol na bii maatiŋ, le ki di ŋiwaa ŋi ye tiwan ni maa gee ŋaabɔr na gbiin ki ponn ni.”

Jeremia 3:1

Uwumbɔr nan bui ke, “Uja yaa yii upuu, le u yaa fii ki ti mɔn uja uken kan, waan ti ki ŋmaa gaa ni u. Nimina ga bii kitiŋ kee kookoo la. Tɔ, Israel yaab, ni kan bɔtiib pam, le ki tee ki ban ke ni gir ni m chee.

Jeremia 3:2

Lik ŋigongon paab man. Nibaa chee aa gur aan naa tun lituln ke udagoor na. Ni nan sii nsan chee ki kii nibɔtiib, ke nteersakpiin ponn ni aanib aah sii pu ki kii ubaa ke bi ku u na la. Ni di nimi aadagook bii kitiŋ kee.

Jeremia 3:9

kaa nan san inimɔɔn kpala. U nan bii kitiŋ ngbaan, le ki dooni ŋitakpal ni isui.

Jeremia 32:23

Baah nan koo ni kitiŋ kee pu ki gaa ki na, bi nan yii saah nan bui bi ke bi li bi pu na, kaa nan bi saah mɔk bi ke bi li bi pu na. Baa nan ŋa saah bui bi pu na tiwan nibaa, kina pu le aa joo ni tibɔbir tee mɔmɔk nan lii bi pu.

Jeremia 32:30

Ki nyan Israel yaab ni Juda yaab aapiin aabɔr ni, bi ŋani maah kaa gee pu na la, le baatun fiini maaŋuul.

Esekiel 20:24

Baah yii maamɔkm, ki bii maakaal, ki koor Likpaakool daal aajoom, ki dooni ŋiwaabaan ŋi biyaajatiib nan dooni na pu le m nan ŋa kina.

Esekiel 20:28

M nan di bi fuu ni kitiŋ ki m nan puu ke m ga di tii bi na pu. Baah kan ŋigongon ŋi paa na, ni isusoon na, le bi toor kitork ni mɔmɔk chee tii ŋiwaa. Bi nan cha maaŋuul fii kitork ki bi di see mmii ni na, ni ndaan mu bi nan joo nan tii ŋiwaa ipiin na pu.

Esekiel 20:6

N‑yoonn ngbaan le m nan puu ke m ga nyan bi Ijipt aatiŋ ni ki di buen kitiŋ ki kpa tiwakor aamoŋmɔpaan ni ŋisubil sakpen na, kitiŋ ki ŋan jer ntim mɔmɔk aan m nyan ke m di tii bi na pu.

Esekiel 23:35

Tɔ, Aadindaan Uwumbɔr aah len pu na sɔ: “Saah suln mbɔr ki fenn aapuwɔb tii mi pu na, aa ga ji saajaakpakr ni saadagook aafalaa.”

Esekiel 36:17

U nan bui ke, “Unibɔn, Israel yaab aah nan koo baatiŋ ni na, bi nan di baabimbin ni baah tun pu na le bii kaayimbil. Nsui nan gar baabimbin mu kaa nan bi chain ke upii u bi waaŋmal aapiir ni na aah kaa bi chain pu na pu.

Hosea 9:3

Israel aanib aan ki li bi Uwumbɔr aatiŋ pu, bi ga gir buen Ijipt aatiŋ ni, ki ga ti li ji tijikaar ti bi kɔ na Asiria aatiŋ ni.

Maika 2:10

Fii ki li cha man; lifuur libaa aa ki bi do. Nimi aatunwanbir kuln do doo a.

Nkahm 13:27

Bi nan bui Moses ke, “Ti mann kitiŋ ngbaan ni mɔmɔk, ki kan ke ki kpa liwangol pam, le kaakpaatan mu nyuun. Lik, taah joo ni nima chee aasubil ŋi na sɔ.

Ikaal 21:23

ni taa cha uwon ngbaan li lee nima chee ki woln kitaak. Ni di tiwon ngbaan sub liyaadaal ngbaan, ba pu? linikpol ngbaan aah lee busub ngbaan pu na, Uwumbɔr ga cha tibɔr dan kitiŋ ngbaan pu. Ni di tiwon ngbaan sub, nima kan, naan bii kitiŋ ki Nidindaan Uwumbɔr ban u di tii nimi na.

Ikaal 32:9

le ki nyan Jakob aamaal ke bi li ye waanib.

Ikaal 6:18

Uwumbɔr aah len ke ni li bi mbimbinyaan mu ni na, ni li ŋani kina man, le tiwan mɔmɔk ga li ŋan tii nimi. Nima le ga ŋmaa cha ni gaa kitinyanyaan ki Uwumbɔr nan puu ke u ga di tii niyaajatiib na.