Jeremia 2:6 - Uwumbɔr aagbaŋ

⁶ Bitafal aa nan bi m ni, hali maah nan nyan ni bi Ijipt aatiŋ ni, ki di bi bɔ dii kipɔɔk ni, kitiŋ ki ye nteersakpiin, ni litambol, ki kuur ki kpa tiwanbir aan ubaa aa koo nima na; aan ubaa mu aa chuun nima chee na, bitafal aa nan bi m ni.

Jeremia 2:6 ပူးပေါင်းရင်းမြစ်များ

2 Bibɔrb 2:14

le ki di Elaija aakpalk na faa nnyun ngbaan, le ki bui ke, “Elaija Aadindaan Uwumbɔr bi la chee?” le ki ki gir faa nnyun ngbaan, le mu yakr nfum mulee pu, le u chuun puur lidapuul.

Job Aagbaŋ 3:5

Cha mu ŋa timm, ni mbɔmbɔɔn sakpiin, cha ntaalangbam biin mu pu, ki duŋ nwiin.

Job Aagbaŋ 35:10

kaa tee cha Uwumbɔr u naan bi ki cha bi gaa ilahn kinyeek na chee.

Ilahn 23:4

Uwumbɔr, m yaa chuun kifataŋ ki bɔɔn ke nkun na kan, maan san ijawaan, ba pu? aa bi m chee. Saapihkpaajaangbeek ni lichakukul le kii mi.

Ilahn 77:5

M dakl lik iwiin i jer na; le ki teer ŋibin ŋi jer n‑yaayoonn na.

Nnyam 20:2

“Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Aisaya 63:9

Kina pu le u nyan bi baafalaa ni. Naa nan ye waatuun, uma Uwumbɔr ubaa le nan gaa bi lii. Waageehm ni waanimbaasaln pu le u gaa bi lii. N‑yoonn mu jer na le u nan kii bi,

Aisaya 64:7

Ubaa aa fenn toŋ ni si ki mee si; ubaa aa chaa aa chee ki ban nterm. Aa di aabaa bɔr ti chee, ki di timi mee, timi aatunwanbir pu.

Jeremia 13:16

Nyuŋ Nidindaan Uwumbɔr man waahr aan u nin joo ni mbɔmbɔɔn, mu ga cha ni li gbeer ŋijoo paab ki cha nwiihn mu ni mak mu pu na kpaln mbɔmbɔɔn na.

Jeremia 2:2

moon tuk Jerusalem yaab mɔmɔk. “M teer saah nan laa par ki kpa gaakii pu na, ki teer saah nan laa mɔn tichar ki gee mi pu na; aa nan dii mi nteersakpiin ni, kitiŋ ki ponn ni ubaa aa kee bun tijikaar na.

Jeremia 2:8

Bitotoorb aa nan ŋmaa baa ke, ‘Uwumbɔr bi la chee?’ Min mbaa aatotoorb aa nan nyi mi. Bitinjoob nan yii mi ki nyan mpuwɔb; le maabɔnabtiib nan joo uwaaja Baal aayimbil le nabr tibɔr ki dooni ŋiwaa ŋi kaa bi tibaa ni na.

Jeremia 5:12

Uwumbɔr aanib yii u ki bui ke, “Mbamɔn, waan sil ŋa nibaa. Tibɔbir aan dan ti pu; butɔb ni nkon aan lir ti pu.”

Jeremia 5:2

Ni bui ke ni dooni Uwumbɔr la, le nisui aa joo kina.

Jeremia 51:43

Kaatim gur ye ijawaan aawan la, le ki gur bi ke nteersakpiin mu kaa kpa nnyun na. Ubaa aa koo ki ni kaa chuun nima chee.

Hosea 12:13

Uwumbɔr nan tun ubɔnabr ke u ti nyan Israel yaab tinaagbiir ni Ijipt ni, ki li joo bi.

Hosea 13:4

Uwumbɔr bui ke, “Min le ye Nidindaan Uwumbɔr u nan nyan ni nimi Ijipt aatiŋ ni na. Naa ki kpa Uwumbɔr uken ki kpee m pu. Min baanja le ye u gaal nimi lir na.

Amos 2:10

Min le nyan ni nimi Ijipt aatiŋ ni, ki di nimi dii nteersakpiin ni, ŋibin imonko ilee, le ki di Amor yaab aatiŋ tii nimi, le ki kpaln nimi aatiŋ.

Matiu 4:16

nima aanib bi bi mbɔmbɔɔn ni na kan nwiihn sakpiin. Binib bi bi mbɔmbɔɔn ni, ki san nkun ijawaan na, nwiihn woln bi pu.”

Ikaal 1:19

“Tidindaan Uwumbɔr aah nan bui ke ti ŋa pu na, ti nan ŋa kina. Ti nan fii Sainai Aajool chee, ki di bɔ dii ijawaan aateersakpiin ngbaan ni, le ki di buen Amor yaab aatiŋ ki ye ŋigongon na ni. N‑yoonn mu ti nan ti fuu Kades Banea aatiŋ ni na,

Ikaal 32:10

Bi nan chuun bi nteersakpiin ni, le u kan bi, nteersakpiin mu libuln li kuur na daar aan nibaa aa punni na. Uma le nan lik ki kii bi ke waah ga li joo ubaa pu na;

Ikaal 8:2

Ni teer ŋibin imonko ilee ŋi jer na ponn ni, Nidindaan Uwumbɔr aah nan loln ni pu nsan dandar mumina, nteersakpiin ni pu na. U nan di ŋimuk aabɔŋ tɔŋ nimi, ke u lik naah ga ŋa pu na, ki ki lik ke ni ga joo waakaal aan naan joo i.

Bibɔjirb 6:13

Le Gideonn bui u ke, “Uninkpel, m yaa ga ŋmaa baa si kan, Uwumbɔr bi ti chee le tiwan nimina mɔmɔk ŋa timi ii? Tiyaajatiib aah nan bui timi lijinjiir aabɔr ti ke Uwumbɔr ŋa, ki di bi nyan ni Ijipt aatiŋ ni na bi la? Uwumbɔr aa ki bi ti chee, le ki di timi tii Midiann yaab ke bi ŋa timi baah gee pu na.”