Jeremia 2:37 - Uwumbɔr aagbaŋ

³⁷ Ni ga di inimɔɔn le fenn nipuwɔb tii Ijipt yaab. Min Uwumbɔr le yii naah tii binib bi naadii na; naan kan tinyoor tibaa bi chee.”

Jeremia 2:37 ပူးပေါင်းရင်းမြစ်များ

2 Samuel 11:12

Le David bui u ke, “Kina kan, gaar do aan nwiin mue lir, le m fe cha aa gir fen.” Kina pu le Uria nan gaar Jerusalem ni, nwiin ngbaan daal, ni kitaak ki ki woln na.

2 Samuel 13:19

U nan di nfatan puŋ uyil, le ki dar kar waabɔkul, le ki di uŋaal biin unimbil pu, ki wii cha.

2 Bibɔrb Aabɔr 13:12

Uwumbɔr ubaa le ye timi aasaloln, le waatotoorb bi do, ki gor ke bi pii ikpiin aan ti to nimi butɔb. Israel aanib, taa tak niyaajatiib Aadindaan Uwumbɔr. Naan ŋmaa nyaŋ u.”

Aisaya 10:4

Bi ga ku nimi butɔb ponn ni la, bee bi chuu nimi ki dar buen ke binaagbiib na. Nimina mɔmɔk aapuwɔb na, Uwumbɔr aaŋuul aan sɔŋ; u ga li beenin ban ke u moo daa nitafal.

Aisaya 28:18

Nimi ni nkun aah kpaan kimɔbaan ki na ga doo, le nimi ni kitekpiitiŋ aakpaam na mu ga doo. Tibɔbir yaa fuu ni kan, ni ga kuln.

Jeremia 14:3

Biwankpadam na tun baanaagbiib ke bi ti lu ni nnyun; le bi buen ŋibun ni, kaa ti kan nnyun; le ki tu ŋibukuun gir ni. Bilan ŋmal, le bitaakpab yɔl, le bi bɔrni.

Jeremia 14:4

Utaal aah kaa nun aan kitiŋ kuur na, bikpaab aasui bii, le bi bɔrni.

Jeremia 17:5

Uwumbɔr len ke, “M ga bii unii u fenn upuwɔb tii mi ki tee kpa unibɔn u ga kpo na aapɔɔn pu limakl na.

Jeremia 2:36

Ni di nibaa ŋa dafir aanib, naah chuun dii ŋitimbol ŋiken aawaa pu na pu. Ijipt yaab ga jinn nimi inimɔɔn ke Asiria yaab aah nan ŋa nimi pu na.

Jeremia 22:20

Jerusalem aanib, li cha Lebanonn aatiŋ pu, ki ti li tar man; li cha Basann aatiŋ pu ki li wii man; li bi Moab aajoo pu ki yin man, ba pu? bi nyaŋ nimaantɔtiib a.

Jeremia 22:30

M siin ke uja wee lann waabim ki li ye uja u kaan kan tinyoor na. Waan li kpa yaabitiib bi ga nan li joo Juda aatiŋ ke Ubɔr David aah nan ye pu na. Min Uwumbɔr le len kina.”

Jeremia 32:5

Bi ga di Sedekia buen Babiloŋ ni, le u ga ti gaar nima ki ti saa buyoonn m ga chiin u na. U yaa jan Babiloŋ yaab kijaak kan, waan ŋmaa nyaŋ bi. Min Uwumbɔr le len kina.”

Inandalahn 4:17

Ti lik ban nterm mu kaa choo na, le kaa ti ki ŋmaa lik. Ti nan kiir ban nterm litimbol li kaa kpa nterm li tii timi na chee, le kaa kan.

Nkahm 14:41

Le Moses bui bi ke, “Kina kan, ba ŋa ni ki yii Uwumbɔr aamɔb dandana wee? Naan ŋmaa nyaŋ bi.