Jeremia 2:36 - Uwumbɔr aagbaŋ

³⁶ Ni di nibaa ŋa dafir aanib, naah chuun dii ŋitimbol ŋiken aawaa pu na pu. Ijipt yaab ga jinn nimi inimɔɔn ke Asiria yaab aah nan ŋa nimi pu na.

Jeremia 2:36 ပူးပေါင်းရင်းမြစ်များ

2 Bibɔrb Aabɔr 28:16

Edom yaab nan ki piin ki loon Juda yaab ki chur binaagbiib pam, kina pu le Ubɔr Ahas bui Asiria aabɔrkpaan Tiglaf Pileser ke u ter u.

Aisaya 20:5

Binib bi di naadii tii Kus aatiŋ ki kpa kipupuk Ijipt aatiŋ pu na ga bee ke bi nan di bibaa mee la.

Jeremia 2:18

Ni dak ke ni yaa gir buen Ijipt aatiŋ ni ki ti nyun Nail aamɔɔl ponn ni aanyun kan, ni ga kan ba aanyoor? Ni dak ke ni yaa buen Asiria ki ti nyun Yufrates aamɔɔl aanyun kan, ni ga kan ba aanyoor?

Jeremia 2:23

Ni ga ŋa kinye ki bui ke naa bii nibaa, ki len ke naa kee doon liwaal Baal? Lik naah nan tun titunwanbir ti kifataŋ ni na; lik naah tun pu na. Ni naahn timoor ni aalaakumii u ban u jon ki san yɔl yɔl,

Jeremia 2:33

Ni sil nyi naah ga ban bɔtiib pu na. Hali bipiib bi joo bibaa kooh na ga ŋmaa bae ni chee.

Jeremia 22:20

Jerusalem aanib, li cha Lebanonn aatiŋ pu, ki ti li tar man; li cha Basann aatiŋ pu ki li wii man; li bi Moab aajoo pu ki yin man, ba pu? bi nyaŋ nimaantɔtiib a.

Jeremia 22:22

Naah tun titunwanbir pu na, le libuln ga daa nimi aayidam buen, le bidim ga chur nimaantɔtiib butɔb ni tinaagbiir, le nimi aatiŋ jin inimɔɔn.

Jeremia 31:22

Nimi maa‑kpa‑gaakii‑dam, ni ga li joo beeni ki ti saa bayoonn? M ŋa tiwachann yayan nibaa, ni bi niyayan ke upii aah kiir uja pu na la.”

Jeremia 37:7

m tuk Sedekia ke, “Ijipt aajab choo ke bi nan ter si, tɔ, bi mu ga gir kun.

Jeremia 46:12

Ŋitimbol ŋun nimi aanimɔɔn ngbaan pu; unii mɔmɔk ŋun naah wii pu na. Uja ubaa gbeer uken, le bi mɔmɔk lir kitiŋ.

Inandalahn 4:17

Ti lik ban nterm mu kaa choo na, le kaa ti ki ŋmaa lik. Ti nan kiir ban nterm litimbol li kaa kpa nterm li tii timi na chee, le kaa kan.

Inandalahn 5:6

Ti chuun mee Ijipt yaab ni Asiria yaab tijikaar ti ti ga ji ki li bi na la.

Esekiel 16:28

“Biken aah kaa lee saakpeek na, le aa san dii Asiria yaab. Sin le nan ye baapiidagoor, le bi mu aa nan lee si kikpeek.

Esekiel 29:7

Baah nan nyii ni pu na, le ni koo lir ki saa chaar biŋmɔŋ ni, le ki cha bi daa goob bichaŋ.

Hosea 10:6

Bi ga di liwaal ngbaan buen ti pa Asiria aabɔrkpaan. Israel yaab aah dii nsurm mu na pu le bi ga ji inimɔɔn ki kpaln binimɔɔnib.

Hosea 12:1

“Israel aanib aah tun pu kichakpiik ni ki ti saa kinyeek na aa kpa tinyoor, le ki ye libiil ŋmeen. Mbimbin mu pɔɔ na ni inyamɔn le moo kpae bi ponn ni. Bi ni Ijipt ni Asiria yaab kpaani kimɔbaan la.”

Hosea 14:3

Asiria yaab aan ŋmaa gaa timi lii, le butɔb aataan mu aan ŋmaa ter timi. Taan ki bui timi aawaa ke ŋima le ye timi Aawumbɔr. Uwumbɔr, aa san binib bi kaa kpa nterm na kinimbaak.”

Hosea 5:13

“Israel aatiŋ nan kan kaah bun pu na, Juda mu kan kibaa aabuun na, le Israel buen Asiria aabɔrkpaan na chee ki ti ban nterm, le waa nan ŋmaa tii ki laafee, bee u yann kaabuun.

Hosea 7:11

Israel chuun fii labr ke linanjel li kaa kpa nlan na la; njan, kaanib nan buen Ijipt yaab chee le ti ban nterm, le ki fenn san buen Asiria yaab chee.