Jeremia 2:32 - Uwumbɔr aagbaŋ

³² Upiisapɔɔn ga ŋmaa suln waaleenyaan pu uu? Ubɔndinn mu ga ŋmaa suln waakekenyaan pu uu? Le maanib ma aah suln m pu pu na, saan ŋmaa kahn iwiin ngbaan.

Jeremia 2:32 ပူးပေါင်းရင်းမြစ်များ

Mpiin 24:22

Waah nan lun nnyun tii laakumii tiib ngbaan mɔmɔk doo na, le uja ngbaan nyan salmaa aakur aabɔmbik ki kpa kidaak na, ni salmaa aakur aabuen ilee, ki di tii upiibo ngbaan,

Mpiin 24:30

Labann nan kan kibɔmbik ni ibuen i nan bi uninkpan aaŋaal pu na, ki ŋun uja ngbaan aah tuk uninkpan pu na. Labann nan buen Abraham aanaagbiija ni waalaakumii tiib aah si nnyunbun mu taab na chee,

Mpiin 24:53

Le u nyan ŋikeken, ni tikunabr, ni salmaa aatakpanyaan tii Rebeka. U nan ki tii upiibo ngbaan aana ni uninja tiwan ni kpa kidaak na.

2 Samuel 1:24

Israel aapiib, wii Sɔɔl aakpowiil man. U nan peen nimi ŋibɔkunyaan ŋi moor lak lak na, ki tii nimi salmaa ni nleenyaan mu tii nimi kinyaan na.

Ilahn 106:21

Bi suln Uwumbɔr u nan di waapɔɔn sakpiin tun ŋitun Ijipt aatiŋ ni ki gaa bi lii na aabɔr.

Ilahn 9:17

Uwumbɔr aah tii bibiindam ni binib bi mɔmɔk yii u na liwangol li na le ye nkun.

Aisaya 17:10

Israel yaab, ni suln Uwumbɔr bɔr; uma le nan nyan ni nimi ki kii nimi ke litakpasakpeln na. Naah tee ŋa pu na le ye ke ni ŋum ŋisubil aasui le ki dooni ŋiwaa.

Aisaya 57:11

Uwumbɔr bui ke, “Ŋiwaa ŋi cha ijawaan chur nimi na ye ŋma, le ni tuk mi inyamɔn aabɔr ki suln m pu kookoo? Maah ŋmin suuna kaa ki gar nimi ni yunn sakpen na, le naa ki pak mi ii?

Aisaya 61:10

Jerusalem mɔɔni Uwumbɔr aah ŋa pu tii u na pu. U gor ubaa ke usapɔɔn u ban u kun uchal do na aah gor ubaa pu pu na la. Uwumbɔr di ŋŋmarm ni linyaŋ di peen u.

Jeremia 13:10

Titunwanbirdam ngbaan yii kaa kii maamɔb. Bi beenin kpa mbiin ni tafalaaŋun ke baah nan bi pu na la, le ki dooni ŋiwaa, ki tun tii ŋi. Kina pu na, bi ga ŋa ke lichutageln lee aah kaa ki li bi tibaa ni pu na.

Jeremia 13:25

U bui ke nimi aadoon le ga li bi na. Waah siin ke u ga ŋa nimi pu na le na, ba pu? ni suln ubɔr le ki di naadii tii ŋiwaa.

Jeremia 18:15

Le maanib ma suln mbɔr; bi seer tulalee aayon mmii ni tii ŋiwaa la. Bi gbeer nsan mu ponn ni bi ba ga dii mu na la, baa ki dii n‑yaajayoonn aasan na; bi chuun nsanbim mu baa daan mu na pu la.

Jeremia 2:11

Litimbol libaa aa kee kpeln laawaa ŋi kaa ye nibaa na, le maanib ma di min Uwumbɔr u tii bi liyimbil na kpeln ŋiwaa ŋi kaan ŋmaa ŋa nibaa tii bi na.

Jeremia 2:33

Ni sil nyi naah ga ban bɔtiib pu na. Hali bipiib bi joo bibaa kooh na ga ŋmaa bae ni chee.

Jeremia 23:27

Bi dak ke tidaŋ ti bi joo tuk maanib na ga cha maanib suln mbɔr, ke bitetiib aah nan suln mbɔr ki fenn toŋ liwaal Baal wɔb pu na la.

Jeremia 3:21

Israel yaab aah suln Bidindaan Uwumbɔr pu ki tun titunwanbir aatuln na, le kifuuk faa ŋijoo paab, ki ye Israel yaab aah wii ki gaŋni pu na aafuuk la.

Esekiel 22:12

Saanib bibaa ku binib le ki gaal tipar. Biken gaal ŋimombil paani baah pinn pu tii biŋeen aatɔtiib Israel yaab biken na, le ki kani kina aajinjin pu ŋimombil. Bi suln mbɔr.” Bidindaan Uwumbɔr le len kina.

Hosea 8:14

“Israel aanib maa ŋibɔrdichal, le ki tee suln Uwumbɔr u naan bi na bɔr. Juda aanib maa ntim mu kpa tijawan aan bi maa ŋigon gob mu na. Le m ga cha mmii wu baabɔrdichal ni ntim ngbaan.”

Ikaal 32:15

Uwumbɔr aanib ngbaan nan kan liwangol, le ki tee kpa tafalaaŋun. Bi nan ji ti babr, le ki filk. Bi nan yii Uwumbɔr u naan bi, ki ye Mpɔɔnsakpiindaan u gaa bi lii na.

Tibɔkpiirkaan 21:2

Le m kan kitiŋ ki bi chain, ki ye Jerusalem pɔɔn na, nyan ni Uwumbɔr chee paacham, ki gor ke ubɔndinn u ban u mɔn tichal na aah gor ubaa pu pu na.

Bibɔjirb 8:34

kaa ki dooni Bidindaan Uwumbɔr u gaa bi baadim bi mann goln bi na chee lii na.