Jeremia 2:31 - Uwumbɔr aagbaŋ

³¹ Israel aanib, li pel maah len pu na man. M bi ke nteersakpiin mu bɔɔn ki kpa tiwanbir na le ni chee ee? Tɔ, ni ŋa kinye aan ni bui ke ni ga ŋa naah gee pu na, ke naan ki gir ni m chee kpala?

Jeremia 2:31 ပူးပေါင်းရင်းမြစ်များ

1 Bibɔrb 11:22

Le ubɔr ngbaan baa u ke, “Ba ŋa? Maa ŋman ki tii si tiwan nibaa la aa? Nima pu le aa ban aa gir kun aa?” Hadad nan giin gar u ke, “Cha m ma kun,” le ki gir kun udo aatiŋ pu. Waah nan ti ye Edom aabɔr na, Hadad nan ye Israel yaab aadin u bir sakpen na la.

2 Bibɔrb Aabɔr 31:10

le Utotoorninkpel Asaria, u nan ye Sadok aayaabil na bui u ke, “Binib ngbaan aah piin ki joo ni ipiin ngbaan Uwumbɔr Aadichal ni na, tijikaar pam bi le ti ji, le ti gur na wiir sakpen a. Uwumbɔr aah ŋa tinyoor ŋa waanib pu na le cha ti kpa nimina mɔmɔk.”

Job Aagbaŋ 21:14

Bibiindam bui Uwumbɔr le ke u cha bi suuna; baa ban ke bi bee waah ban bi tun pu na.

Ilahn 10:4

Ubiindaan aatafal aa bi Uwumbɔr ni; waagaak ponn ni le u dak ke Uwumbɔr aa bi tibɔr tibaa ni.

Ilahn 12:4

“Ti joo timi aamɔmɔɔn le kani taah ban pu na. Ti ga len taah gee pu na, le ubaa aan ŋmaa ŋmin timi.”

Ŋiyataŋak 30:9

M yaa kpa pam kan, nibaakan m ga bui ke maa ki ban si. M yaa ti ki ye ugiin mu kan, nibaakan m ga su kinaayuk ki di inimɔɔn tii si.

Aisaya 45:19

Maa bɔrni ki len maabɔr, kaa joo maah ban m ŋa pu na mu bɔrni. Maa nan ban ke Israel yaab lik ban mi, kitiŋ ki kaa kpa nibaa na ni. Min le ye Uwumbɔr, le ki len ibamɔn; m cha ibamɔn nya mpaan pu.”

Jeremia 2:20

Tidindaan Uwumbɔr le len ke, “Israel yaab, naah yii maamɔb na, ni yunn pam; ni yii, kaa kii maamɔb, kaa dooni mi. Ni dooni ŋiwaa ŋi ni bui ke ŋi kpa timar na ŋigongon ŋi paa na pu, ni bususoom mɔmɔk taab.

Jeremia 2:25

Israel yaab, naah bi san ban ŋiwaa pu na le cha nitaa deer, le nineen ni mu kuur. Le ni bui ke, ‘Aayii. Taan ki fenn tipuwɔb. Ti gee ŋiwaa aabɔr pam, le ki ga li san dii ŋi.’”

Jeremia 5:5

M ga buen binib bi bi mpɔɔn ni na chee le ti ti gbaa tibɔr. Nibaakan, bima ga li nyi Baawumbɔr aah gee pu na, bima ga li nyi Uwumbɔr aah ban ke bi ŋa pu na.” Le bi mu mɔmɔk yii Uwumbɔr aamɔb ki nyan upuwɔb.

Jeremia 5:6

Nima pu le ichinn ga nya ni kichook ni ki nan ku bi; le takɔ mam ga nya ni nteersakpiin ni ki nan daa par par bi, le inaamuun ga li chuun tee mban baatim ponn ni. Binib ngbaan yaa nyan lipaal kan, i ga daa par par bi; ba pu? baatunwanbir wiir sakpen a, le bi fenn bipuwɔb tii Uwumbɔr n‑yoonn mɔmɔk.

Esekiel 14:5

Ŋiwaa ngbaan mɔmɔk gaa Israel yaab m chee a, le maah ga tii ngarm mu na, m dak ke bi ga ki giin ni baamɔkiil nan tii mi.

Hosea 13:6

Le naah ti koo kitiŋ ki ŋan na ponn ni na, le ni nan jin bab, le ni ŋeer nimi, le ni kpaln bigaadam ki suln mbɔr.

Amos 1:1

Tibɔr ti Amos u ye upihkpaal ki nyan ni Tekoa aatiŋ ni na nan len na sɔ. Ŋibin ŋilee waahr aan kitiŋ nin deŋ na, n‑yoonn ngbaan le Usia nan ye Juda aabɔrkpaan aan Jehoas aajapɔɔn Jeroboam mu nan ye Israel aabɔrkpaan na, le Uwumbɔr nan kpiir Israel aatiŋ aabɔr timina mɔmɔk tuk Amos.

Maika 6:9

Ni ye nlan aawan le ke ti li san Uwumbɔr. U yin kitiŋ ngbaan ni aanib ke, “Li pel man, nimi bi kuun kitiŋ ngbaan ni na.

1 Korenti 4:8

Ni dak ke ni puun kan tiwan bab a, ki ye bipɔɔndam, ki kpaln bibɔrb, ki cha timi a. Ni yaa ba sil ye bibɔrb aan ti mu li ye bibɔrb ni chee kan, ni ba ga li mɔ timi.

Ikaal 31:20

Maah nan puu pu tii biyaajatiib na, m ga di bi buen kitiŋ ki kpa tiwakor aamoŋmɔpaan ni ŋisubil sakpen na ni. Nima chee le bi ga ti li bi nsuudoon ni, ki kan tijikaar timɔk bi ban na. Tɔ, bi mu ga nan fenn le ki li dooni ŋiwaa. Bi ga yii mi, le ki bii maah puu tipuur ti na,

Ikaal 32:15

Uwumbɔr aanib ngbaan nan kan liwangol, le ki tee kpa tafalaaŋun. Bi nan ji ti babr, le ki filk. Bi nan yii Uwumbɔr u naan bi, ki ye Mpɔɔnsakpiindaan u gaa bi lii na.

Ikaal 32:18

Bi nan suln Uwumbɔr Mpɔɔnsakpiindaan u gaa bi lii ki tii bi limɔfal na bɔr.