Jeremia 2:28 - Uwumbɔr aagbaŋ

²⁸ “Naah naan ŋiwaa ŋi tii nibaa na bi la chee? Ŋi yaa ga ŋman kan, ni cha ŋi nyan nimi tibɔr ni buyoonn ni bi ti ni na. Juda aanib, naah kpa ntim sakpen pu na, kina le ni kpa ŋiwaa mu.

Jeremia 2:28 ပူးပေါင်းရင်းမြစ်များ

2 Bibɔrb 3:13

Le Elaisa baa Israel yaab aabɔr ke, “M ga ŋa kinye aan ki ter si? Li cha aate ni aana aah nan chaa ŋiwaa aabɔnabr bi chee na.” Le Joram gar u ke, “Aayii. Uwumbɔr le di timi bibɔrb bitaa bimina ŋa Moab yaab aabɔr aaŋaal ni.”

Aisaya 45:20

Uwumbɔr bui ke, “Kuun ni man tɔb chee, nimi ŋitimbol mɔk aanib; nimi bi ga ŋmar litimbiil ngbaan aalirm ni na; li joo ni man nibaa aan bi nan ji nimi tibɔr. Binib bi kuun ŋiwaa ŋi bi di isui kpii ŋi na, ki dooni ŋiwaa ŋi kaan ŋmaa gaa bi lii na, binib ngbaan aa nyi nibaa kpala.

Aisaya 46:2

Ŋiwaa ngbaan aa ŋmaa gaa ŋibaa lii, bi nyaŋ ŋi ki di ŋi buen a. Babiloŋ aawaa aadoon le na.

Aisaya 46:7

Bi ga yoor li ki di buŋ bibɔgbin pu, ki ti di li siin, le li si nima, kaan ŋmaa chuun buen nibaa chee. Unii yaa mee li kan, laan ŋmaa kii, kaan ŋmaa nyan u tibɔbir ni.

Aisaya 57:13

Ni yaa wii ki ban nterm kan, ni cha nimi aawaa ngbaan ter nimi. Litakpiln libaa aabuln le ga daa ŋi di buen. Le binib bi gaa mi ki kii na ma ga li bi kitiŋ ngbaan pu ki ga li dooni mi Maadichal ni.”

Jeremia 1:16

M ga daa maanib aatafal, baatunwanbir pu; bi yii mi, ki toor kitork tii ŋiwaa, ki naan ŋiwaa ki dooni ŋi.

Jeremia 11:12

Le Juda ni Jerusalem aanib ga buen ŋiwaa ŋi bi toor kitork tii ŋi na chee, ki ti wii ban nterm. Tɔ, ŋiwaa ngbaan mu aan ŋmaa ter bi libiil ngbaan aayoonn.

Jeremia 11:13

Juda aanib aawaa wiir ke baatim aah wiir pu na la, le Jerusalem yaab maa ŋibimbin tii tijɔŋ aawaal Baal, baatiŋ ni aasanbim mɔmɔk ni.

Jeremia 30:7

Ijawaan sakpiin aawiin mubaa choo; nwiin ngbaan aaŋeen aatɔ aan li bi, maanib aapombiin aayoonn le bi na, bi mu tee ga ŋmar.”

Jeremia 37:19

Bibɔnabr bi tuk si ke Babiloŋ aabɔr aan tak si ni saatiŋ na bi la chee?

Hosea 10:1

Israel aanib nan bi ke ŋisubil aasub bu lun ŋisubil sakpen na la. Buyoonn bi moo kan liwangol na, le bi too maa ŋiwaa aatork aabimbin kpae. Buyoonn baatiŋ moo ŋani tijikaar na, le bi too toor ŋiwaa ŋi bi dooni na ke ŋi li ŋan.

Habakuk 2:18

Liwaal kpa ba aanyoor? Unibɔn le naan li, le li joo inyamɔn baanja tuk si. Unii u naan li na tii li naadii, le li mu aa tee ŋmaa len tibɔr.

Habakuk 2:19

Saamɔfal junn a; ba pu? aa bui lidɔgeln ke, “Finn ngeen pu,” le ki ki bui litakpal li kaa kpa kifuurk na ke, “Finn ngeen pu.” Liwaal ga ŋmaa kpiir tiwan nibaa tuk si ii? Bi ga di salmaa ni tikunabr le boon li, le li mu aa tee kpa kifuurk.

Ikaal 32:37

Le Uwumbɔr ga baa waanib ngbaan ke, ‘Nimi aawaa ŋi ni nan di naadii tii ŋi na bi la?

Bibɔjirb 10:14

Li cha ti li yin man ŋiwaa ŋi ni lee ke ni ban na. Ni yaa bi limukl ni kan, ni cha ŋima gaa nimi lii.”