Jeremia 2:27 - Uwumbɔr aagbaŋ

²⁷ Sin u bui ke aate ye busub, le litakpal mu ye aana na ga ji inimɔɔn. Naah fenn nipuwɔb tii mi, kaa fenn ki dii mi pu na, le ga cha kina ŋa. Le ni yaa tee bi tibɔr ni kan, ni bui ke m dan nan gaa nimi lii.

Jeremia 2:27 ပူးပေါင်းရင်းမြစ်များ

2 Bibɔrb Aabɔr 29:6

Tiyaajatiib aa nan dii Tidindaan Uwumbɔr mbamɔm le ki tun waah kaa gee pu na. Bi nan yii u le ki fenn bipuwɔb tii waah koo nin chee na.

Aisaya 26:16

Uwumbɔr, aa daa saanib aatafal, le baanimbaak ni, bi mee si.

Jeremia 10:8

Bi mɔmɔk jɔr le ki ye bilatiirb. Baan ŋmaa bae nibaa ŋiwaa chee, ŋi ye ŋisugen la.

Jeremia 18:17

M ga cha maanib yaa baadim chee, ke liwipuul wɔb aabuln aah daar titan pu pu na. M ga fenn mpuwɔb tii bi; maan ter bi buyoonn bi bi tibɔbir ni na.”

Jeremia 2:24

ki san kpak nteersakpiin ni na la. U yaa ban u jon kan, ŋma ga ŋmaa chuu u? Laakumiija u ban u jon u na aan ŋa falaa ubaa; n‑yoonn mumɔk u ban u jon na kan, u kani u.

Jeremia 22:23

Ni kaa santina bi bi joo ni bi nyan ni Lebanonn aatiŋ ni na ponn ni le ki fuur; tɔ, iween i wu ke upii aamalween na yaa nan pii nimi kan, le ni ga ŋa kinimbaak aanib.

Jeremia 3:9

kaa nan san inimɔɔn kpala. U nan bii kitiŋ ngbaan, le ki dooni ŋitakpal ni isui.

Jeremia 30:7

Ijawaan sakpiin aawiin mubaa choo; nwiin ngbaan aaŋeen aatɔ aan li bi, maanib aapombiin aayoonn le bi na, bi mu tee ga ŋmar.”

Jeremia 32:33

Bi fenn bipuwɔb tii mi, le m ma beenin mɔk bi, le baa pel ki bae.

Jeremia 37:3

Ubɔr Sedekia nan di Selemia aajapɔɔn Jehukal ni utotoor Sefania, u aate nan ye Maaseya na tun ni ke bi nan bui mi ke m mee Tidindaan Uwumbɔr timi aatimbol pu.

Jeremia 42:2

le ki nan bui mi, “Ŋaanii ki ŋa taah bui si pu na. Mee Tidindaan Uwumbɔr tii timi. Mee limeel tii timi bi mɔmɔk ŋmar na. N‑yoonn mubaa ti nan ye binib bi wiir na la, tɔ, dandana ma kan, sin aabaa waa ke timi siib kina le gur.

Esekiel 23:35

Tɔ, Aadindaan Uwumbɔr aah len pu na sɔ: “Saah suln mbɔr ki fenn aapuwɔb tii mi pu na, aa ga ji saajaakpakr ni saadagook aafalaa.”

Esekiel 8:16

Kina pu na, u nan di mi koon Uwumbɔr Aadichal aachinbik ni. Chain aapepel ni, mbisamɔb chee, kitork aabimbiln, ni baah diir nin chee na aakaasisik ni, bijab moninko ni biŋmu nan ka nima. Bi nan fenn bipuwɔb tii chain aapepel, le ki gbaa kitiŋ ki dooni nwiin mu laa bi puur ni na.

Daniel 9:7

Ndindaan, aa ŋani tiwan ni ŋan na n‑yoonn mɔmɔk, le tima joo ni inimɔɔn nan tii tibaa n‑yoonn mɔmɔk. Nimina ye mbamɔn ki tii timi bi bi Judea ni Jerusalem aatiŋ ni na, ni Israel yaab bi aa cha bi yaa ki bi ntim mu bi dandar na, ni mu duun na ni na, ke baa dii si mbamɔm.

Hosea 4:12

Lidɔgeln chee le bi chaa ti baa tibɔkpiirkaan. Ndɔ le tuk bi baah ban ke bi li nyi tiwan ni na. Bi di mi Uwumbɔr di mee. Bi di bibaa tii ŋiwaa ke upii u di ubaa ŋa udagoor na la.

Hosea 5:15

“M ga siir cha maanib, ki ti saa buyoonn bi ga ji falaa u ŋeer baatunwanbir ki gir ban ni mi na. Nibaakan bi ga fenn ban mi limukl ngbaan ni.”

Hosea 7:14

Baa joo bisui mɔmɔk mee mi, le ki labr lir kitiŋ le ki kaani ke binib bi kaa dii maasan na aah ŋani pu na. Bi yaa bi mee ban njikaabim ni ndaan kan, bi joo njum le geei bibaa ke binib bi kaa dii maasan na aah ŋani pu na. Bi ye binib bi kaa keei min Uwumbɔr aamɔb na la.