Jeremia 2:21 - Uwumbɔr aagbaŋ

²¹ M nan bun nimi ke lisubinyaan li aasub ga li ŋan na la. Tɔ, lik naah tun pu na. Ni naahn ŋisubil aasub bu bur na la.

Jeremia 2:21 ပူးပေါင်းရင်းမြစ်များ

Mpiin 18:19

M lee u ke u di maakaal mɔk waabim, ni uyaabitiib, aan bi kii tii mi ki li ŋani ni ŋan na mbamɔm. Bi yaa kii kina kan, m ga ŋa tinyoor ŋa bi pu ke maah nan puu pu tii Abraham na.”

Mpiin 32:28

Le ntuun ngbaan bui ke, “Saah mɔn ki nyaŋ Uwumbɔr ni unibɔn na, nima pu na, bi ga li gur yin si ke Israel la, baan ki yin si ke Jakob.”

Ilahn 44:2

Sin aabaa le nan jenn nyan binib bi kaa dii si na, ki di saanib kaan baatiŋ pu. Aa nan daa binib ngbaan aatafal ki cha saanib kan tinyoor.

Ilahn 80:8

Aa nan di ŋisubil aasub nyan ni Ijipt aatiŋ ni; aa nan jenn nyan ŋinibol le ki di bu ŋum baatiŋ ni.

Ilahn 80:9

Aa nan beer mpaan tii bu ke bu muun; busub ngbaan aanyaan nan chɔb baan, le bu taln gaa kitiŋ ngbaan mɔmɔk pu.

Nnyam 15:17

Si le di bi kaan saajool pu, sin Uwumbɔr aah nyan nin chee ke ni li ye aado na, saadichal li aa maa li aabaa na ni.

Aisaya 1:21

Kitiŋ ki nan bi chain kaa kpa tijɔŋ tibaa na le gur tun ke upiidagoor na. N‑yoonn mubaa bininyaam ŋmeen le nan gbii ki ni, le dandana ma binikurb le gur bi ki ni.

Aisaya 27:2

Nwiin ngbaan daal Uwumbɔr ga len waasubil aasaak ki ŋan na aabɔr ke,

Aisaya 41:8

Le nimi maatutum Israel yaab, ni ye binib bi m lee bi na la, njɔ Abraham aayaabitiib.

Aisaya 5:4

Ni ye ba le maa ŋa ki? Kina kan, ba ŋa ki lun ŋisubil ŋi mɔɔn na ŋmeen, kaa ye ŋi ŋan na?

Aisaya 60:21

Jerusalem aanib mɔmɔk ga li tun ŋitun ŋi tok chob na la, ki ga li yeh kitiŋ ngbaan mɔmɔk ki ti saa n‑yoonn mu kaa kpa ndoon na. Min le naan bi ki kaan bi ke bi kpiir maapɔɔn mɔk unibɔn mɔmɔk.

Aisaya 61:3

ke m nan tii binib bi wii Sionn ni na mpopiin ni nsuudoon, bi taa ki wii, ki gaa kipak aalahn, ni taa li ye ikpowiil. Bi ga li naahn isui i Uwumbɔr ubaa bun i na la. Bi mɔmɔk ga li ŋani tiwan ni si chob na la, le binib ga pak Uwumbɔr, waah tun pu na pu.

Jeremia 11:16

N‑yoonn mubaa m nan yin bi ke olif aasub bu kpa tifar mbamɔm ki lu ŋisubil ŋi ŋan na la; tɔ, dandana ma kan, mmii ga dam ke utaal aah gbenni pu na, le mu wun tifar ngbaan, ki kool ibon lii kitiŋ.

Jeremia 11:17

“Min Uwumbɔr Mpɔɔnsakpiindaan le nan bun Israel ni Juda yaab; tɔ, n‑yoonn mue ma kan, m ban m joo ni tibɔbir le nan lii bi pu. Baah tun taani pu na le bi joo ni kina nan lii bibaa pu; bi toor kitork tii liwaal Baal, le ki cha maaŋuul fii bi pu.”

Jeremia 5:10

M ga tun ni bidim le bi nan pir maanib aasubil aasui lir, ki taa tee kuln i kookoo. M ga bui bi ke bi pir isubon lir, ba pu? isubon ngbaan aa ye min yee.

Inandalahn 4:1

Timi aasalmaa u nan moor lak lak na gur bɔn timm la. Uwumbɔr Aadichal aagon ŋi wii na aatakpal yaa, le ki dɔ kitiŋ ponn ni, ni kookoo.

Esekiel 15:2

“Unibɔn, ndaan aasubil aasufabir ga ŋa kinye ki di tibaa di ŋaŋ busukpaam? Ndaan aasubil aasubon kpa ba aanyoor kichook ni aasukpaan chee?

Matiu 21:33

“Li pel man liyataŋakl liken. Udichadaan ubaa le nan bi le ki naan kisaak, le ki ŋum isui i lu ŋisubil na ki ponn ni, le ki di idɔ gob kisaak ngbaan, le ki gbii libuul li bi ga di ŋisubil ŋa li ponn ni na aan ki mueni nyani ŋaanyun na, le ki maa libimbifɔfɔŋ ke unii li ka li paab ki kiir kisaak ngbaan, le ki yin bikpaab bibaa, le ki di kisaak ngbaan ŋa biŋaal ni, ke bi li lik ki. Isui ngbaan yaa nan lun ŋisubil kan, bi ker ki tii u, aan ki ker bibaa mu. Waah ŋa kina na, le u siir ki buen kitiŋ ki daa na ni.

Tibɔnyaan ti Mak ŋmee ti na 12:1

Le Yesu ki ŋakl bi ŋiyataŋak ke, “Uja ubaa le nan naan kisaak, le ki ŋum isui i lu ŋisubil na ki ponn ni, le ki di idɔ gob kisaak ngbaan, le ki gbii libuul li bi ga di ŋisubil ŋa li ponn ni aan ki muen nyan ŋaanyun na, le ki maa libimbifɔfɔŋ ke unii li ka li paab ki kiir kisaak ngbaan, le ki yin bikpaab bibaa, ki di kisaak ngbaan ŋa biŋaal ni ke bi li lik ki. Isui ngbaan yaa nan lun ŋisubil kan, bi ker tii u, aan ki ker bibaa mu. Waah ŋa kina na, le u siir ki buen kitiŋ ki daa na ni.

Tibɔnyaan ti Luk ŋmee ti na 20:9

Le u ŋakl binib ngbaan liyataŋakl, “Uja ubaa nan naan kisaak, ki ŋum isui i lu ŋisubil na ki ponn ni, le ki yin bikpaab bibaa, ki di kisaak ngbaan ŋa biŋaal ni ke bi li lik ki. Isui ngbaan yaa nan lun ŋisubil kan, bi ker tii u, aan ki ker bibaa mu. Waah ŋa kina na, le u siir ki buen kitiŋ ki daa na ni, ki ti yunn nima.

Jɔnn 15:1

“Min le ye ndaan aasubil aasupuul bamɔnn na. Nte Uwumbɔr le ye ukpaal u lik busub ngbaan na.

Ikaal 32:32

Baadim ye titunwanbirdam ke Sodom ni Gomora yaab na la, le ki naahn ŋisubil aadaan aasui i lu ŋisubil ŋi to ki kpa liluul na.

Ikaal 4:37

Waah gee niyaajatiib pu na, le u lee nimi, ki di waapɔɔn sakpiin na nyan ni nimi Ijipt aatiŋ ni.

Josua 24:31

Josua aah nan bi limɔfal ni, ki ti saa buyoonn u kpo na, Israel yaab nan dii Uwumbɔr mbamɔm, le waah kpo na, bi nan beenin dii u mbamɔm, ki ti saa buyoonn baaninkpiib bi nan kan Uwumbɔr aah nan ŋa lijinjiir aawan pu na, mu nan kpoi.