Jeremia 2:17 - Uwumbɔr aagbaŋ

¹⁷ Israel yaab, nimi le joo ni nimina niyil pu. Ni yii min, Nidindaan Uwumbɔr, buyoonn m nan cheeni nimi cha na.

Jeremia 2:17 ပူးပေါင်းရင်းမြစ်များ

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

2 Bibɔrb Aabɔr 15:2

le u buen ki ti tooh Ubɔr Asa nsan pu. U nan teen ki len ke, “Ubɔr Asa, ni Juda, ni Benjaminn aanib bee mɔmɔk, n‑yoonn mumɔk ni bi Uwumbɔr chee na, u mu bi ni chee. Ni yaa ban u kan, u ga cha ni kan u, le ni yaa fenn nipuwɔb tii u kan, u ga di nimi lii.

Job Aagbaŋ 34:27

ba pu? bi yii, kaa ki dii u ki suln waakaal mɔmɔk.

Job Aagbaŋ 4:8

M kan binib aah kon titunwanbir ke nkpaakon pu na, ki bun mbiin ke njikaabim na pu na; le ki tee nan chee mbiin, ni titunwanbir.

Ilahn 107:7

U nan di bi buen kitiŋ ki ponn ni bi ga ti li koo na.

Ilahn 136:16

U nan di waanib bɔ dii nteersakpiin ni; waageehm aa kpa ndoon.

Ilahn 77:20

Aa loln saanib pu nsan ke upihdaan na, ki cha Moses ni Aaronn joo bi.

Ŋiyataŋak 15:10

Aa yaa tun titunwanbir kan, aa ga kan ntafadaan mu bir ki pɔɔ na, sin u kaa gee nsurm na ga kpo la.

Aisaya 1:4

Ni kpo doo a, nimi titunwanbirdam, nimi beebeedam, ni kinimbɔŋdam. Nimi aatunwanbir le dar nimi lir kitiŋ. Nimi Israel yaab, ni yii nimi Aawumbɔr u bi chain na, ki fenn nipuwɔb tii u.

Aisaya 59:13

Ti yii si, kaa si aapuwɔb, kaa dii saasan. Ti muk biken, ki fenn tipuwɔb tii si. Timi aalandak, ni timi aamɔliin mɔmɔk ye inyamɔn la.

Jeremia 13:22

Aa yaa nan baa ke ba ŋa nimina ŋa si, le saakeken kar kar aan bi chuu si mpɔɔn ki doon aa chee kan, aa li nyi ke saatunwanbir nyaŋ sakpen a.

Jeremia 19:4

Binib ngbaan aah fenn bipuwɔb tii mi ki bii do, ki toor kitork tii ŋiwaa ŋi bima bibaa, ni biyaajatiib, ni Juda aabɔrb aa nan nyi ŋibɔr kpala na pu, le ga cha m ŋa kina. Binib bi kaa kpa taani ubaa na aasin le bi di bii do,

Jeremia 2:13

maanib aah tun titunwanbir tilee ti na pu. Bi fenn bipuwɔb tii mi, ni bi ke bi yii uyayak aanyunbun mu aanyun ŋan na, le ki gbii bibaa aabun ŋi kpa iween, kaan ŋmaa joo nnyun na.

Jeremia 2:19

Nimi nibaa aatunwanbir le ga daa nitafal, le naah fenn nipuwɔb tii mi pu na ga bii nimi. Ni ga bee ke ni yaa yii min Nidindaan Uwumbɔr, kaa ki tii mi naadii kan, naa ŋan, ki mu ga li wu. Min, Nidindaan Uwumbɔr Mpɔɔnsakpiindaan le len kina.”

Jeremia 4:18

Juda yaab, naah bi mbimbin mu na, ni ŋitun ŋi ni tun na le cha ni joo ni nima nibaa pu. Nimi aatunwanbir le joo ni falaa umina; ti saa chaar nipobil a.

Jeremia 44:3

mu aanib nan tun titunwanbir ki ŋa mi liŋuul. Bi nan toor kitork tii ŋiwaa, le ki dii ŋiwaa ŋi bima, ni nimi, ni niyaajatiib aa kee dii ŋi na.

Jeremia 5:25

Le nimi aatunwanbir cha nimina mɔmɔk nyan niŋaal ni.

Esekiel 39:24

M nan tii bi baajɔŋ ni mbiin aah ŋeer pu na, le ki fenn mpuwɔb tii bi.”

Hosea 13:9

“Israel aanib, m ga kuln nimi. Le ubaa aan ŋmaa ter nimi.

Maika 1:5

Israel aanib aah tun titunwanbir ki yii Uwumbɔr aamɔb na le ga cha nimina mɔmɔk ŋa kina. Ŋma aan bi ga galn Israel yaab aah yii Uwumbɔr aamɔb pu na pu? Ni ye Israel aatiyil Samaria la. Ŋma bi Juda aatiŋ ni ki dii ŋiwaa? Ni ye Jerusalem aatiŋ la.

Nkahm 32:23

Ni mu yaa kaa ŋa naah puu pu na kan, m sur nimi la, ni ga tun titunwanbir Uwumbɔr chee, le u ga sil daa nitafal.

Ikaal 32:10

Bi nan chuun bi nteersakpiin ni, le u kan bi, nteersakpiin mu libuln li kuur na daar aan nibaa aa punni na. Uma le nan lik ki kii bi ke waah ga li joo ubaa pu na;

Ikaal 32:19

Uwumbɔr aah kan kina na, le u gee liŋuul bi pu, ki yii ujapɔtiib ni ubisatiib,