Jeremia 2:15 - Uwumbɔr aagbaŋ

¹⁵ Bi ŋuuni bi pu ke ichinn na la; bi cha baatiŋ kpaln nteersakpiin, le baatim kpaln tilangbenn, ubaa aa ki bi mu ponn ni.

Jeremia 2:15 ပူးပေါင်းရင်းမြစ်များ

Job Aagbaŋ 4:10

Bibiindam wii ki ŋuuni ke ichinn na la, le Uwumbɔr kool baanyin, ki ŋmini bi chii.

Ilahn 57:4

Maadim mann gonn mi la, bi naahn ichinn i ŋmɔ binib na la. Baanyin naahn tikpaatunn ni ipiin la; le baalambil bi ke kijaak aajum mu ka na.

Aisaya 1:7

Nimi aatiŋ kuln a, le mmii wun nimi aatim mɔmɔk. Le ni si lik le biwɔwɔm gaa nimi aakpaakon mɔmɔk, ki gaa nimi aajikaar.

Aisaya 24:1

Uwumbɔr ga kuln kitiŋ kee aan ki gur nkuun. U ga mur fenn kitiŋ kee, ki yaa kaanib.

Aisaya 5:29

Baatɔb aajab ŋuuni ke uchinn u chuu upeel ki joo san cha nin chee ubaa aan ki ŋmaa gaa upeel ngbaan u chee na aah ŋuuni pu na la.

Aisaya 5:9

M ŋun Uwumbɔr Mpɔɔnsakpiindaan len ke, “Ŋidichanyaan sakpiin ŋimina mɔmɔk ga kpaln ŋidichakuun ki lir.”

Aisaya 6:11

Le m baa ke, “Ndindaan, nimina ga yunn kinye?” Le u gar mi ke, “Ki ti saa n‑yoonn mu ntim ngbaan ti kuln, nibaa aa ki bi mu ni na; buyoonn unii aa ti ki bi ŋidichal ni na; buyoonn kitiŋ kee kibaa aa ti ki kpa tinyoor tibaa na.

Jeremia 10:22

Li pel man. Tibɔchann fuu ni a. Kinikpakpak sakpeŋ fii ŋŋangan wɔb aatimbol ni; laajab ga cha Juda aatim mɔmɔk kpaln nteersakpiin nin chee ikakal koo na.”

Jeremia 25:30

“Sin Jeremia, di maah len pu na mɔmɔk moon. Aa bui binib bee ke, ‘Uwumbɔr ga ŋuun ni paacham, ki teen ke utaal na paachapaacham. U ga ŋuun waanib pu; u ga li tar ke uja u bi tai ŋisubil, aan nnyun nya pu na la. Unii umɔk bi kitiŋ do na ga ŋun u pu,

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 26:9

Ba ŋa aa di Uwumbɔr aayimbil len ke Waadichal lee ga bii ke Silo na, aan kitiŋ kimina mu ga kuln, ubaa taa ki li koo nima?” Binib ngbaan nan mann goln mi.

Jeremia 33:10

Uwumbɔr bui ke, “Binib len le ke do chee na bi ke nteersakpiin ni na la, ke binib ni tiwakor aa koo nima. Ni mu sil ye mbamɔn; Juda aatim ni Jerusalem aatiŋ ponn ni ye nkuun la; binib ni tiwakor aa bi nima. Tɔ, ntim ngbaan ni, le ni ga ki ŋun mpopiin,

Jeremia 34:22

M ga lii bi bumɔb le bi ki gir ni kitiŋ kee pu. Bi ga tak ki, ki nyaŋ ki, le ki see ki mmii. M ga ŋa Juda aatim ke nteersakpiin mu pu ubaa aa koo na la. Min Uwumbɔr le len kina.”

Jeremia 4:7

Uchinn aah nyani waabɔbɔryaan ni pu na, kina le unii u bii ŋitimbol na nyan ni. U choo u nan bii Juda aatiŋ la. Juda aatim ga kpaln tilangbenn la, le ubaa aan ŋmaa koo mu ni.

Jeremia 44:22

Din wee na, nimi aatiŋ dɔ nkuun, le ubaa aa bi ki pu. Binib gur san ki ijawaan la, le Uwumbɔr aah kaa nan ki ŋmaa gaa nimi aabiin ni titunwanbir pu na, le binib gur joo kaayimbil puuni lir biken pu.

Jeremia 5:6

Nima pu le ichinn ga nya ni kichook ni ki nan ku bi; le takɔ mam ga nya ni nteersakpiin ni ki nan daa par par bi, le inaamuun ga li chuun tee mban baatim ponn ni. Binib ngbaan yaa nyan lipaal kan, i ga daa par par bi; ba pu? baatunwanbir wiir sakpen a, le bi fenn bipuwɔb tii Uwumbɔr n‑yoonn mɔmɔk.

Jeremia 50:17

Uwumbɔr ki len ke, “Israel aanib bi ke ipiih i ichinn jenn yaa i na la. Njan na, Asiria aabɔrkpaan le nan puen tak bi, le Babiloŋ Aabɔr Nebukadnesar nan nyir baakpab.

Jeremia 51:38

Babiloŋ yaab mɔmɔk wii ki ŋuuni ke ichinn ni yaabim na la.

Jeremia 6:8

Jerusalem aanib, cha tibɔbir timina li ye nsurm ki tii nimi, naa ye kina kan, m ga di nimi lii, m ga cha nimi aatiŋ kpaln nteersakpiin, nin chee ubaa aa koo na.”

Jeremia 9:10

Le m bui ke, “M ga wii ŋijoo aakpowiil ki wii tiwakor aamoŋmɔpaan aah kuur pu aan ubaa aa chuun nima chee pu na aakpowiil. Inaa aawiil ŋmin chii; inyoon ni ipeel fii ki san buen a.”

Jeremia 9:11

Le Uwumbɔr bui ke, “M ga cha Jerusalem kpaln ŋilangbentakpal, nin chee iŋɔk koo na; Juda aatim ga kpaln nteersakpiin, nin chee ubaa aa koo na.”

Esekiel 36:3

“Tɔ, nabr maabɔr ki moon min Dindaan Uwumbɔr aah bi len pu na. Ŋitimbol ŋiken ŋi bi gbɔk Israel aatimbol na aah nan nyaŋ ki yoor Israel aajoo aawan na, ŋi mɔmɔk nan sii Israel la.

Esekiel 5:14

Ŋitimbol ŋi mɔk mann goln nimi na aanii umɔk jer na ga lik seen nimi, ki gbii ŋinyin dandar ki lik nimi la.

Hosea 11:10

“M yaa nan ŋuun baadim pu ke uchinn na kan, maanib ga dii mi. Bi ga nya liwilir wɔb ki dan m chee mala.

Hosea 5:14

M ga tak Israel ni Juda aanib ke uchinn na la. Min mbaa le ga daa par par bi, ki siir cha bi. M yaa nan dar bi cha kan, ubaa aan ŋmaa gaa bi lii.

Amos 3:12

Uwumbɔr ki len ke, “Samaria aanib bi ka ŋibɔrjal pu na ga nan gur siib ke Uchinn yaa chuu upiih ki ŋman kan, unaakpaal ga ti kan waah ŋman gur itaayakr bee litafal libaa pu na la. Kina le Samaria aanib siib ga ŋmar, le lijal ni tiwandookaan aageln baanja ga li gur baawangol ponn ni.”

Amos 3:4

Uchinn yaa kaa kee kan tinann kan, waan teen kipɔɔk ni. Uchinn u laa diin na yaa kaa chuu nibaa waabuu ni kan, waa ŋuuni.

Amos 3:8

Uchinn yaa ŋuun kan, ijawaan chur binib mɔmɔk la. Tidindaan Uwumbɔr yaa len tibɔr kan, ŋma bi kaan nabr ti tii biken?

Nahum 2:11

Tɔ, kitiŋ ki nan bi ke ichinn aabuu na ki bi la chee? nin chee ichinn aabim ji, aan uchinnja ni uchinnpii nan chaa, aan yaabim bi lifuur ni na, bi la chee?

Sefania 1:18

Nwiin mundaal Uwumbɔr ga mɔk waaŋuul na kan, hali baakunabr ni salmaa aan ŋmaa gaa bi lii. Waaŋuul li wu ke mmii na le ga kuln kitiŋ kee mɔmɔk. U ga kuln unii umɔk bi kitiŋ kee pu na aamɔfal mala.

Sefania 2:5

Nimi Filistia yaab bi bi nnyusakpem aagbaan na, ni kuln a. Uwumbɔr jin nimi tibɔr ki siin waah ga ŋa nimi pu na a. U ga kuln nimi, le ni ponn ni ubaa aan ŋmar.

Sefania 3:6

Uwumbɔr bui ke, “M ŋar ŋitimbomɔn ŋŋaan; m kuln ŋaatim ki cha ŋaagon ni tidifɔfɔŋ na ber doo. Bi fii cha ntim ngbaan a, ubaa aa ki bi mu ponn ni, ubaa aa gur.

Sekaria 11:3

Bijojoob na wii mpombiin pu la; baapɔɔn mɔmɔk doo a. Li pel ichinn aah ŋuuni pu na; kichook ki ponn ni i koo Jɔɔdann aamɔɔl aagbaan na kuln a.

Bibɔjirb 14:5

Kina pu na, Samsonn nan di ute ni una buen Timna aatiŋ ni. Baah nan bi ŋisubil aasar ponn ni ki cha na, u nan ŋun uchinn ubaa bi ŋuuni.