Jeremia 2:11 - Uwumbɔr aagbaŋ

¹¹ Litimbol libaa aa kee kpeln laawaa ŋi kaa ye nibaa na, le maanib ma di min Uwumbɔr u tii bi liyimbil na kpeln ŋiwaa ŋi kaan ŋmaa ŋa nibaa tii bi na.

Jeremia 2:11 ပူးပေါင်းရင်းမြစ်များ

1 Bibɔrb 11:33

Solomonn aa yii mi ki dooni ŋiwaa na pu le m ga ŋa kina. U dooni Saidonn yaab aawaapii Astaate; ni Moab yaab aawaal Kemos, ni Amonn yaab aawaal Molek. Solomonn yii maamɔb; u tun mi taani, kaa joo maakaal, ni maah bui u pu na, ke ute David aah nan joo pu na.

2 Bibɔrb 1:3

Le Uwumbɔr aatuun nan bui Elaija, u nan ye waabɔnabr ki nyan ni Tisbe aatiŋ ni na, ke u buen ti keln Ubɔr Ahasia aah tun binib bi na, ki baa bi ke, “Ba ŋa ni cha ni ti buu tibɔɔr Ekronn aatiŋ aawaal Baal‑Sebub chee? Ni ye le ke ni dak ke Uwumbɔr aa bi Israel aatiŋ ni ii?

2 Bibɔrb Aabɔr 13:9

Ni jenn nyan Aaronn aayaabitiib bi ye Uwumbɔr aatotoorb na, ni Liifai yaab, nimi aatiŋ ni, le ki nyan bitotoorb ke ŋitimbol ŋiken aah ŋani pu na leŋ baaleleŋ. Unii umɔk joo ni unaaja bee ipiih ilole na kan, le ni kpaan di u ŋa tiwan ni kaa ye Uwumbɔr na aatotoor.

Ilahn 106:20

bi nan di Uwumbɔr aapak tii kiwakork ki ŋmɔ timoor na aanaŋ.

Ilahn 115:4

Bima kan, bi di tikunabr ni salmaa le naan baawaa, unibɔn aaŋaal le naan ŋi.

Ilahn 3:3

Uwumbɔr, le sin le ye kijaak aapeln li kii mi tibɔbir chee na; aa tii mi linyaŋ, ki pɔɔk ntaakpab.

Aisaya 37:19

ki see baawaa mmii, ŋi nan po ye unibɔn aah di uŋaal naan tiwan ni na la.

Jeremia 16:20

Unii ga ŋmaa naan ubaa Aawumbɔr aa? Aayii, u yaa naan u kan, waan li ye Uwumbɔr bamɔnn.”

Jeremia 18:13

Uwumbɔr len ke, “Baa ŋitimbol mɔmɔk ke kina aawan kee ŋa aa? Israel aanib tun tibɔbir ti kaa ŋan na.

Jeremia 2:5

Uwumbɔr bui ke: “Ngalm mulamu aan niyaajatiib nan di galn mi? Ba nan cha bi fenn bipuwɔb tii mi? Bi nan dooni ŋiwaa ŋi kaa bi tibaa ni na le ki mu kpaln maabitibaanidam bibaa.

Jeremia 2:8

Bitotoorb aa nan ŋmaa baa ke, ‘Uwumbɔr bi la chee?’ Min mbaa aatotoorb aa nan nyi mi. Bitinjoob nan yii mi ki nyan mpuwɔb; le maabɔnabtiib nan joo uwaaja Baal aayimbil le nabr tibɔr ki dooni ŋiwaa ŋi kaa bi tibaa ni na.

Jeremia 5:7

Le Uwumbɔr baa ke, “Ni ga ŋa kinye aan m di maanib aatunwanbir cha pinn bi? Bi yii mi ki siir cha mi, le ki dooni ŋiwaa. M kpiin maanib le bi jin ti bab, le ki tee fii ti tun kidagook aatuln le ki chuun dii bipiib bi joo bibaa kooh na.

Esekiel 14:5

Ŋiwaa ngbaan mɔmɔk gaa Israel yaab m chee a, le maah ga tii ngarm mu na, m dak ke bi ga ki giin ni baamɔkiil nan tii mi.

Esekiel 5:7

Jerusalem aatiŋ, li pel min Aadindaan Uwumbɔr aah bi len pu na. Saah kaa joo maakaal, ni maah mɔk pu na na, aa ban tibɔbir ti jer ŋitimbol ŋi mann goln si na aabɔbir. Aa dii ŋitimbol ŋiken aakaal la.

Maika 4:5

Litimbol mɔk dooni ki keei laawaal aamɔb la, le ti mɔmɔk ga nan doon ki kii Tidindaan Uwumbɔr aamɔb ki ti saa n‑yoonn mu kaa kpa ndoon na.

Rom Yaab 1:23

Baa ki dooni Uwumbɔr u nyuun ki bi n‑yoonn mu kaa kpa ndoon na. Bi ŋa binibɔm aanaŋ, ni inyoon aanaŋ, ni iwaa aanaŋ, ki dooni ŋiwaa ngbaan.

1 Korenti 8:4

Joo cha kitork aanann aajim aabɔr na, ti nyi ke ŋiwaa ŋimɔk bi dulnyaa wee ni na aa ye nibaa. Ti nyi ke Uwumbɔr ubaa baanja le bi.

Galantiya 4:8

Buyoonn naa nan kee nyi Uwumbɔr na, ŋiwaa ŋi kaa ye Uwumbɔr na nan joo nimi tinaagbiir la.

Ikaal 32:16

Baah nan dooni ŋiwaa ŋi na le nan cha lipiipoln chuu Uwumbɔr. Baah tun titunwanbir ti na cha liŋuul chuu u.

Ikaal 32:21

Baah dii ŋiwaa ŋi na le cha liŋuul chuu mi. Baawaa ŋi kaa ye nibaa aan bi dii ŋi na le cha lipiipoln chuu mi. Nima pu na, m mu ga cha litimbol li kaa ye nibaa na le ŋa bi liŋuul. M ga cha bi li kpa lipiipoln litimbol li aanib ye bijɔrb na pu.

Ikaal 33:29

Israel yaab, ni kpa mpopiin pam. Lilanibol kpa liyimɔɔn ke nimi na? Nimi aatimbol le Uwumbɔr gaa li lii. Uwumbɔr ubaa le ye nimi aakikiir, ki ter nimi, ki ga li kii nimi, ki tii nimi linyaŋ. Nimi aadim ga san nimi ijawaan ki gaŋ nimi ke ni san bi kinimbaak, le ni ga taa taa bi pu.

1 Piita 1:18

Niyaajatiib nan bi mbimbin yɔl yɔl ponn ni. Ni nyi ke u gaa nimi lii ki nyan nimi mbimbin ngbaan ponn ni. Naa ye tiwan ni ga bii ke ŋimombil na, le u di pan ki gaa nimi lii.

1 Samuel 4:21

U nan yin ubo ngbaan ke Ikabod, ki kpiir len laatataa ke, “Uwumbɔr aapɔɔn siir cha Israel yaab a;” ki joo mɔk baah gaa Uwumbɔr Aakaal Aadakaa na, ni uchooja ni uchal aah kpo pu na.