Jeremia 19:5 - Uwumbɔr aagbaŋ

⁵ le ki maa liwaal Baal aabimbin ke bi li joo baabim toor kitork ki seer mmii ni ŋipaab tii li. Maa nan bui bi daalbaadaal ke bi ŋa kina; kina aa nan kpaan koo n‑yil ponn ni.

Jeremia 19:5 ပူးပေါင်းရင်းမြစ်များ

2 Bibɔrb 17:17

Bi nan kɔr bijapɔtiib ni bibisatiib ki joo seer mmii ni tii ŋiwaa; bi nan buu tibɔɔr bibɔɔb, ni bipɔnijoob chee, le ki di bibaa tii tiwan ni kaa ŋan Uwumbɔr chee na pel pel, le ki fiin waaŋuul.

2 Bibɔrb 21:6

U nan di ujapɔɔn toor kitork ki di see mmii ni. U nan tun tibɔɔr ni beebee aanyɔk aatuln, ki chaa binib bi bui ke bi nyi fen aabɔr na chee, ki len bitekpiib chee tibɔr. U nan tun Uwumbɔr titunwanbir sakpen, le ki fiin waaŋuul.

2 Bibɔrb Aabɔr 28:3

le ki seer nnyɔknii Hinom Aafataŋ ni. U nan kpaan di ujapɔtiib kɔr ki see mmii ni tii ŋiwaa, le ki tun titunwanbir ti binib bi Uwumbɔr nan jenn nyan bi baatiŋ ni buyoonn Israel yaab nan choo na aatun.

Jeremia 32:35

Bi maa liwaal Baal aatork aabimbin Hinom Aafataŋ ni, ke bi li joo bijapɔtiib ni bibisatiib toor kitork tii liwaal Molek. Maa nan bui bi ke bi ŋa kina; kina aalandak aa nan kpaan koo nsui ni ke bi ga ŋa kina aawan ki di Juda aanib koon titunwanbir ni.”

Esekiel 16:36

Aadindaan Uwumbɔr aah len pu na sɔ: “Aa chuu gbabr saakeken ke upiidagoor aah ŋani pu na, le ki di aabaa tii aabɔtiib ni saawaa ŋi sukr ponn ni na, le ki di saabim toor kitork tii ŋiwaa.

Esekiel 20:26

M nan cha bi di bibaa aatork le bii bibaa, le ki cha bi di baajan aabijabim toor kitork tii ŋiwaa. Nimina le ga nan daa bitafal ki cha bi bee ke min le ye Uwumbɔr.

Esekiel 38:10

Tidindaan Uwumbɔr aah tuk ubɔr Gog pu na sɔ: “N‑yoonn ngbaan yaa nan fuu ni kan, aa ga piin ki bi dakl nlandak mu kaa ŋan na.

Daniel 2:29

“Mpɔɔndaan aah dɔ geen na, aa daŋ tidaŋ ki kan n‑yoonn mu choo na aabɔr; le Uwumbɔr, u kpiir iwaan aawan mɔk binib na mɔk si tiwan ni ga ŋa na.

Liifai Yaab 18:21

Taa di nimi aabim tii ke bi di toor kitork tii liwaal Molek, ba pu? ni ga joo ni inimɔɔn Nidindaan Uwumbɔr aayimbil pu.

Nkahm 22:41

Naah woln kichakpiik ni na, le Balak di Balaam buen Bamof Baal aagongoln paab, nin chee Balaam ga li waa Israel yaab ngem na.

Ikaal 12:31

Ni taa li dooni Nidindaan Uwumbɔr ke baah dooni baawaa pu na, ba pu? bi dooni baawaa ki ŋani tiwan ni kaa ŋan na aabɔŋ, le Uwumbɔr nan kina aabimbin. Hali bi joo baabim le kɔr toor kitork ki seer mmii ni, ŋibimbin paab tii ŋiwaa.