Jeremia 18:8 - Uwumbɔr aagbaŋ

⁸ aan litimbol ngbaan yaa yii laatunwanbir kan, maan ki kuln li ke maah bui ke m ga ŋa li pu na.

Jeremia 18:8 ပူးပေါင်းရင်းမြစ်များ

2 Bibɔrb Aabɔr 12:6

Ubɔr ni bisalolm ngbaan nan kii ke bi tun taani, le ki bui ke, “Uwumbɔr aah bi ŋani pu na ŋan.”

Ilahn 106:45

Bima pu le u teer waah nan puu tipuur ti na, le waageehm sakpem pu, u sɔŋ usui.

Ilahn 135:14

Uwumbɔr ga li kii waanib; u ga san waatutum kinimbaak.

Ilahn 90:13

Saaŋuul ga ki yunn ki ti saa kinye? Uwumbɔr, san saatutum kinimbaak.

Nnyam 32:12

Aa ban ke Ijipt yaab len ke aa nyan ni saanib Ijipt aatiŋ ni, ke aa nan ku bi ŋijoo ŋee ni, ki bii bi kookoo la aa? Cha saaŋuul sɔŋ, ki kpeln saalandak, ki taa bii saanib ngbaan kina.

Nnyam 32:14

Nima pu na, Uwumbɔr nan kpeln waalandak, le kaa ki daa bitafal waah nan dak pu na.

Jeremia 12:16

Bi yaa gaa maanib aah dii nsan mu na, ni bisui mɔmɔk, ki puur tipuur ke, ‘Uwumbɔr u bi na’ pu, ke baah nan cha maanib puur tipuur tii liwaal Baal pu na kan, bi mu ga li bi maanib ponn ni ki ga kan liwangol.

Jeremia 15:6

Nimi le yii mi, ni fenn nipuwɔb tii mi. Kina pu le m taln ŋŋaal ki faa nimi, ba pu? maa nan ki ŋmaa chuu maaŋuul.

Jeremia 26:13

Ni kpeln mbimbin mu ni bi mu ni na, ni tiwan ni ni ŋani na, ki kii Nidindaan Uwumbɔr aamɔb. Ni yaa ŋa kina kan, u ga kpeln waalandak ki taa ki cha libiil li u bui ke u ga joo ni ni pu na dan.

Jeremia 26:19

Ubɔr Hesekia ni Juda aanib aa nan ku Maika. Hesekia nan labr san Uwumbɔr le ki pɔɔn ubaa ke u kan lineen u chee. Le Uwumbɔr nan kpeln waalandak, kaa ki cha tibɔbir ti u nan bui ke ti ga dan bi pu na dan. Ti bi ban tibɔbir sakpenn le tii tibaa.”

Jeremia 26:3

Nibaakan, binib ngbaan ga ŋun ki di cha baatunwanbir aabimbin. Bi yaa ŋun kan, m ga kpeln maalandak ki taa ki cha libiil li m ba ga joo ni bi pu, baabiin aatuln pu na, dan bi pu.”

Jeremia 36:3

Nibaakan, Juda aanib yaa ŋun libiil li mɔmɔk m ban m joo ni bi pu na kan, bi ga di cha baabimbin mu kaa ŋan na. Le m ga di baatunwanbir ni baabiin aatuln cha pinn bi.”

Jeremia 42:10

‘Ni yaa ban ke ni li beenin bi kitiŋ kimina pu kan, m ga maa nimi ŋidichal ki taa bii nimi, m ga cha ni moo chɔbaan ki taa ki kpokl lir. Maah nan cha libiil li dan ni pu na tii mi mpombiin pam.

Esekiel 18:21

“Titunwanbirdaan yaa di cha titunwanbir aatum ki joo maakaal, ki yaa tun ni ŋan ki tok na kan, waan kpo; u ga sil li kpa limɔfal.

Esekiel 33:11

Tuk bi ke min Bidindaan Uwumbɔr aah ye Uwumbɔr u bi n‑yoonn mɔmɔk na, maa neen ke m kan utunwanbirdaan aah kpo pu na. M tee ga li neen ke u di cha titunwanbir ki li kpa limɔfal. Israel yaab, di cha titunwanbir ti ni tun na. Ba ŋa ni ban ke ni kpo?

Esekiel 33:12

“Tɔ, unibɔn, tuk Israel yaab ke uninyaan yaa tun titunwanbir kan, waatunyaan aan ŋmaa gaa u lii. Titunwanbirdaan yaa di cha titunwanbir aatuln kan, waan kan ntafadaan; le uninyaan yaa piin titunwanbir aatum kan, u ga lann waamɔfal.

Esekiel 33:13

M ga ŋmaa puu limɔfal aapuur tii uninyaan, tɔ, u yaa piin ki dak ke waajan aatunyaan na ŋeer, ki piin ki tun titunwanbir kan, maan ki teer waajan aatunyaan ŋi u nan tun na bɔr. U ga kpo waatunwanbir pu.

Esekiel 33:14

Nibaakan, m ga sak utunwanbirdaan ke u ga kpo, tɔ, u yaa di cha titunwanbir aatum, ki gur tun ni ŋan na kan, u ga ŋmar;

Hosea 11:8

Israel, m ga ŋa kinye ki di si lii? M ga ŋa kinye ki di si mee? M ga ŋmaa kuln si ke maah nan bii Adma aatiŋ pu na aa? M ga ŋmaa ŋa si ke maah nan ŋa Seboyim aatiŋ pu na aa? Nsui aan cha m ŋa si kina, ba pu? m gee si sakpen a.

Amos 5:15

Li nan kinimbɔŋ man, ki li gee tiwan ni ye ibamɔn na, aan ki cha ibamɔn li bi libɔjil ponn ni. Nibaakan, Uwumbɔr ga san binib bi gur linibol limina ni kaa kpoi na kinimbaak.

Jona 4:2

Le u mee Uwumbɔr ke, “Uwumbɔr, maah nan laa bi linampal na, m nan len ke kina le aa ga ŋa. Kina pu le m nan pɔɔn mbaa ke m san mala ki buen Speenn aatiŋ ni. M nyi ke aa ye Uwumbɔr u gee binib ki san bi kinimbaak na la, aa kpa limɔr n‑yoonn mɔmɔk, ki kpa tiŋann n‑yoonn mɔmɔk, ki ŋmaa kpelni saalandak kaa dar binib aatafal.

Ikaal 32:36

Uwumbɔr yaa kan ke waanib aa ki kpa mpɔɔn kpala kan, u ga gaa bi lii. U ga san binib bi tun tii u na kinimbaak, u ga ter bi buyoonn baa ti ki kan nterm na.

Bibɔjirb 2:18

N‑yoonn mumɔk Uwumbɔr nan ti tii Israel yaab usaloln na, u ga nan ter usaloln ngbaan le ki gaa Israel yaab baadim chee lii. U nan ti kii bi kina le ki ti saa usaloln ngbaan aamɔfal aadoon. Baah nan ker idun, baafalaa ni limukl pu pu na, le Uwumbɔr san bi kinimbaak.