Jeremia 18:21 - Uwumbɔr aagbaŋ

²¹ Tɔ, Uwumbɔr, cha nkon ku baabim; cha bi kpoi butɔb ni. Cha baapiib lann bichatiib ni baabim; cha iween ku bijab, aan baanachipɔm mu kpoi butɔb ni.

Jeremia 18:21 ပူးပေါင်းရင်းမြစ်များ

2 Bibɔrb Aabɔr 36:17

Kina pu le Uwumbɔr nan cha Babiloŋ aabɔr buen ti tak bi. Ubɔr ngbaan nan ku Juda aanachipɔm, hali ki ti kpaan ku bibaa Uwumbɔr Aadichal ni. Waa nan san ubaa kinimbaak, waa nan san bi laa diin na, ni bi por na, kaa san uja, bee upii, bee ubun, bee u kpa laafee na kinimbaak. Uwumbɔr di bi mɔmɔk ŋa uŋaal ni.

Ilahn 63:10

Butɔb ponn ni le bi ga ku bi, le takɔ mam ŋmɔ biwon.

Ilahn 63:11

Uwumbɔr aah tii ubɔr linyaŋ pu na, le u ga li mɔɔni. Binib bi puur tipuur Uwumbɔr aayimbil pu na ga pak u, le binyamɔndam ma aamɔi ga ŋmin.

Nnyam 22:24

ki ga gee liŋuul ki ku nimi butɔb ni, le nimi aapuutiib ni nimi aabim mu ga ŋa bikpopiib ni nkpobim.

Aisaya 13:18

Bi ga di itɔi ni ipiin le ki di ku binachipɔm. Baan san mbipɔm ni mbim kinimbaak.

Aisaya 9:16

Binib bi loln bi pu nsan na di bi yenn a, ki cha bilan ŋmal bi.

Aisaya 9:17

Kina pu na, Uwumbɔr aan cha unachipɔɔn ubaa ŋmar. Waan san nkpobim ni bikpopiib kinimbaak; ba pu? binib ngbaan mɔmɔk aa dii Uwumbɔr aasan; bi kpa mbiin, le baaliin mɔmɔk ye tibɔbir. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Jeremia 12:3

Tɔ, Uwumbɔr, aa nyi mi; aa kani maah tun pu na, ki nyi maah gee si pu na. Dar titunwanbirdam ngbaan ke ipiih na buen bi ti kɔr bi; li kii bi ki ti saa buyoonn bi ga ku bi na.

Jeremia 14:16

Baah di tibɔr tee tuk binib bi na mu ga kpo nkun baan ngbaan la. Bi ga di baanikpol mae Jerusalem aatiŋ ponn ni, le ubaa aan li bi ki sub bi. Nimina ga ŋa bi mɔmɔk, bi ni bipuutiib, ni bijapɔtiib, ni bibisatiib. M ga cha bi pa baatunwanbir pu.”

Jeremia 15:7

M joo nimi mae tii libuln ke tigbengbir na le kitiŋ mɔmɔk ni, kitiŋ kee pu. M ku bii nimi maanib, naah kaa di cha nimi aatunwanbir na le m ku nimi aabim.

Jeremia 15:8

Bikpopiib bi nimi aatiŋ pu ki wiir jer litambol li bi nnyusakpem aagbaan na. M ku nimi aanachipɔm baanachipɔnn ni la, le binatiib ji falaa. Libuul ni le m tii bi iween ni ijawaan sakpiin.

Jeremia 50:30

Liyaadaal ngbaan le kaanachipɔm ga kpoi ki ponn ni, le kaajab mɔmɔk ga kuln. Min Uwumbɔr le len kina.

Jeremia 9:21

Nkun dii timi aatakolu mam le ki koo ni timi aabɔrchiln ni; mu gbaa mbim bil kitiŋ ponn ni, ki gbaa binachipɔm bil kinyaŋ ni.

Inandalahn 1:15

Uwumbɔr nan yuul maajab bi kaar na. U nan tun ni bijab le bi nan kuln maanachipɔm. U nan muen muen maanib ke baah mueni ndaan aasubil pu na la.

Inandalahn 5:3

Bidim le ku titetiib, le tinatiib gur ye bikpopiib.

Esekiel 16:38

M ga di kidagook ni linikul le mɔk saabɔr aah bii pu na, le maaŋuul li fii ki pɔɔ na ni, m di nkun daa aatafal.

Esekiel 22:25

Kaasalolm bi ke ichinn na la, le ki ŋuuni yaah ku tinann ti na pu. Bi ku binib, le ki yoor ŋimombil ni liwangol li bi kan na, le baanikul ngbaan pu bikpopiib pam bi.

Amos 4:10

“Le m tun ni iween nan lii ni pu ke maah nan di lii Ijipt aatiŋ ni pu na. M nan ku nimi aanachipɔm butɔb ni, ki di nimi aataan mu buen. Le ŋinikpol aanunun gbiin nimɔfataabun ni, ni nimi aakookoo yaan chee. Nee aapuwɔb na, naa di cha nimi aatunwanbir ki gir ni m chee ke m di cha pinn nimi.

Ikaal 32:25

Butɔb ponn ni le bi ga ku nimi aanib bil isanja pu, le ijawaan ga pii nimi nido, ŋichin ni. Le binachipɔm ni bisapɔm ga kpoi, kina le ga pii mbim ni bininkpiib mu.

2 Timoti 4:14

Uchaa u bi yin u ke Aleksanda na nan ŋa mi bakaa sakpen. Tidindaan ga teen u waah tun bakaa pu na.

1 Samuel 15:33

Le Samuel bui u ke, “Saajaak aajuk aah cha natiib kpaln bipiib kaa kpa mbim pu na, kina le aana mu ga kpaln upii u kaa kpa ubo na,” le ki chɔi chɔi Agag, kitork aabimbiln chee, Gilgal aatiŋ ni.