Jeremia 18:20 - Uwumbɔr aagbaŋ

²⁰ Tibir le bi joo pa tiŋann aa? Bi gbii libuul bil mi ke m nan lir li ponn ni. Teer maah nan dan aa chee ki nan gaŋ si bi pu ke aa taa daa bitafal saaŋuul ponn ni pu na.

Jeremia 18:20 ပူးပေါင်းရင်းမြစ်များ

Job Aagbaŋ 6:27

Aa too inaan unaagbiikpobo pu, le ki di aajɔnyaan kan liwankpal.

Ilahn 106:23

Uwumbɔr aah nan bui ke u ga kuln waanib na, waatutunn Moses, u u nan lee u na aa nan kii kina; u nan kiir Uwumbɔr, le waaŋuul aa kuln bi.

Ilahn 119:95

Bibiindam kii mi ke bi ku mi la, le m ga li dakl lik saakaal aatataa.

Ilahn 35:12

Bi joo mbiin le pa mi maaŋann pu, le nsuubiin joo mi sunni cha taab.

Ilahn 35:7

Maa ŋa bi nibaa, le bi tee pen mi gaawɔb, ki gbii libuul li nyoo na bil mi.

Ilahn 38:20

Binib bi joo mbiin pa tiŋann na bii maayimbil buyoonn m pɔɔni mbaa ke m li ŋani ni ŋan na.

Ilahn 57:6

Maadim di kipɔɔk le pen mi ke ki chuu mi; ntaakpayɔl le nyaŋ mi. Bi gbii libuul bil maasan ni, le ki labr lir li ponn ni bibaa.

Ilahn 7:15

Le baah pen biken gaawɔb mam bi na ki gir chur bima bibaa.

Ŋiyataŋak 17:13

Aa yaa di titunwanbir pan tiŋann kan, titunwanbir aan ki nya saadichal ni daalbaadaal.

Ŋiyataŋak 26:27

Binib bi pen biken gaawɔb tiib na, gaawɔb tiib ngbaan le ga ki gir chur bi. Aa yaa bil unii litakpal nsan ni kan, sin le ga nan ki gbeer li ki lir.

Ulandaan 10:8

Aa yaa gbii libuul bil kan, sin le ga nan lir li ponn ni. Aa yaa saa kar ligoln lii kan, uwaa le ga juu si.

Jeremia 11:14

Jeremia, taa mee limeel tii binib ngbaan, taa gaŋ mi bi pu. Bi yaa bi tibɔr ni ki yin mi ki ban nterm kan, maan gar bi.”

Jeremia 14:20

Uwumbɔr, ti tun si titunwanbir; ti kpiir timi tibaa aatunwanbir pu le ki kpiir tiyaajatiib aatunwanbir mu pu.

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Jeremia 17:18

Uwumbɔr, cha binib bi muk mi aa pu na ji inimɔɔn, ki tee cha m ŋmar. Cha ijawaan chuu bi, ki taa tee faan m ma. Cha tibɔbir dan bi pu ki kool bi yuk yuk.

Jeremia 18:19

Le m mee limeel ke, “Uwumbɔr, pel maah len pu na ki ŋun maadim aah len maabɔr pu na.

Jeremia 18:22

Cha kinipaak nan loon bi ki gaa baawangol; cha ijawaan chuu bi aan bi wii mpɔɔn pu. Bi gbii libuul bil mi ke m nan lir li ponn ni, ki pen mi gaawɔb mam.

Jeremia 27:18

Bi yaa sil ye maabɔnabr le ki kpa maabɔr kan, cha bi gaŋ min Uwumbɔr Mpɔɔnsakpiindaan ke m taa cha bi yoor liwangol li gur Maadichal ni, ni nnaan aadichal ni na buen Babiloŋ aatiŋ ni.”

Jeremia 5:26

“Titunwanbirdam koo maanib chee, ki doo kiir ke bijab bi di gaawɔb mam pen tinann na, le bima pen gaawɔb mam bi chur binib na.

Jeremia 7:16

Uwumbɔr bui ke, “Jeremia, taa mee limeel tii binib bee. Taa wii, ki taa mee limeel bi pu; taa gaŋni mi, ba pu? maan pel saameel.

Inandalahn 3:59

Ji tibɔr ter mi, ba pu? aa nyi baah tun mi taani u na.

Jɔnn 10:32

Le u bui bi, “M tun litunyaan pam Nte Uwumbɔr aapɔɔn pu ninimbil ni. Lilatuln pu ni ban ni mae mi ŋitakpal?”

Jɔnn 15:25

Bi nan timi kina ke ni gbiin Uwumbɔr Aagbaŋ aah len pu na ke, ‘Bi po nan mi fam la, naa ye ke m ŋa bi nibaa.’

1 Samuel 19:4

Jonatann nan pak David ute Sɔɔl chee, ki bui u ke, “Maaninkpel, taa ŋa saatutunn David taani ubaa. Waa kee ŋa si taani ubaa; waah tee ŋa ni na le ye ke n‑yoonn mɔmɔk u ter si la.