Jeremia 18:18 - Uwumbɔr aagbaŋ

¹⁸ Le binib ngbaan bui ke, “Cha ti lik taah ga ŋa Jeremia pu na. Bitotoorb ga li bi n‑yoonn mɔmɔk ki mɔk timi, bilankpalb mu ga ŋmaa sur timi, bibɔnabr mu ga nabr Uwumbɔr aabɔr tii timi. Cha ti ban ngalm tii u man, ki taa ki pel waah len pu na.”

Jeremia 18:18 ပူးပေါင်းရင်းမြစ်များ

2 Samuel 15:31

David aah ŋun ke Ahitofel ti kpee Absalom pu na, le u mee limeel ke, “Uwumbɔr, m gaŋ si ke aa kpeln Ahitofel aasurm mɔmɔk ŋa kijɔrk aaliin.”

2 Samuel 17:14

Le Absalom ni Israel yaab mɔmɔk bui ke, “Husai aasurm ŋan jer Ahitofel aasurm.” Uwumbɔr le nan siin ke bi taa kii Ahitofel aasurm, aan tibɔbir dan Absalom pu.

1 Bibɔrb 22:24

Le ubɔnabr u bi yin u ke Sedekia na buen Mikaya chee, le ki ti faa u kitapak unimbil wɔb, ki baa u ke, “N‑yoonn mulamu aan Uwumbɔr Aafuur Nyaan nyan m chee ki ti len aa chee?”

2 Bibɔrb Aabɔr 24:21

Ubɔr Joas nan kpee binib bibaa pu ke bi ku Sekaria, le uma ubɔr ngbaan cha bi yur ŋitakpal ku Sekaria, Uwumbɔr Aadichal aachiln ni.

Ilahn 21:11

Bi dakl baalandak le ki kpokl u pu, bi mu aan ŋman.

Ilahn 52:2

Aa ban isan ke aa kuln biken; saalambil ka ke kijukaŋ na la. N‑yoonn mɔmɔk kan, aa naani inyamɔn la.

Ilahn 57:4

Maadim mann gonn mi la, bi naahn ichinn i ŋmɔ binib na la. Baanyin naahn tikpaatunn ni ipiin la; le baalambil bi ke kijaak aajum mu ka na.

Ilahn 64:3

Bi luuni baalambil ŋi ka ke kijaak aajum na la, le ki len tibɔbir ti tok kaa yenni ke ipiin na.

Ŋiyataŋak 18:21

Saamɔliin le ga ŋmaa gaa si lii, le ki ga ŋmaa junn saamɔfal mu; kina pu na, li nyi ki gaa saamɔliin aah joo ni si tiwan ni na.

Aisaya 32:7

Ulatiir ye unii u bir na, le ki tun titunwanbir; u dakl ke u di inyamɔn di bii bigiim bi taa kan baabamɔn.

Jeremia 11:19

M nan bi ke upihbo u kii udindaan aamɔb aan bi joo u cha bi ti ku u pu na la, le kaa nan nyi ke min pu le bi bi kpokl tibɔbir. Bi nan bi len le ke, “Cha ti gaa busub ngbaan lii, buyoonn bu laa soon na, cha ti ku u aan ubaa taa ki teer ubɔr.”

Jeremia 18:11

Tɔ, bui Juda ni Jerusalem aanib ke m bi kpokl bi pu la, le ki gor ke m daa bitafal. Bui bi ke bi di cha titunwanbir aabimbin, ki kpeln baabimbin, ni tiwan ni bi ŋani na.

Jeremia 18:19

Le m mee limeel ke, “Uwumbɔr, pel maah len pu na ki ŋun maadim aah len maabɔr pu na.

Jeremia 2:8

Bitotoorb aa nan ŋmaa baa ke, ‘Uwumbɔr bi la chee?’ Min mbaa aatotoorb aa nan nyi mi. Bitinjoob nan yii mi ki nyan mpuwɔb; le maabɔnabtiib nan joo uwaaja Baal aayimbil le nabr tibɔr ki dooni ŋiwaa ŋi kaa bi tibaa ni na.

Jeremia 20:10

M ŋun binib mɔmɔk looni len ke, “Ijawaan aabɔr bi ni mɔmɔk la. Cha ti di waabɔr buen bininkpiib chee man.” Hali njɔtiibamɔm ka kiir maalirm la. Bi len le ke, “Nibaakan ti ga ŋmaa ŋmann u, le ki chuu u ki teen u.”

Jeremia 26:11

Le bitotoorb ni bibɔnabr nan bui biyidam ni binib ngbaan ke, “Uja wee ŋeer ke ti ku u, waah len tibɔr ti kitiŋ kee pu na pu. Nimi nibaa aatafal ŋun waah len pu na.”

Jeremia 37:13

Maah ti fuu mbisamɔb mu bi yin mu ke Benjaminn Aabisamɔb chee na, le bijab bi si kii nima na aaninkpel, aan bi yin u ke Irija, aan ute ye Selemia, u mu aate nan ye Hanania na, kiir mi ke m taa jer, le ki bui mi ke, “Aa san aa ti kpee Babiloŋ aajab pu la.”

Jeremia 43:2

Le Hosaya aajapɔɔn Asaria, ni Karea aajapɔɔn Johanann, ni bigaadam biken na mɔmɔk bui mi ke, “Tidindaan Uwumbɔr aa tun ni si ke aa nan tuk timi ke ti taa buen Ijipt aatiŋ ni ki ti li koo nima. Aa gii la.

Jeremia 44:16

“Taan kii saah di Uwumbɔr aayimbil tuk timi tibɔr ti na.

Jeremia 44:17

Ti ga ŋa tiwan ni mɔmɔk ti bui ke ti ŋa na. Ti ga toor kitork tii timi aawaapii, u ye Paacham Aapiibɔr na, ki ga tii u ndaan aapiin, ke timi, ni tiyaajatiib, ni timi aabɔr, ni timi aasalolm aah nan ŋani pu Juda aatim ni, ni Jerusalem aatiŋ ponn ni pu na. N‑yoonn ngbaan ti nan kpa tijikaar sakpen, ki nan kpa liwangol, kaa kpa tibɔr tibaa.

Jeremia 8:8

Ni ga ŋa kinye ki bui ke ni kpa nlan ki nyi maakaal? Lik man, bigbaŋmeeb na le di beebee kpeln maakaal.

Inandalahn 3:62

Bi len maabɔr le ki kpokl m pu le nwiin ti lir.

Esekiel 7:26

Tibɔbir tibaa ga dan, le tiken paan ni ti pu, le tibɔbir ga li puu fuur ni nimi ke nkpen aah puu pu na. Ni ga gaŋ maabɔnabtiib ke bi tuk nimi baah kan tibɔr ti ga dan ni pu na. Bitotoorb aan li kpa nibaa bi di mɔk binib, le bininkpiib aan li kpa nsurm mubaa bi tii.

Liifai Yaab 10:11

Maah di ikaal imɔk tii Moses aan u di mɔk si na, aa di i mɔk Israel aanib mɔmɔk.”

Maika 3:6

“Bibɔnabr, nimi aawiin bi door la; nwiin ga lir buyoonn naa kee gor na. Naah di maanib yenn pu na, le ni ga ŋa kina, naan ki kan tibɔkpiirkaan ti ni ga di nabr na, kaan ki ŋmaa bui ke tiwan nibaa ga ŋa, aan tiwan ngbaan sil ŋa kina.”

Maika 3:7

Binib bi nyi n‑yoonn mu choo na aabɔr ki nabr na ga ji inimɔɔn, baah kaan ki li nyi nibaa pu na pu. Uwumbɔr aah kaan gar bi pu na pu le bi ga kpaln binimɔɔnib.

Malakai 2:7

Ni ye bitotoorb aatuln le ke bi mɔk binib Uwumbɔr aah sil ye pu na. Bima chee le binib ga buen ki ti bae maah ban pu na, ba pu? bima le ye min Uwumbɔr Mpɔɔnsakpiindaan aatutum.

Tibɔnyaan ti Luk ŋmee ti na 11:45

Le Uwumbɔr aakaal aamɔmɔkr ubaa bui u, “Umɔmɔkr, saah len kina na, aa sii ti mu la.”

Jɔnn 9:40

Le Farisii yaab bi bi u chee na ŋun waah len pu na, le ki baa u, “Ti mu aanimbil aa woln aa?”