Jeremia 18:16 - Uwumbɔr aagbaŋ

¹⁶ Bi cha kitiŋ kee kpaln ijawaan aawan la, le binib mɔmɔk ga li lik bi fam n‑yoonn mɔmɔk. Unii umɔk jer nima na aasui ga yuk, waah ga kan tiwan ni na pu; bi ga li gbakr biyil iwaan pu.

Jeremia 18:16 ပူးပေါင်းရင်းမြစ်များ

1 Bibɔrb 9:8

Lidichal limina ga ber, le unii umɔk jer nima chee na, ni ga ŋa u iwaan ni lijinjiir. Le bi ga baa ke, ‘Ba ŋa Uwumbɔr ŋa kitiŋ kimina, ni Waadichal limina kina?’

2 Bibɔrb Aabɔr 29:8

Nima pu le Uwumbɔr gee liŋuul Juda ni Jerusalem pu, le waah ŋa bi tiwan ni na cha ijawaan chuu unii mɔk ki yuk bipobil. Ni nyi nimina mɔmɔk.

Ilahn 109:25

Binib yaa kan mi kan, bi laa mi la, le ki ŋani mi mbɔnyun ki gbakr biyil.

Ilahn 22:7

Binib bi mɔmɔk kan mi na laa mi, bi leeni bilambil le ki gbakr biyil.

Ilahn 44:14

Aa di timi ŋa yaansara aawan le ŋitimbol ŋiken chee; bi laa timi le ki gbakr biyil.

Aisaya 37:22

uma Uwumbɔr bui ke, “Jerusalem aatiŋ laa si, ubɔr Senakerib, ki lik seen si.

Aisaya 6:11

Le m baa ke, “Ndindaan, nimina ga yunn kinye?” Le u gar mi ke, “Ki ti saa n‑yoonn mu ntim ngbaan ti kuln, nibaa aa ki bi mu ni na; buyoonn unii aa ti ki bi ŋidichal ni na; buyoonn kitiŋ kee kibaa aa ti ki kpa tinyoor tibaa na.

Jeremia 19:8

Maah ga joo ni tibɔbir ti nan lii do na ga ŋa unii umɔk jer do na lijinjiir ni iwaan.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 29:18

M ga li joo ni butɔb, ni nkon, ni iween le san dii bi, le dulnyaa wee aatimbol mɔmɔk ga san ijawaan, baah kan pu na pu. Nimɔk m cha bi yaa ki bi na, binib aapobil ga yuk, ki san ijawaan, baah kan tiwan ni mɔmɔk na. Binib ga laa bi, ki li joo baayimbil puuni lir biken pu.

Jeremia 42:18

Uwumbɔr u ye Israel yaab Aawumbɔr na ki bui ke, “Maah nan cha maaŋuusakpeln dan Jerusalem pu pu na, kina le ni yaa buen Ijipt ni kan, maaŋuul ga dan ni pu. Binib yaa kan nimi kan, ni ga li kpa ijawaan; binib ga lik nimi fam le ki li joo nimi aayimbil puuni lir biken pu. Naan ki kan do kpala.”

Jeremia 44:12

Juda aanib bi ma gur aan binimbil man ke bi buen ti li koo Ijipt aatiŋ ni na, see m kuln bi mɔmɔk. Binikpaam ni biwaatiib mɔmɔk ga kpo butɔb ni, ni nkon aakun, Ijipt aatiŋ ni. Binib yaa kan bi kan, bi ga li kpa ijawaan la; binib ga lik bi fam, ki li joo baayimbil puuni lir biken pu.

Jeremia 48:27

Moab, teer saah nan yuul Israel aanib pu na. Aa nan ŋani bi ke baah ye binaayukb le bi chuu bi na.

Jeremia 49:13

Min mbaa le puu ke Bosra aatiŋ ga kpaln ijawaan aawan ni nteersakpiin; binib ga li yuul ki, le ki joo kaayimbil puuni lir biken pu. Ntimbim mu bi gbɔk ki na ga kpaln tilangbenn ki ti saa n‑yoonn mu kaa kpa ndoon na. Min Uwumbɔr le len kina.”

Jeremia 49:17

Uwumbɔr ki bui ke, “Tibɔbir ti ga dan Edom pu na ga li kpa ijawaan sakpen le unii umɔk jer nima na ga san ijawaan ki jek.

Jeremia 50:13

Maaŋuul pu le ubaa aan ki li koo Babiloŋ ni; ki ga gur tilangbenn la, le unii umɔk jer nima na, ni ga ŋa u lijinjiir ni iwaan.

Jeremia 51:37

Kitiŋ ngbaan ga kpaln tilangbenn ti ponn ni ipeel ŋmeen koo na la. Nima chee ga li kpa unii mɔk ijawaan; ubaa aan li koo nima, le ijawaan ga chuu unii umɔk kan kina na.

Jeremia 51:43

Kaatim gur ye ijawaan aawan la, le ki gur bi ke nteersakpiin mu kaa kpa nnyun na. Ubaa aa koo ki ni kaa chuun nima chee.

Jeremia 9:11

Le Uwumbɔr bui ke, “M ga cha Jerusalem kpaln ŋilangbentakpal, nin chee iŋɔk koo na; Juda aatim ga kpaln nteersakpiin, nin chee ubaa aa koo na.”

Inandalahn 1:12

Unii umɔk jer na kan, ki wii le ki len ke, “Lik maah bi pu na. Ubaa aa kee kan iween i aaboln m kan na, Uwumbɔr aaŋuul yoonn le u di kina aaween tii ni mi.

Esekiel 12:19

Tuk ŋitimbol ngbaan mɔmɔk ke Aadindaan Uwumbɔr aabɔr ti u joo tii Jerusalem aanib bi beenin koo kitiŋ ngbaan pu na sɔ: Bi yaa bi ji tijikaar kan, bi ga li jii la, ki yaa bi nyu tiwanyukaan kan, biwon ga li gbaa ijawaan pu. Binib bi mɔmɔk koo nima chee na aah kaa joo ikaal pu na, baatiŋ ga doon nkuun.

Esekiel 27:36

Aa buen kookoo a, le ijawaan chuu biwantiirb mɔmɔk bi bi dulnyaa wee mɔmɔk ni na, bi san ijawaan ke nibaakan bi mu ga kan saah kan pu na.”

Esekiel 36:3

“Tɔ, nabr maabɔr ki moon min Dindaan Uwumbɔr aah bi len pu na. Ŋitimbol ŋiken ŋi bi gbɔk Israel aatimbol na aah nan nyaŋ ki yoor Israel aajoo aawan na, ŋi mɔmɔk nan sii Israel la.

Esekiel 6:14

Mbamɔn, m taln ŋŋaal le ki kuln baatiŋ. M ga cha ki kpaln nkuun, ki nya ŋŋangii wɔb nteersakpiin ni, ki ti saa Ribla aatiŋ ki bi ŋŋangan wɔb na, kaan di cha nin chee mɔk Israel yaab koo na. Le unii mɔk ga bee ke min le ye Uwumbɔr.”

Liifai Yaab 26:32

M ga bii nimi aatim, kina pu na, nimi aadim bi ga gaa mu na aasui ga gar maah ga ŋa mu pu na.

Liifai Yaab 26:43

Njan aabɔkpaan le ye ke bi jenn nyan niyaabitiib kitiŋ ngbaan ni, nima kan, ki ga doon fuur kibaa pu, le bi ga ji falaa, baah yii maakaal, kaa kii maah len pu na pu.

Maika 6:16

Naah dii Ubɔr Omri aajapɔɔn Ubɔr Ahab aatunwanbir aasan na pu, le kina ga ŋa. Ni beenin joo baakaal la, kina pu le m ga bii doo nimi, le unii mɔk ga lik nimi fam. Binib bi bi dulnyaa wee ni na ga lik seen nimi.”

Matiu 27:39

Le binib bi jer nima chee na sii u, ki gbakr biyil,

Tibɔnyaan ti Mak ŋmee ti na 15:29

Waah lee ndɔpuinkoo pu na, le binib bi jer nima chee na seei u, ki gbakr biyil, le ki bui u, “Aa mu. Si u len ke aa ga gbaa wii Uwumbɔr Aadichal ki ki maa li iwiin itaa na,

Ikaal 28:59

u ga cha iween i kaan sɔŋ na, ni iweenlirkee i ga li bi ni pu ki cha na, dan ni pu.

Ikaal 29:23

Ikpaakon ga kpaln chirbil ni n‑yaan ŋmeen, ubaa aan ŋmaa bu tiwan nibaa ni punn, le timoor mu aan ŋmaa punn. Nima aatiŋ ngbaan ga li bi ke Sodom ni Gomora aatim, ni Adma, ni Seboyim aatim mu Uwumbɔr nan bii mu na la, n‑yoonn mu usui nan fii bi pu sakpen na, le u kuln mu.