Jeremia 18:10 - Uwumbɔr aagbaŋ

¹⁰ aan litimbol ngbaan yaa ki tun titunwanbir kaa kii maamɔb kan, m ga yii, kaan ki ŋa maah bui ke m ga ŋa li tiŋann pu na.

Jeremia 18:10 ပူးပေါင်းရင်းမြစ်များ

Ilahn 125:5

Tɔ, aa yaa nan daa bibiindam aatafal kan, aa daa binib bi yii saasan na mu aatafal. Nsuudoon li bi Israel yaab pu.

Esekiel 18:24

“Tɔ, uninyaan yaa di cha waatunyaan aatum ki piin ki tun titunwanbirdam aatun ŋi mɔmɔk sukr ponn ni na kan, u ga li beenin kpa limɔfal aa? Aayii. Maan ki teer waatunyaan na mɔmɔk libaa bɔr. U ga kpo waah kaa dii maamɔkm pu na ni waatunwanbir pu la.

Esekiel 33:12

“Tɔ, unibɔn, tuk Israel yaab ke uninyaan yaa tun titunwanbir kan, waatunyaan aan ŋmaa gaa u lii. Titunwanbirdaan yaa di cha titunwanbir aatuln kan, waan kan ntafadaan; le uninyaan yaa piin titunwanbir aatum kan, u ga lann waamɔfal.

Esekiel 33:18

Uninyaan yaa di cha litunyaan aatum ki piin titunwanbir aatum kan, u ga kpo kina pu.

Esekiel 45:20

Ni ki ŋa kina aatork winlole daal, unii umɔk aa nyi ki tun titunwanbir na pu. Kina le ni ga cha Maadichal li bi chain.

Sefania 1:6

M ga kuln binib bi mɔmɔk fenn bipuwɔb tii mi, kaa ki dii mi na, bima le aa ki choo m chee ke m nan li mɔk bi nsan na.”

Nkahm 14:22

binib bee ubaa kina aan li bi ki koo kitiŋ ngbaan ni. Bi kan maawiihn mu moor lak lak na, ni lijinjiir aawan nimɔk m ŋa ni Ijipt aatiŋ ni, ni nteersakpiin ni na, le ki tɔŋni mi, ki ki gir tɔŋni mi kina, ki yii mi.

Nkahm 14:23

Maah puu ke m ga di kitiŋ ki tii biyaajatiib na, baan koo ki ni kpala. Binib bimɔk yii mi na aan koo ki ni.

Nkahm 14:34

Ni ga ji nimi aatunwanbir aafalaa ki ti saa ŋibin imonko ilee. Libiln libaa ga sil iwiin imonko ilee i ni nan di chuun mann goln kitiŋ ngbaan na mbaabaa. Nima le ga cha ni bee ke m gee liŋuul ni pu.

1 Samuel 13:13

Samuel nan gar u ke, “Kijɔrk aatuln le aa tun na. Saa dii nkaal mu Aadindaan Uwumbɔr tii si na. Aa yaa ba dii mu kan, u ba ga cha sin ni aayaabitiib li joo Israel yaab ki ti saa n‑yoonn mu kaa kpa ndoon na.

1 Samuel 15:11

“Nsui bii, maah ŋa Sɔɔl ubɔr pu na. U fenn upuwɔb tii mi, le ki yii maah tuk u pu na.” Liŋuul nan chuu Samuel, le kinyeek ngbaan ki ti woln u nan bi gaŋni Uwumbɔr.

1 Samuel 15:35

Ki nyan nima ki ti saa Samuel aakundaal, waa nan ki kan ubɔr Sɔɔl, le ki tee wii u pu. Uwumbɔr aasui nan bii ke u ŋa Sɔɔl Israel yaab aabɔr.

1 Samuel 2:30

Min, Israel yaab Aadindaan Uwumbɔr le nan puu n‑yoonn mu jer na ke saadichal ni saamaal le ga li tun maatuln ke bitotoorb na n‑yoonn mɔmɔk. Le dandana wee m len ke maan ŋa nimi kina. Maah ga ŋa pu na sɔ, m ga nyuŋ binib bi nyuŋni mi na la, le ki lik seen binib bi lik mi fam na.