Jeremia 17:6 - Uwumbɔr aagbaŋ

⁶ U naahn busub bu bi nteersakpiin ni, ki muuni kipɔɔk ki kuun na ni na la, ki bi kitiŋ ki pu nibaa aan ŋmaa li bi na. Tiwanyaan nibaa aa choo u chee.

Jeremia 17:6 ပူးပေါင်းရင်းမြစ်များ

2 Bibɔrb 7:2

Ubɔr aajɔ nan bui Elaisa ke, “Hali Uwumbɔr ubaa le yaa kpaan cha njikaabim fuu ni kan, kina aan ŋmaa ŋa.” Le Elaisa gar u ke, “Aa ga kan kina bi ŋani, le aa ma aan tee ji tijikaar ngbaan tibaa.”

Job Aagbaŋ 20:17

Waan li bi ki kan buyoonn n‑yaan ni nkpan ga nan li wiir ke limɔɔl aanyun na.

Job Aagbaŋ 39:6

Min le di nteersakpiin tii i ke mu li ye ido, le ki cha i koo n‑yaan aapaan ni.

Ilahn 1:4

Le titunwanbirdam ma aa bi kina kpala; bi naahn tigbengbir ti libuln daar joo cha na la.

Ilahn 107:34

U cha kitiŋ ki kpa tijikaar na kpaln nteersakpiin, bibiindam bi koo nima chee na pu.

Ilahn 92:7

Bibiindam ga ŋmaa muun ke timoor na, binib bi tun taani na ga ŋmaa kan tinyoor, tɔ, liwinbaal le bi ga nan kuln kookoo,

Aisaya 1:30

N‑yoonn ngbaan ni ga gbar ke likpaln li kuur na, ki yɔl ke tijikaar ti utaal aa nu ŋani ti pu na.

Jeremia 48:6

Bi len le ke, ‘Mala, li san ban nimi aamɔfal man. Li san man ke nteersakpiin pu aabon u bi timoor ni na.’

Esekiel 47:11

Tɔ, nnyun mu bi kipuuk, ni tibɔr ti bi nnyusakpem ngbaan aagbaan na ni ga li beenin kpa n‑yaan. Mu ga bee nima chee ki li ye nin chee n‑yaan nyan ni na.

Sefania 2:9

Maah sil ye Uwumbɔr u bi n‑yoonn mɔmɔk, ki ye Israel yaab Aawumbɔr na, m puu ke m ga kuln Moab ni Amonn aatim ke maah nan kuln Sodom ni Gomora aatim pu na. Mu ga kpaln baah gbii n‑yaan nin chee na, ni baah kuln nin chee kookoo aan timoor gaa nima chee na la. Maanib bi ŋmar na ga yoor baawan ni baatiŋ mu.”

Ikaal 29:23

Ikpaakon ga kpaln chirbil ni n‑yaan ŋmeen, ubaa aan ŋmaa bu tiwan nibaa ni punn, le timoor mu aan ŋmaa punn. Nima aatiŋ ngbaan ga li bi ke Sodom ni Gomora aatim, ni Adma, ni Seboyim aatim mu Uwumbɔr nan bii mu na la, n‑yoonn mu usui nan fii bi pu sakpen na, le u kuln mu.

Bibɔjirb 9:45

Bi nan jaa kina le nwiin ti lir. Abimelek nan nyaŋ kitiŋ ngbaan, le ki ku kaanib, le ki ber ki, ki di n‑yaan kpiln biin ki pu.