Jeremia 17:4 - Uwumbɔr aagbaŋ

⁴ M ga di kitiŋ ki m nan di tii nimi na tii binib. M ga cha ni kpaln nimi aadim aatutum kitiŋ ki ponn ni naa nyi kaabɔr kpala na, ba pu? maaŋuul bi ke mmii na la, mu ga li wu kaan junn.”

Jeremia 17:4 ပူးပေါင်းရင်းမြစ်များ

1 Bibɔrb 9:7

m ga nyan maanib Israel yaab kitiŋ ki m di tii bi na ni. M ga nya cha Lidichal limina li m ŋa li chain ke li li ye nin chee bi ga li dooni mi na. Binib bi bi ni mɔmɔk na ga li ŋani Israel aanib yaansara, ki lik seeni bi.

2 Bibɔrb 25:21

ki bi Hamaf aapepel ni na chee. Nima chee ubɔr ngbaan nan ti cha bi ku bi. Kina le bi nan di Juda aanib buen tinaagbiir ni ki cha baatiŋ.

Nehemia 9:28

Nsuudoon aah gir ni na, le bi ki tun titunwanbir, le aa ki cha baadim nyaŋ bi. Le baah ki yii baatunwanbir ki fenn gir ni aa chee ke aa ter bi na, aa bi paacham ki ŋun, ki joo saanimbaasaln gaal bi lir n‑yoonn mɔmɔk.

Aisaya 14:3

Uwumbɔr ga nyan Israel yaab baaween, ni baamuk ni, ni ŋitupɔɔl ŋi bi nan muk bi bi tun ŋi na.

Aisaya 30:33

N‑yoonn mu jer na, bi nan puen toor libuul li ponn ni bi ga nan di Asiria aabɔrkpaan ngbaan see mmiisakpiin ni na. Li nyoo le ki waa, le bi pii idɔ ti gbiin li; le Uwumbɔr ga fuur mmiigaal mu ti gaa u ni idɔ ngbaan li ponn ni.

Aisaya 5:25

Nima pu na, Uwumbɔr gee liŋuul nimi waanib pu, ki fii sil ke u daa nitafal. Ŋijoo mɔmɔk ga deŋ, le ŋinikpol aakpab ga gbiin ntim ni ke ŋitapun pu aamoor na. Hali nimina aapuwɔb, Uwumbɔr aaŋuul aan sɔŋ. U ga sil nya sil ke u daa nitafal.

Aisaya 50:11

Nimi bi mɔmɔk dak ke ni bii biken doo na, nimi nibaa aalandak ngbaan le ga doo nimi. Uwumbɔr ubaa le ga cha kina ŋa; ni ga ji falaa sakpen.

Aisaya 66:24

“Bi yaa gir chaa kun kan, bi ga kan binib bi yii maamɔb na aanikpol. Ŋikpaambil ŋi ŋmɔ biwon na aan kpo daalbaadaal, le mmii mu wu bi na mu aan junn. Unibɔn umɔk kan bi na ga sur upuwɔb.”

Jeremia 12:7

Uwumbɔr len ke, “Ntafal aa ki bi Israel yaab ni, M yii maah nan lee litimbol li na. M di binib bi m gee bi na ŋa baadim aapɔɔn ni.

Jeremia 15:14

M ga cha bi ti li tun lituln tii bidim, kitiŋ ki pu baa nyi kaabɔr kpala na, ba pu? maaŋuul naahn mmii la, le ki ga wu kaan junn.”

Jeremia 16:13

Kina pu na, m ga mee nyan nimi kitiŋ kee pu ki ti lii kitiŋ ki nimi ni niyaajatiib aa kee ŋun ki pu na ni. Nima chee le ni ga ti li tun tii ŋiwaa, nwiin pu ni kinyeek, le maan ki san nimi kinimbaak.’”

Jeremia 18:23

Tɔ, Uwumbɔr, aa nyi baah kpokl pu ke bi ku mi na. Taa di baatunwanbir cha pinn bi, ki taa di cha baataani. Buyoonn saaŋuul fii na kan, mee bi lii ki nyaŋ bi.”

Jeremia 2:14

“Israel yaab aa ye binaagbiib; baa nan ma bi lii tinaagbiir ni. Tɔ, ni ŋa kinye aan baadim tee mban ki ban bi?

Jeremia 22:28

Le m bui ke, “Ubɔr Jehoyachinn kpaln libuul li wii aan bi di li mee ubaa aa ki ban li na la aa? Kina pu le u ni waabim bi tinaagbiir ni, kitiŋ ki baa nyi kaabɔr na ni ii?

Jeremia 5:19

Bi yaa baa ke ba ŋa m tun kina mɔmɔk kan, sin Jeremia, bui bi ke baah fenn bipuwɔb tii mi ki dooni ŋiwaa bibaa aatiŋ pu na, kina le bi ga ti tun lituln tii biwɔwɔm kitiŋ ki kaa ye bibaa aatiŋ na pu.”

Jeremia 5:29

“Le min Uwumbɔr ga daa bitafal tiwan nee mɔmɔk pu; m ga teen litimbol ngbaan.

Jeremia 7:20

Le min, Bidindaan Uwumbɔr, ga cha maaŋuusakpeln pii ni Maadichal limina. Li ga pii binib ni tiwakor mu, hali isui ni tijikaar mɔmɔk ga kan li. Maaŋuul ga li bi ke mmii mu ubaa aan ŋmaa junn mu na la.

Inandalahn 1:12

Unii umɔk jer na kan, ki wii le ki len ke, “Lik maah bi pu na. Ubaa aa kee kan iween i aaboln m kan na, Uwumbɔr aaŋuul yoonn le u di kina aaween tii ni mi.

Inandalahn 5:2

Timi aawangol gur bi biwɔwɔm aaŋaal ni la; bima le koo timi aadichal ni.

Esekiel 21:31

M yaa fenn maaŋuul lii ni pu ke mmii mu wu sakpen na kan, le ni ga kan maaŋuul aah pɔɔ pu na; le m ga di nimi tii bibiindam bi nyi baah ga kuln binib pu na.

Esekiel 7:24

M ga cha ŋitimbol ŋi tun titunwanbir sakpen na dan do ki nan gaa nimi aadichal. M yaa cha ŋitimbol ngbaan bii naah dooni nimi aawaa ŋi na kan, nimi aajab bi pɔɔ sakpen na aawon ga yɔl.

Ikaal 28:25

“Uwumbɔr ga cha nimi aadim nyaŋ nimi. Ni ga nya ni lipepel libaa wɔb le ki nan tak bi, le bi nyaŋ nimi ki cha ni san yaa tɔb chee ki buen ŋipepel mɔmɔk. Le dulnyaa ni aanib mɔmɔk yaa kan tiwan ni ŋa nimi na kan, ijawaan ga chuu bi.