Jeremia 17:3 - Uwumbɔr aagbaŋ

³ ni ŋijoo paab, ikpaakon ni. M ga cha nimi aadim nan yoor nimi aawangol ni nimi aawankpal buen, naah tun titunwanbir ti kitiŋ kee mɔmɔk pu na pu.

Jeremia 17:3 ပူးပေါင်းရင်းမြစ်များ

2 Bibɔrb 24:13

le ki yoor Uwumbɔr Aadichal ni, ni libɔrdichal ni aawangol buen Babiloŋ aatiŋ ni. Uwumbɔr aah nan puen len pu na, Nebukadnesar nan wiil salmaa aawan ni mɔmɔk Ubɔr Solomonn nan ŋa ke bi li joo tun Uwumbɔr Aadichal ni lituln na.

Ilahn 78:58

Bi nan cha waaŋuul fii baah dooni ŋiwaa nin chee na pu, ki cha usui fii baawaa ngbaan pu.

Aisaya 27:9

Israel yaab yaa nan baawaatakpal ke nfatan na, ki kuln nnyɔknii aabimbin ni liwaapii Asera aanaŋ kan, Uwumbɔr ga di baatunwanbir cha pinn bi.

Jeremia 12:12

Bijab nyan ni nteersakpiin aatim ni le ki nan jenn gaa maanib aawan. M tun ni butɔb le ke bu nan bii doo kitiŋ ngbaan mɔmɔk; ubaa aan kan lifuur nima.

Jeremia 15:13

“M ga cha maanib aadim dan ki nan gaa baawangol, ni baawan, aan ki daa bitafal, titunwanbir ti bi tun kitiŋ kee mɔmɔk pu na pu.

Jeremia 20:5

M ga ki cha baadim nan gaa kitiŋ kee aawangol mɔmɔk mpɔɔn, ki gaa kaawan mɔmɔk, ni ikpaakon, hali ki gaa Juda aabɔrb aawangol, ki di ni mɔmɔk buen Babiloŋ aatiŋ ni.

Jeremia 21:13

Nimi Jerusalem yaab ka ŋibɔrjal paab, le tifatann bi ni taab, le ni bi ke litakpal li ŋub kitiŋ ki dɔ taar na aah bi pu na. Le m ga jan nimi kijaak. Ni bui ke ubaa aan ŋmaa tak nimi, kaan ŋmaa bɔ nimi aajab ni ki jer.

Jeremia 26:18

“Hesekia aah nan ye Juda aabɔr na, Uwumbɔr aabɔnabr Maika u nan bi Moresef aatiŋ ni na nan tuk binib mɔmɔk ke Uwumbɔr Mpɔɔnsakpiindaan len ke, ‘Bi ga kpar Sionn ke lisikpel na, le Jerusalem kpaln tilangbenn aakpuk, le Uwumbɔr Aadichal aagongoln ga kpaln kichook.’

Inandalahn 1:10

Kaadim nan sun kaawangol mɔmɔk; kaanib nan kan baah koo Uwumbɔr Aadichal ponn ni pu na. Uwumbɔr aa tii nsan ke binib bi kaa ye Israel yaab na koo nima chee.

Esekiel 16:39

M ga di si ŋa baapɔɔn ni, le bi ga ber ŋibuu ŋi ponn ni aa tun kidagook aatun ki dooni ŋiwaa na. Bi ga di saakeken ni saaleenyaan buen ki cha si aaŋmeen.

Esekiel 23:46

Tidindaan Uwumbɔr aah len pu na sɔ: “Li joo ni kijaak aanipaak ki nan saan bipiidagoob ngbaan, ki su baawan.

Esekiel 6:3

Bui Israel aajoo ke ŋi pel Uwumbɔr aamɔboln, bui ŋi ke ŋi li ŋun min Ŋidindaan Uwumbɔr aah joo pu tuk ŋijoo, ni ŋigongon, ni ŋijoo aasisik ni aafatann, ke m ga di kijaak aajuk nan kuln binib aah dooni ŋiwaa nin chee na.

Liifai Yaab 26:30

M ga bii naah dooni ŋiwaa ŋi ŋigongon paab na, ki gbaa wiir nimi aanyɔknii aatork aabimbin, le ki di nimi aanikpol mae paan nimi aawaa ŋi lir dɔ na pu, le m ga nuur nimi.

Maika 3:12

Kina pu na, nimi pu le bidim ga kpar Sionn ke lisikpel na, le Jerusalem kpaln tibir aatapuln, le Uwumbɔr Aadichal aagongoln kpaln kichook.

Sefania 1:13

Bidim ga yoor baawangol buen, le baadichal ber. Baan koo ŋidichal ŋi bi bi maa na ponn ni, kaan nyu baah bi ŋumni ndaan aasubil aasui i na aadaan kpala.”