Jeremia 17:22 - Uwumbɔr aagbaŋ

²² ki taa li tu tiwan nibaa ki nya baadichal ni Likpaakool daal; bi taa tun lituln Likpaakool daal, bi li joo mu ke mu ye nwinyaan la, ke maah nan bui biyaajatiib pu na.

Jeremia 17:22 ပူးပေါင်းရင်းမြစ်များ

Nehemia 13:15

N‑yoonn ngbaan le m kan Juda aanib bibaa mueni nyani ŋisubil aanyun Likpaakool daal. Biken mu joo njikaabim, ni ŋisubil aadaan, ni ŋisubil aabɔŋ, ni tiwan niken paani baabon pu ki joo cha Jerusalem ponn ni, le m sak bi ke bi taa ki kooh tiwan nibaa Likpaakool daal.

Nnyam 23:12

“Ni li tun lituln iwiin iloob likpaakool ni, ni taa tun lituln libaa winlole daal, nima kan, nimi aanaagbiib, ni biwɔwɔm bi tun tii nimi na, ni nimi aawakor mu ga fuur liyaadaal ngbaan.

Aisaya 58:13

Uwumbɔr bui ke, “Aa yaa joo likpaakool daal ke nwiin mu bi chain na, kaa ban aabaa aanyoor nwiin ngbaan daal; aa yaa pak maawiin mu bi chain na, kaa buen lisachuln, kaa tun lituln, kaa len bɔyɔlyɔl nwiin ngbaan daal kan,

Jeremia 17:24

“Bui binib ngbaan ke ni ye baatuln le ke bi kii maabɔr mɔmɔk. Likpaakool daal kan, bi taa tu lituln libaa ki dii kitiŋ kee aabisamɔi koo ki ponn ni. Bi li joo Likpaakool daal ke mu ye nwinyaan daal, ki taa tun lituln libaa.

Esekiel 20:12

M nan cha Likpaakool daal aajoom le ye m ni bima aaseeraa, ki li teer bi ke min Uwumbɔr bi chain la.

Esekiel 22:8

Saa pak ŋibuu ŋi ye chain na, kaa joo Likpaakool daal aakaal.

Liifai Yaab 19:3

Ni mɔmɔk li pak nitetiib ni ninatiib, ki li joo Likpaakool daal ke maah siin pu na. Min le ye Nidindaan Uwumbɔr.

Liifai Yaab 23:3

Ni kpa iwiin iloob, ni di tun nibaa aatuln. Ni teer ke winlole daal ye Likpaakool la, ni kal fuur liyaadaal. Liyaadaal kan, ni taa tun lituln. Ni kuun ni tɔb chee ki nan doon Uwumbɔr. Uma Uwumbɔr le yeh Likpaakool daal, ni yaa bi nin chee na kan, ni li nyi ke nwiin ngbaan ye Uwumbɔr aawiin la.

Sekaria 1:4

Ni taa li bi ke niyaajatiib na. N‑yaayoonn na le bibɔnabr nan di maabɔr tuk bi, ki tuk bi ke bi taa ki tun titunwanbir, ki taa ki li bi kinimbɔŋ aabimbin ni. Le baa ŋun tii mi, kaa kii maamɔb mu.

Tibɔnyaan ti Luk ŋmee ti na 23:56

Le bipiib ngbaan gir kun, ki ti ban tulalee ni nkpan mu nun mɔ na. Juu yaab aakpaakool daal, le bi fuur, baakaal aah len pu na.

Tibɔnyaan ti Luk ŋmee ti na 6:5

“Tɔ, min Unibɔn Aabo le ye likpaakool daal mu Aadindaan.”

Tibɔkpiirkaan 1:10

Tidindaan aakpaakool daal le Uwumbɔr Aafuur Nyaan nan fir m pu. Le m ŋun nneel sakpiin len mpuwɔb ke kakaan na,