Jeremia 17:19 - Uwumbɔr aagbaŋ

¹⁹ Uwumbɔr nan bui mi ke, “Jeremia, li cha ki di maabɔr moon Binib Aabisamɔb, mu Juda aabɔrb diir koo ki diir nya kitiŋ ni na chee; ki nin buen ibisamɔi imɔk bi Jerusalem aatiŋ ni na chee.

Jeremia 17:19 ပူးပေါင်းရင်းမြစ်များ

Ŋiyataŋak 8:1

Li pel man. Nlan le yin nimi. Ichiin le yin nimi.

Ŋiyataŋak 9:3

Mu nan tun mu aanaagbiisapɔm ke bi ti sil kitiŋ ni nin chee paa sakpen sakpen na ki yin ke,

Jeremia 17:18

Uwumbɔr, cha binib bi muk mi aa pu na ji inimɔɔn, ki tee cha m ŋmar. Cha ijawaan chuu bi, ki taa tee faan m ma. Cha tibɔbir dan bi pu ki kool bi yuk yuk.

Jeremia 17:20

Tuk bibɔrb, ni Juda aanib, ni binib bi mɔmɔk koo Jerusalem ni ki diir ibisamɔi yee na, ke bi li pel maah len pu na.

Jeremia 19:2

aan m di bi dii mbisamɔb mu bi yin mu ke Kisanjaŋ Aabisamɔb na, ki di buen Hinom Aafataŋ ni. Nima chee le m ga ti di waah ga di waabɔr ti tuk mi na nabr bi.

Jeremia 26:2

le Uwumbɔr bui mi ke, “Sil Maadichal aachiln ni ki di maah bui si pu na moon tuk binib bi nyani Juda aatim ni ki nan dooni mi nima chee na. Taa nyan ti ponn ni tibaa lii.

Jeremia 36:10

Tɔ, buyoonn binib ngbaan nan bi pel suuna na, le Baruk karn tibɔr ti mɔmɔk m nan tuk u na kigbaŋ ngbaan ni. U nan bi Safann aajapɔɔn Gemaria, u ye Uwumbɔr Aadichal aachiln ni aagbaŋmeer na aadiik ni le ki karn ki. Waadiik nan bi paacham aachiln ni, Uwumbɔr Aadichal aabisamɔb mu bi yin mu ke Mbisamɔpɔɔn na chee la.

Jeremia 36:6

Tɔ, m ban ke binib ngbaan yaa ki bi lulni bumɔb bundaal na kan, aa buen nima. Aa ti karn kigbaŋ ngbaan mpɔɔn pu, aan bi mɔmɔk ŋun tibɔr ti Uwumbɔr di tuk mi aan m mu cha aa ŋmee ti na. Aa karn ki nin chee bi mɔmɔk ga ŋun na; cha Juda aanib bi nyan ni baatim ponn ni ki dan na mu ŋun.

Lituln 5:20

“Li cha ti sil Uwumbɔr Aadichal ni, ki tuk binib limɔfal ngbaan aabɔr mɔmɔk.”