Jeremia 17:16 - Uwumbɔr aagbaŋ

¹⁶ Tɔ, Uwumbɔr, maa kee muk si ke aa joo ni tibɔbir nan lii bi pu; maa ban ke tibɔr kan bi. Uwumbɔr, aa nyi kina; aa nyi maah len pu na.

Jeremia 17:16 ပူးပေါင်းရင်းမြစ်များ

Jeremia 12:3

Tɔ, Uwumbɔr, aa nyi mi; aa kani maah tun pu na, ki nyi maah gee si pu na. Dar titunwanbirdam ngbaan ke ipiih na buen bi ti kɔr bi; li kii bi ki ti saa buyoonn bi ga ku bi na.

Jeremia 13:17

Ni yaa kaan pel kan, m ga wii libɔɔl ni, nimi aagaak pu. Baah ga di Uwumbɔr aanib buen tinaagbiir ni pu na, m ga wii, le maanyunyunn ti li puu.

Jeremia 15:15

Le m bui ke, “Uwumbɔr, aa nyi maah bi pu na. Teer mbɔr ki ter mi. Teen binib bi muk mi ki ban bi ku mi na. Taa li san bi kinimbaak ki cha bi kan nsan ki ku mi. Li nyi ke sin pu le bi seei mi.

Jeremia 18:20

Tibir le bi joo pa tiŋann aa? Bi gbii libuul bil mi ke m nan lir li ponn ni. Teer maah nan dan aa chee ki nan gaŋ si bi pu ke aa taa daa bitafal saaŋuul ponn ni pu na.

Jeremia 20:7

Uwumbɔr, aa ŋmann mi la, ki nan sil ŋmann mi. Aa pɔɔ ki jer mi, le ki nyaŋ mi. Unii mɔmɔk laa mi la, bi ŋani mi yaansara le nwiin ti lir.

Jeremia 20:9

Le m yaa tee bui ke, “M ga suln Uwumbɔr bɔr, kaan ki len tibɔr waayimbil pu” kan, le saabɔr bi ke mmii na ki wu nsui ni. M pɔɔni mbaa ke m taa len ti, le kaa ti ki ŋmaa joo ti.

Jeremia 9:1

N‑yil yaa ba ye nnyunbun, aan nnimbil mu ye uyayak aanyunbun kan, m ba ga li wii nwiin pu ni kinyeek, baah ku maanib bi na pu.

Amos 5:10

Nimi le nan binib bi len ibamɔn kaa gee inyamɔn aabɔr na.

Lituln 20:20

M buen binib aah kuuni nin chee na, ki buen nido mu, ki tuk nimi Yesu aabɔr. M tuk nimi tibɔr timɔk ga ter nimi na, kaa gur tibaa.

Lituln 20:27

M tuk nimi Uwumbɔr aabɔr mɔmɔk, kaa gur tibaa.

2 Korenti 1:12

Ti kpa kipupuk; ba pu? ti nyi tisui ni ke ti bi chain. Timi aabimbin bi mbamɔm Uwumbɔr aah ban pu na. Binib aalan le aa cha ti bi mbamɔm, Uwumbɔr aaterm pu, le cha ti bi mbamɔm joo cha dulnyaa wee ni aanib wɔb, ki moo bi mbamɔm joo cha niwɔb.

2 Korenti 2:17

Ti mu aa mooni Uwumbɔr aabɔr ŋimombil pu ke binib pam aah ŋani pu na. Uwumbɔr le tun timi ke ti moon waabɔr. Nima pu le ti ye binib bi len mbamɔn na, ki mooni Uwumbɔr aabɔr unimbil ni, Kristo aapɔɔn pu.

Jemisi 1:19

Nnaabitiib bi m gee bi na, ni bee nimina la. Ni ŋan ke unii mɔmɔk li gee ke u pel, ki taa len mala, ki taa gee liŋuul mala;

Jemisi 3:1

Nnaabitiib, bimɔmɔkb taa li wiir; ba pu? ni nyi ke timi bi ye bimɔmɔkb na, Uwumbɔr ga ji timi tibɔr ki jer biken.