Jeremia 17:13 - Uwumbɔr aagbaŋ

¹³ Uwumbɔr, sin le ye Israel yaab aamakl; binib bi mɔmɔk yii si na ga nan ji inimɔɔn. Bi ga wɔŋ ke ŋiyimbil ŋi bi ŋmee ŋi titan ni na la, ba pu? bi yii si Uwumbɔr u bi ke nnyunbun mu tii limɔfal na.

Jeremia 17:13 ပူးပေါင်းရင်းမြစ်များ

Ilahn 22:4

Tiyaajatiib nan di baanaadii tii si la; bi nan di naadii tii si, le aa gaa bi lii,

Ilahn 69:29

Tɔ, iween ni itaakpayɔl le joo mi; Uwumbɔr, fiin mi siin ki gaa mi lii.

Ilahn 71:5

Uwumbɔr, sin pu le m kpa limakl; maah nan laa ye ubo pu na, le m nan di naadii tii si.

Ilahn 73:27

Binib bi yii si na ga sil kuln; aa ga doo binib bi nyan aapuwɔb na.

Ilahn 97:7

Unii umɔk dooni ŋiwaa na jin inimɔɔn a; ŋiwaa mɔmɔk gbaani Uwumbɔr aanimbiin ni la.

Ŋiyataŋak 10:7

Binib yaa teer uninyaan bɔr kan, ni joo ni bi tinyoor la, le bi ga suln ubiindaan ma bɔr mala.

Ŋiyataŋak 14:14

Titunwanbirdam ga kan tiwan ni ŋeer bi na. Bininyaam mu ga kan baatun aapar.

Aisaya 1:28

le ki kuln umɔk tun titunwanbir ki kpak u na; u ga kuln unii umɔk yii u na.

Aisaya 66:5

Nimi bi san Uwumbɔr ki kii waamɔb na, li pel man waah len pu na: “Naah gaa mi ki kii pu na, nimi aanib bibaa nan nimi, kaa ban bi kpaan ni chee. Bi laa nimi ki len ke, ‘Cha Uwumbɔr mɔk waapɔɔn ki gaa nimi lii, aan ti kan naah ga li mɔɔni pu na.’ Le bima bibaa le ga ji inimɔɔn.

Jeremia 14:8

Sin baanja pu le Israel yaab mak; sin le nan nyan timi tibɔbir ni. Ba ŋa aa gur bi timi aatiŋ pu ke uchaan na, ki bi ke usachuln u ban u doon timi aatiŋ ni kinyeek kibaa baanja na?

Jeremia 17:17

Taa cha m li san si ijawaan; tibɔr yaa fuu ni kan, aa chee le m bɔrni.

Jeremia 17:18

Uwumbɔr, cha binib bi muk mi aa pu na ji inimɔɔn, ki tee cha m ŋmar. Cha ijawaan chuu bi, ki taa tee faan m ma. Cha tibɔbir dan bi pu ki kool bi yuk yuk.

Jeremia 17:5

Uwumbɔr len ke, “M ga bii unii u fenn upuwɔb tii mi ki tee kpa unibɔn u ga kpo na aapɔɔn pu limakl na.

Jeremia 19:4

Binib ngbaan aah fenn bipuwɔb tii mi ki bii do, ki toor kitork tii ŋiwaa ŋi bima bibaa, ni biyaajatiib, ni Juda aabɔrb aa nan nyi ŋibɔr kpala na pu, le ga cha m ŋa kina. Binib bi kaa kpa taani ubaa na aasin le bi di bii do,

Jeremia 2:13

maanib aah tun titunwanbir tilee ti na pu. Bi fenn bipuwɔb tii mi, ni bi ke bi yii uyayak aanyunbun mu aanyun ŋan na, le ki gbii bibaa aabun ŋi kpa iween, kaan ŋmaa joo nnyun na.

Jeremia 2:17

Israel yaab, nimi le joo ni nimina niyil pu. Ni yii min, Nidindaan Uwumbɔr, buyoonn m nan cheeni nimi cha na.

Jeremia 50:7

Unii umɔk kan bi na kan, u tak bi la. Baadim len le ke, ‘Bi tun Uwumbɔr le titunwanbir, kina pu na, taah ŋa bi pu na aa bir. Biyaajatiib nan kii tii Uwumbɔr, bi mu ba ga li bi u chee kina.’

Esekiel 13:9

M ban m daa nimi bibɔnabr bi ye binyamɔndam ki kani tibɔkpiirkaan ti kaa gbii na ki len tibɔr ti joo binib yenni na aatafal la. Maanib yaa kuun ke bi kpokl kan, naan li bi nima; nimi aayimbil aan li bi Israel aanib aayimbil ni; naan ki gir ni nimi aatiŋ pu daalbaadaal. N‑yoonn ngbaan le ni ga bee ke min le ye Nidindaan Uwumbɔr.

Esekiel 16:63

M ga di cha pinn si saah tun taani u mɔmɔk na, aa mu tee ga teer taani ngbaan bɔr, le inimɔɔn ga chuu si sakpen, le saan ki ŋmaa waar aamɔb.” Aadindaan Uwumbɔr le len kina.

Esekiel 36:32

Israel aanib, m ban ke ni li nyi ke naa ye nimi pu le m ŋani nimina. M ban ke ni ji inimɔɔn naah ŋani tiwan ni pu na la. Min Nidindaan Uwumbɔr le len kina.”

Daniel 12:2

Bi puen kpo na pam le ga fikr nkun ni: bibaa ga kan limɔfal li kaa kpa ndoon na, le bibaa mu ji inimɔɔn i kaa kpa ndoon na.

Joel 3:16

Uwumbɔr tar ke uchinn na Sionn aajool pu; uneel nyan ni Jerusalem aatiŋ ni, ke utaal aah tar pu na; le kitiŋ ni kitaapaak jii. U mu tee ga li kii waanib.

Sekaria 13:1

Uwumbɔr Mpɔɔnsakpiindaan bui ke, “N‑yoonn ngbaan kan, m ga piir uyayak aanyunbun ki di finn nyan titunwanbir ni ŋiwaa aajɔŋ ti bi David aayaabitiib ni Jerusalem aanib pu na.

Sekaria 9:12

Nimi binaagbiib bi bi kitiyayaŋ ni na, ni kpa limakl dandana wee la; gir ni man, gir ni nin chee kpa lifuur na man. M tuk nimi la, m ga gir pa nimi tinyoor nfum mulee ki jer naah nan jin falaa pu na.

Tibɔnyaan ti Luk ŋmee ti na 10:20

Tɔ, tiyayaar aah kii nimi aamɔb na, ni taa cha nima baanja le li ye nimi aapopiin. Nimi aayimbil aah ŋmee paacham na le ye mpopiin mbamɔm.”

Jɔnn 4:10

Le Yesu bui u, “Aa yaa ba nyi Uwumbɔr aah tii binib pu na, ki yaa ba nyi unii u mee si nnyun na kan, aa ba ga bui u ke u tii si nnyun mu ye limɔfal aanyun na, le u ba ga tii si.”

Jɔnn 4:14

Unii umɔk nyun maah ga tii u nnyun mu na, nnyunyuu aan ki chuu u. Maah ga tii u nnyun mu na, mu ga li ye nnyunbun mu bu u ponn ni kaan foor na, mu ga tii u limɔfal li kaa kpa ndoon na.”

Lituln 28:20

Nima pu le m yin nimi ke ni dan m chee, aan ti nan len tɔb chee tibɔr. Timi Israel yaab kpa limakl ke unii u ga gaa timi lii na ga dan. Limakl ngbaan pu, le bi buu mi tikululn tee.”

1 Timoti 1:1

Min Pɔɔl ye Yesu Kristo aakpambal la; ba pu? Uwumbɔr u gaal timi lir na, ni Tidindaan Yesu Kristo u tii timi limakl na, bima le len ke m li ye waakpambal.

Tibɔkpiirkaan 20:15

Le bi di binib bimɔk aayimbil aa ŋmee limɔfal aagbaŋ ni na ŋa mmii ngbaan ponn ni.

Tibɔkpiirkaan 21:6

Le u ki bui mi ke, “M ŋa tiwan ngbaan mɔmɔk doo. Min le ye Alfa ni Omega, mpiin ni ndoon ngbaan. Unii umɔk nnyunyuu chuu u na, m ga tii u limɔfal aanyun, le waan pa nibaa.

Tibɔkpiirkaan 22:1

Uwumbɔr aatuun ngbaan nan mɔk mi limɔɔl li ye limɔfal aanyun ki wiin chain na. Mu nyan ni Uwumbɔr ni Upihbo ngbaan aabɔrjal chee, ki puu dii kitiŋ ngbaan aasan aakaasisik ni.

Tibɔkpiirkaan 22:17

Uwumbɔr Aafuur Nyaan ni Yesu aanib bui ke, “Dan.” Unii umɔk ŋun na, u mu bui ke, “Dan.” Unii umɔk nnyunyuu chuu u na, u mu dan. Unii umɔk ban na, u mu dan ki nan nyu limɔfal aanyun, ki taa pa nibaa.

Tibɔkpiirkaan 7:17

ba pu? Upihbo u bi Uwumbɔr aabɔrjal aakaasisik ni na le ga kpiin bi, ki ga mɔk bi uyayak aanyun mu ga tii bi limɔfal na chee. Uwumbɔr ga per binimbil tinyunyunn mɔmɔk.”