Jeremia 17:11 - Uwumbɔr aagbaŋ

¹¹ Unii u joo beebee kani ŋimombil na bi ke unyoon u kaal ŋijen ŋi waa too ŋi na la. U ga laa li ye unachipɔɔn le ki lann waawangol, le waadoon na, u ga kpaln ujɔr.

Jeremia 17:11 ပူးပေါင်းရင်းမြစ်များ

Job Aagbaŋ 20:21

Waa ji ki gur nibaa lisambil ni, le waawankam doo dandana.

Ilahn 49:13

Lik man tiwan ni ŋani binib bi tii bibaa naadii na, lik man binib bi bui ke bi bab liwangol na aadoon,

Ilahn 55:23

Uwumbɔr, sin ma ga joo ni binikurb, ni binyamɔndam ngbaan baakaakul ni aan baamɔfal ligeln nin doo. Mma kan, m ga di naadii tii sin la.

Ŋiyataŋak 13:11

Aa yaa kan liwangol dafir kan, naan yunn le li nya aaŋaal ni. Aa yaa di kitotoŋ kan liwangol kan, aa moo kani la.

Ŋiyataŋak 15:27

Ukumɔndaan ban tibɔr tii waadichal la, le unii u yii igaŋgaŋlik na kpa limɔfal.

Ŋiyataŋak 21:6

Liwangol li aa di inyamɔn kan li na aan yunn, le ki mu ki ga di si ŋa nkun aamɔkpaween ni.

Ŋiyataŋak 23:5

Saamombil ga ŋmaa fii ke ŋaah kpa ifeen ke likaagiil na la, ki cha si.

Ŋiyataŋak 28:16

Unii u bi mpɔɔn ni, kaa kpa nlan na ga li ye ubiindaan la. Le unii u kaa gee igaŋgaŋlik na ga yunn nnaan ni.

Ŋiyataŋak 28:20

Binibamɔm ga li kpa limɔfal li fɔk na, ni mpopiin la. Le aa yaa ban mala ke aa kan liwangol kan, Uwumbɔr ga daa aatafal.

Ŋiyataŋak 28:22

Bikumɔndam ban ke bi kan liwangol mala, kaa tee nyi buyoonn igiin ga fuu ni bi na.

Ŋiyataŋak 28:8

Aa yaa ji binib pem pem ki kan liwangol kan, unii u san bigiim kinimbaak na le ga nan ji saawangol ngbaan.

Jeremia 22:13

Uja u di beebee maa waadichal, ki moo maa kpae li pu inyamɔn pu aan waanib tun lituln fam, kaa gaal tipar na aamɔfal junn a.

Jeremia 22:17

Le aa ma le ban saakumɔŋ aanyoor baanja; aa ku binib bi kaa kpa taani ubaa na, le ki joo mbimbinpɔɔl muk saanib. Uwumbɔr le len kina.

Jeremia 6:13

Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil, hali maabɔnabtiib ni bitotoorb ji binib ngbaan la.

Jeremia 8:10

Kina pu le m ga di baakpaakon tii bikpaacham, ki di bipuutiib tii bijab biken. Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil. Hali maabɔnabtiib ni bitotoorb ji binib la.

Amos 3:10

Uwumbɔr le len ke, “Binib bimina di baah gaa tiwan ni mpɔɔn na le di gbiin baadichal sakpiin ngbaan ponn ni. Baa nyi baah ga ŋa pu ki ŋa tiwan ni ŋan na.

Maika 2:9

Ni jenn nyani maanib aapuutiib ŋidichal ŋi ponn ni bi gee na, le ki gaa baabim chee maanyoor.

Maika 7:3

Bi mɔmɔk ye binib bi nyi titunwanbir aatuln na la. Ŋitun aaninkpiib, ni bibɔlem ban igaŋgaŋlik la. Binib bi kpa mpɔɔn na len baah ban pu na la, le bi kpaani ki kpokl.

Sefania 1:9

M ga daa binib bi mɔmɔk aa taar mbisamɔb na aatafal. Bi su kinaayuk mu, ki ku binib, ki joo baawan ti bilni baawaadir ni na.”

Sekaria 5:4

Uwumbɔr Mpɔɔnsakpiindaan bui ke, ‘M ga cha tipuun ngbaan buen, le ti ga ti koo unaayuk mɔmɔk, ni unii umɔk puur tipuur maayimbil ni ki geei inyamɔn na aadichal ni. Ti ga gaar baadichal ni le ki ti kuln li kookoo.’”

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Matiu 23:13

“Nimi Uwumbɔr aakaal aamɔmɔkb ni Farisii yaab, bi ye biŋmaŋmannim na, tibɔbir bi ni pu; ni kiir binib ke bi taa koo Uwumbɔr aanaan ni. Nimi nibaa aa koo ni, ki mu aa kii ke binib bi ban bi koo ni na koo ni. [

Tibɔnyaan ti Luk ŋmee ti na 12:20

Tɔ, le Uwumbɔr bui u, ‘Si ujɔr wee, kinyeek kee le aa ga kpo. Saah kuun liwangol limɔk siin na, ŋma ga li yeh li?’

1 Timoti 6:9

Binib bi aanimbil man liwankpal pu na ga kan ntɔŋ, ki lir. Binimbil ga li man kijɔrk aawan sakpenn le pu. Ni ye fam la, ki ga bii bi. Tiwan ngbaan aaboln le cha binib bee fam ki kan ntafadaan mu kaa kpa ndoon na.

Taitus 1:11

Ni ŋan ke aa cha bi ŋmin; ba pu? bi mɔk binib mmɔkm mu kaa ba ye bi mɔk bi na, ki cha ŋidichal ŋibaa ponn ni aanib mɔmɔk yenn. Ŋimombil pu, le bi ŋani kina. Naa ŋan.

2 Piita 2:14

Binimbil yaa kan upii kan, bi ban u la, kaan ŋmaa di cha titunwanbir. Bi ŋmanni binib bi kaa nyi Uwumbɔr aasan mbamɔm na ke bi yenn. Bisui bae iniman la. Uwumbɔr aamɔpuur bi bi pu la.

2 Piita 2:3

Bi ga li kpa iniman ki ga ŋmann nimi, ke bi ji nimi. Ni yunn le Uwumbɔr nan puun len ke baabɔr bii. Naan yunn le u ga daa bitafal.