Jeremia 17:10 - Uwumbɔr aagbaŋ

¹⁰ Min Uwumbɔr le lik unii aalandak ni le ki tɔŋni binib aasui lik. M ŋani unii mɔmɔk, waabimbin aah bi pu na la, ni udaan aah tun pu na.”

Jeremia 17:10 ပူးပေါင်းရင်းမြစ်များ

1 Bibɔrb 8:39

pel waameel. Saah bi aado paacham na, pel, ki di cha pinn u, ki ter u. Sin baanja le nyi unibɔn aasui ponn ni aalandak. Unii aabimbin yaa ŋeer pu na kan, aa ŋa udaan kina,

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

1 Bibɔrb Aabɔr 29:17

M nyi ke aa tɔŋni unii mɔk aasui lik, le aasui piin binib bi aabimbin ŋan na pu. Mbimbinyaan ni ngeehm ponn ni le m di nsui mɔmɔk tii si nimina mɔmɔk ki kan ke binib bi mɔmɔk kuun do na kpa mpopiin le ki joo ni si ipiin.

2 Bibɔrb Aabɔr 6:30

li pel waameel. Saah bi aado paacham na, pel ki di cha pinn bi. Sin baanja le nyi unibɔn aasui ponn ni aalandak. Unii aabimbin aah ŋeer pu na kan, aa ŋa udaan kina,

Job Aagbaŋ 34:11

U pa binib baah tun pu na pu, le ki ŋani bi tiwan ni ŋeer bi na.

Ilahn 44:21

aa ba ga bee, ba pu? aa nyi tisui aah bi pu na.

Ilahn 44:22

Tɔ, sin pu le bi ku timi iwiin mɔmɔk, le ti naahn ipiih i bi ban bi ti kɔr i na la.

Ilahn 62:12

ki ki len ke waageehm bi n‑yoonn mɔmɔk. Uwumbɔr, si aabaa le pa unii waatuln aah ŋeer pu na.

Ilahn 7:10

Uwumbɔr le ye maakikiir; u gaal binib bi mɔmɔk kii waamɔb na lir.

Ilahn 7:9

Uwumbɔr, aa ye ubamɔndaan la, ki nyi tisui ponn ni aah bi pu na. Kuln kinimbɔŋdam aabiin; ki pa binib bi ŋan na baapar.

Ŋiyataŋak 12:14

Saamɔliin ni saatuln le ga tii si saapar, nima le ga tii si tiwan ni ŋeer si na.

Ŋiyataŋak 17:3

Mmii le bi joo tɔŋni salmaa ni tikunabr, Uwumbɔr mu le tɔŋni unibɔn aasui lik.

Ulandaan 9:3

Bi mɔmɔk aadoon ye mubaa la, le nimina mu aa ŋan ke tiwan ni mɔmɔk ŋani dulnyaa wee ni na aah kaa ŋan pu na. Unibɔn umɔk kpa limɔfal na kpa kiwaatiik ni ilandak i kaa ŋan na la, le nkun piir bi libuul ngbaan ni.

Aisaya 59:18

U ga daa waadim aatafal baah tun taani ki ŋeer pu na, ni binib bi bi dandar aatim ni na mu.

Jeremia 11:20

Le m mee limeel ke, “Uwumbɔr Mpɔɔnsakpiindaan, aa ji binib tibɔr ibamɔn pu la; aa tɔŋni binib aalandak ni bisui. M di maabɔr ŋa aaŋaal ni, kina pu na, m ga li ka le ki lik saah ga teen binib ngbaan pu na.”

Jeremia 12:13

Maanib nan bun imuul, le ki tee nan chee timoor; bi nan tun le kitotoŋ nyan, le kaa nan kan nibaa. Maaŋuusakpeln pu le baajikaar aa ŋa.”

Jeremia 20:12

Uwumbɔr Mpɔɔnsakpiindaan, le aa ma joo ibamɔn tɔŋni binib, aa nyi tiwan ni bi bisui, ni baalandak ni na. Kina pu na, cha m kan saah ga teen maadim pu na, ba pu? m di maabɔr ŋa sin le aaŋaal ni.

Jeremia 21:14

M ga daa nitafal naah tun pu na pu. M ga see nimi aabɔrchiln mmii, le mmii ngbaan ga wu tiwan ni mɔmɔk duun li na. Min Uwumbɔr le len kina.”

Jeremia 23:2

Uwumbɔr, u ye Israel yaab Aawumbɔr na aah len biyidam bi aatuln ba ye bi li joo waanib mbamɔm na aabɔr pu na sɔ: “Naa joo maanib; ni yaa bi, le ki jenn bi buen. Tɔ, m ga daa nitafal naah tun titunwanbir ti na pu.

Jeremia 32:19

Aa dak ilandak nyaan ki tun ŋitukpaan; aa kani binib aah ŋani tiwan ni mɔmɔk na, le ki pa bi baatun aah ŋeer pu na.

Esekiel 11:5

Uwumbɔr Aafuur Nyaan nan gbiin mi, le u bui mi ke m di inaŋ imina tii Israel aanib ke: “Israel aanib, m nyi naah len ki kpokl pu na.

Esekiel 14:5

Ŋiwaa ngbaan mɔmɔk gaa Israel yaab m chee a, le maah ga tii ngarm mu na, m dak ke bi ga ki giin ni baamɔkiil nan tii mi.

Maika 7:13

Tɔ, kitiŋ kee tee ga kpaln nteer ŋmeen, binib bi bi ki pu na aatunwanbir pu.

Matiu 16:27

Min Unibɔn Aabo ga fuu ni ki ga li kpa Nte Uwumbɔr aapɔɔn. Le Uwumbɔr aatuuntiib ga li dii mi. N‑yoonn ngbaan le m ga tii binib mɔmɔk lipal, baatuln aah ŋeer pu na.

Matiu 6:4

Tii u libɔɔl ni. Le Aate Uwumbɔr u kan saah ŋa pu libɔɔl ni na ga pa si binib aanimbil ni.”

Jɔnn 2:25

ba pu? u nyi binib mɔmɔk aabimbin. Waa ban ke ubaa nyaa u binib aabɔr. Uma ubaa nyi binib aasui ni aabɔr.

Lituln 1:24

Le bi mee Uwumbɔr ke, “Tidindaan, aa nyi binib mɔmɔk aasui ni aah bi pu na. Mɔk timi unii u aa lee u na bijab bilee ngbaan ponn ni aan u li ye saakpambal ki gaa lituln li Judas nan di cha ki buen nin chee ŋeer u na.”

Rom Yaab 6:21

Ni yaa teer naah tun titunwanbir ti na kan, ni jinni nimi inimɔɔn dandana wee la. Tinyoor nan bi titunwanbir ngbaan ni ii? Aayii. Titunwanbir ngbaan aadoon ye nkun la.

Rom Yaab 8:27

Uwumbɔr u lik binib aasui ni aah bi pu na nyi Waafuur Nyaan aalandak aah bi pu na; ba pu? Nfuur Nyaan mee u tii waanib waah ban pu na.

Tibɔkpiirkaan 2:23

ki ga ku waabim mu. Le maanib bi bi ŋipepel mɔmɔk na ga bee ke min le nyi bisui ni aah bi pu na. M ga tii ni ponn ni unii mɔmɔk waatuln aah ŋeer pu na.

Tibɔkpiirkaan 20:12

Le m kan bitekpiib, bi ye bipɔɔndam ni bi ye biwaatiib na, si libɔrjal ngbaan aanimbiin ni. Le u kpar tigbann, ki ki kpar kigbaŋ kiken, ki ye limɔfal aagbaŋ na, ki jin bitekpiib tibɔr, baabɔr aah ŋmee tigbann ngbaan ponn ni pu na, baah nan tun pu na.

Tibɔkpiirkaan 22:12

Yesu len ke, “Li pel man, m ga gir ni mala, ki ga li joo ni ipiin ki nan tii unii mɔmɔk ipiin waatuln aah ŋeer pu na.

1 Samuel 16:7

Le Uwumbɔr bui u ke, “Taa lik waah fɔk ki ŋan pu na pu. M yii u; ba pu? maa dak ke unibɔn aah dak pu na. Unibɔn lik tiwon la, le m ma lik unii aasui ni.”