Jeremia 16:7 - Uwumbɔr aagbaŋ

⁷ Ubaa aan kal uken chee u ji ki nyu ndaan, ki sɔŋ usui, ke baah gee unii u na yaa kpo kan, bi ŋani pu na. Ubaa aan san uken kinimbaak, ni yaa ye udaan ngbaan aate, bee una le yaa kpo kan, ubaa aan gar u.

Jeremia 16:7 ပူးပေါင်းရင်းမြစ်များ

Job Aagbaŋ 42:11

Job aakpetiib, ni unaatiib, ni uninkpatiib, ni ujɔtiib mɔmɔk nan dan nan mann u ki jin njim u chee waadichal ni. Bi nan san u kinimbaak ki sɔŋ usui, tibɔbir ti Uwumbɔr di tii u na pu. Bi mɔmɔk ubaabaa nan tii u ŋimombil ni salmaa aabɔmbik.

Ulandaan 4:1

Le m ki fenn lik beebee aatuln li tun dulnyaa wee ni na. Baah muk binib bi na nan wii la, le ubaa aa ter bi. Binib bi muk bi na nan kpa mpɔɔn la, le ubaa aa nan ter bi.

Jeremia 22:10

Juda aanib, taa wii Ubɔr Josia pu man; taa wii waakpuul man. Li wii ujapɔɔn Joahas pu; bi ga nan chuu u di buen, le waan ki gir ni daalbaadaal, waan ki kan kitiŋ ki pu bi nan ma u na.

Inandalahn 1:9

Kaajɔŋ aa nan bɔr, le kitafal aa nan bi ntafadaan mu ga pii ki na ni. Kaalirm nan nyaŋ a; ubaa aa ŋmaa sɔŋ kisui. Kaadim nyaŋ ki; le kaanib wii ke Uwumbɔr san bi kinimbaak.

Esekiel 24:17

Taa cha saah ka wii liŋmiŋmiln pu na nya lipaal aan ubaa ŋun aa pu. Taa pir kpiir aayil pu, bee aa li chuun kaa tak ŋinaatak ke ni mɔk ke aa bi wii likpuul la. Taa di nibaa biin aanimbil pu, bee aa ji binib bi bi wii likpuul na aah ji tijikaar ti na.”

Hosea 9:4

Baan ti ŋmaa tii Uwumbɔr ndaan aapiin, biwɔwɔm aatim ngbaan ni, kaan ŋmaa di baatork buen unimbiin ni. Biwɔwɔm ngbaan aajikaar ga bii umɔk jin ti na, ke baah jin likpuul ponn ni aajikaar pu na la. Bi ga li ji ti ke ti lee baakon la; ti ponn ni tibaa aan ŋmaa koo Uwumbɔr Aadichal ni ki ye ipiin tii u.

Ikaal 26:14

Maah nan wii ikpowiil na, maa nan jin ti ponn ni, buyoonn maa nan bi chain na, maa nan lee ti ponn ni ngem nyan maadichal ni, ki mu aa lee ti tii bitekpiib. Uwumbɔr, saah bui ke m tii tijikaar aapiin pu na, m ŋa ni mɔmɔk.