Jeremia 16:5 - Uwumbɔr aagbaŋ

⁵ “Taa koo lidichal li ponn ni binib bi wii likpuul na. Taa cha aasui bii ubaa pu. Maan ki ŋa nsuudoon aanyoor ŋa maanib pu, kaan ki di ngeehm ni kinimbaak mɔk bi.

Jeremia 16:5 ပူးပေါင်းရင်းမြစ်များ

Ilahn 25:6

Uwumbɔr, teer saaŋann, ni n‑yoonn mɔmɔk aageehm mu aa di mɔk mi n‑yoonn mu jer na.

Aisaya 27:11

Isubon na mɔmɔk kuur ki kool lir a, le bipiib ti peei ti tuur mmii, ba pu? binib ngbaan aa bee nibaa, nima pu na, Uwumbɔr u naan bi na aan di cha pinn bi, kaan san bi kinimbaak mu.

Jeremia 12:12

Bijab nyan ni nteersakpiin aatim ni le ki nan jenn gaa maanib aawan. M tun ni butɔb le ke bu nan bii doo kitiŋ ngbaan mɔmɔk; ubaa aan kan lifuur nima.

Jeremia 13:14

Le m ga di binib bi por na, ni bi kaa por na yur tɔb aan bi wiil ke ŋidabuu na. Kinimbaak, ni mpombiin, ni nsuugar mbaa aan kiir mi ke m taa ku bi.”

Jeremia 16:13

Kina pu na, m ga mee nyan nimi kitiŋ kee pu ki ti lii kitiŋ ki nimi ni niyaajatiib aa kee ŋun ki pu na ni. Nima chee le ni ga ti li tun tii ŋiwaa, nwiin pu ni kinyeek, le maan ki san nimi kinimbaak.’”

Inandalahn 3:17

Maa ki nyi ngbapɔɔn ni nsuudoon ni mpopiin aah ye tiwan ni na.

Sekaria 8:10

Waahr aan n‑yoonn ngbaan na, ubaa aa nan kpa ŋimombil ke u pa unii bee kiwakork bi tun lituln tii u, le ubaa aa nan kpa lifuur waadin chee. M nan jaani maanib la.

Ikaal 31:17

Bi yaa ŋa kina kan, m ga gee liŋuul bi pu, ki yii bi, le ki ga kuln bi. Tibɔbir pam ga dan bi pu, le ni ga cha bi bee ke min Baawumbɔr aa ki bi bi chee.

Tibɔkpiirkaan 6:4

Le utaman mu fuu ni. Bi nan tii unii u dik utaman ngbaan pu na kijaak aajuk sakpeŋ, le Uwumbɔr tii u mpɔɔn ke u cha dulnyaa aanib to butɔb ki ku tɔb.