Jeremia 16:4 - Uwumbɔr aagbaŋ

⁴ Iween i bir sakpen na le ga ku bi, le ubaa aan li bi ki wii baakpuul, ubaa mu aan ki li bi ki sub bi. Ŋinikpol ngbaan ga li dɔ kitiŋ ke tinaabin na la. Butɔb ni le bibaa ga kpoi, le nkon ku biken mu, le ŋinikpol ngbaan ga li ye inyoon ni ipeel aajikaar.

Jeremia 16:4 ပူးပေါင်းရင်းမြစ်များ

2 Bibɔrb 9:10

Baan sub Jesebel; ibɔ le ga ŋmɔ u Jesreel aapepel ni.’” Ubɔnabr pɔɔn ngbaan aah len kina ti doo na, le u nyan kidiik ngbaan ponn ni ki san.

Ilahn 78:64

Bitotoorb nan kpoi mpɔɔkun la, le baakpopiib aa nan kpa nsan ke bi wii baakpuu.

Ilahn 83:10

Aa nan nyaŋ bi Endor aatiŋ pu, le bi dɔ nima ki ti bur.

Aisaya 18:6

Baatɔb aajab bi kpo butɔb ni na aanikpol ga li dɔ, le inyoon ni ipeel i bir na ji. Kitotoŋ yoonn le inyoon ga ji ŋinikpol ngbaan, le ipeel mu ŋmɔ ŋi kakab yoonn.”

Aisaya 5:25

Nima pu na, Uwumbɔr gee liŋuul nimi waanib pu, ki fii sil ke u daa nitafal. Ŋijoo mɔmɔk ga deŋ, le ŋinikpol aakpab ga gbiin ntim ni ke ŋitapun pu aamoor na. Hali nimina aapuwɔb, Uwumbɔr aaŋuul aan sɔŋ. U ga sil nya sil ke u daa nitafal.

Jeremia 19:7

Do le m ga bii Juda ni Jerusalem aanib aalandak mɔmɔk. M ga cha baadim nyaŋ bi, ki ku bi butɔb ni. Le m ga di ŋinikpol ngbaan tii inyoon, ni ipeel, i di ŋa tijikaar.

Jeremia 21:6

M ga ku unii umɔk bi kitiŋ kee ponn ni na; m ga di iween i bir na le ku binib ni tiwakor mɔmɔk.

Jeremia 25:33

Liyaadaal ngbaan kan, Uwumbɔr aah ku binib bi na aanikpol ga li dɔ kitiŋ kee pu, ni kookoo la. Ubaa aan wii baakpuul, le ubaa aan yoor ŋi di buen ti sub. Ŋi ga li dɔ ŋikpuk ŋikpuk ke tinaabin na la.

Jeremia 34:17

Le min Uwumbɔr bui ke ni yii maamɔboln, ke naan tii nina aabitiib Israel yaab lifuur li bi ban na. Kina pu na, m ga tii nimi lifuur, m ga tii nimi lifuur ke ni kpo butɔb ni, ni iween ni, ni nkon ni. Maah ga ŋa nimi pu na ga cha dulnyaa wee aatimbol mɔmɔk san ijawaan.

Jeremia 34:20

M ga di bi tii baadim bi ban bi ku bi na, le baanikpol ga li ye inyoon ni ipeel aajikaar.

Jeremia 36:30

Min Uwumbɔr le bui sin Ubɔr Jehoyakim, ke aayaabil ubaa aan kal Ubɔr David aanaanjal pu. Bi ga di saawon mee, le nwiin gbaa ti nwiin pu, le limaln mu gbaa ti kinyeek.

Jeremia 44:12

Juda aanib bi ma gur aan binimbil man ke bi buen ti li koo Ijipt aatiŋ ni na, see m kuln bi mɔmɔk. Binikpaam ni biwaatiib mɔmɔk ga kpo butɔb ni, ni nkon aakun, Ijipt aatiŋ ni. Binib yaa kan bi kan, bi ga li kpa ijawaan la; binib ga lik bi fam, ki li joo baayimbil puuni lir biken pu.

Jeremia 44:27

Maan ki cha ni ponn ni ubaa kan nkam, le ki tee kuln nimi. Ni mɔmɔk ga kpoi, ni ga kpoi butɔb ni, ni iween ni, ki ti saa n‑yoonn mu ubaa aan gur na.

Jeremia 7:33

Ŋinikpol ngbaan le ga nan li ye inyoon ni ipeel i bi nima na aajikaar, le ubaa aan nan li bi nima ki jenn i.

Jeremia 9:22

Ŋinikpol dɔ ni kookoo, ke ŋinaabinkpok le aah dɔ ikpaakon ni na, ki bi ke baah gaa ŋikalmaan le bil, kaa bar ŋi na, ki bi ke ŋikalmaan ŋi ubaa aan bar ŋi na. Uwumbɔr aah bui mi ke m len pu na le bi na.”

Inandalahn 4:9

Binib bi nan kpoi butɔb ni na aakun nan soor ni bi kpo puwɔb na, nkon le nan ku bima ngbaan, le tijikaar aa nan bi, bi ji ki ŋmar.

Esekiel 24:21

Ni mak Uwumbɔr Aadichal pu la. Ni gee ke ni li lik li, ki li chaa ti manni li, le Uwumbɔr ga cha li kpaln wafam. Nimi aanib bi laa diin ki ye nimi aadichal ponn ni aanib, ki bi Jerusalem aatiŋ ni na ga bee butɔb ni.

Esekiel 5:12

Nimi aanib ŋiker ŋitaa ponn ni aaker libaa ga kpo iween, ni nkon aakun kitiŋ ngbaan ponn ni; le liker liken ga bee kijaak aajuk aakun ni, kitiŋ ngbaan aagbaan; le m ga di litatar na yaa tii libuln, ki di maajaak aajuk paan bi pu.

Sefania 1:17

Uwumbɔr ki bui ke, “M ga cha tibɔbir ngbaan aaboln dan unibɔn pu aan unii mɔmɔk li chuun baani ke ujoon na. Bi tun mi taani, le m ga cha baasin puu ke nnyun na, le baanikpol ga li dɔ kitiŋ ki ti bur.”

Ikaal 28:22

Uwumbɔr ga cha iween i door na chur nimi, niwon ga duun, le ki li ton. U ga cha ntaaweel, ni libuln li ton na see nimi aajikaar. Kina aabɔbir ga li bi ni pu, le ni ti kpoi doo.

Ikaal 28:26

Ni yaa kpo dɔ kan, inyoon, ni timoor ni aapeel le ga dan ki nan ji nimi aawon, le ubaa aan kan ki jenn i foor.