Jeremia 16:17 - Uwumbɔr aagbaŋ

¹⁷ M waa tiwan ni mɔmɔk bi ŋani na. Nibaa aa bɔ m chee; nnimbil kani baatunwanbir mɔmɔk.

Jeremia 16:17 ပူးပေါင်းရင်းမြစ်များ

2 Bibɔrb Aabɔr 16:9

Uwumbɔr aanimbil waa dulnyaa wee mɔmɔk, le ki tii binib bi aasui bi u ni na mpɔɔn. Aa tun kijɔrk aatuln la, kina pu na, ki nyan n‑yoonn mue ki joo cha, aa ni butɔb le ga li bi.”

Job Aagbaŋ 10:14

Aa nan pekr mi ki lik ke m ga tun titunwanbir aan maan tun, le ki yii kaa di cha pinn mi.

Job Aagbaŋ 31:4

Uwumbɔr nyi maah tun pu na mɔmɔk; u kani litaal limɔk m yoor na.

Ilahn 109:15

Cha Uwumbɔr li teer baatunwanbir bɔr n‑yoonn mɔmɔk, ki tee cha ubaa taa ki teer bima bɔr kpala.

Ilahn 139:3

M yaa bi tun, bee m yaa ka fuur kan, aa waa mi; aa nyi maatuln mɔmɔk.

Ilahn 33:15

Uma le naani baalandak mɔmɔk, le ki nyi baah tun pu na mɔmɔk.

Ilahn 51:9

Taa cha aanimbil kan maatunwanbir, ki finn nyan maabɔbir mɔmɔk.

Ilahn 90:8

Aa joo timi aatunwanbir bilni aanimbiin ni, hali timi aatunwanbir ti bɔr na, aa joo bilni nin chee aa ga li waa ti na la.

Ŋiyataŋak 15:3

Uwumbɔr waa tiwan ni ŋani ŋipepel mɔmɔk ni na; ti yaa ŋani tiwan ni ŋan na, bee ti yaa tun titunwanbir kan, u waa ti.

Ŋiyataŋak 5:21

Uwumbɔr kani saah ŋani tiwan ni na mɔmɔk. U waa si saasachun mɔmɔk ni.

Aisaya 29:15

Binib bi joo baalandak bɔrni Uwumbɔr na aamɔfal junn a. Bi bɔrni le ki ŋani baatunwanbir ki dak ke ubaa aan kan bi, ubaa mu aan li nyi baah ŋani pu na.

Aisaya 66:18

M nyi baalandak ni baatun. M choo m nan kuun litimbol mɔmɔk aanib la. Bi yaa kuun ni kan, bi ga kan maapɔɔn aah ga ŋmaa tun pu na,

Jeremia 2:22

Hali ni yaa di bukiib bu ŋun njeen mbamɔm na fu nnyun kan, m ga li beenin waa nimi aajɔŋ aataani.

Jeremia 23:24

Ubaa aan ŋmaa bɔr mi m taa kan u. Naa nyi ke m bi paacham, ni kitiŋ ni, ni ni kookoo la aa?

Jeremia 29:23

Baah tun titunwanbir sakpen pu na, baadoon le ga li bi na; bi goor kidagook, ki di Uwumbɔr aayimbil geei inyamɔn. Uwumbɔr aa nan gee kina; u nyi baah tun pu na, le uma le ye useeraadaan. Uwumbɔr le len kina.”

Jeremia 32:19

Aa dak ilandak nyaan ki tun ŋitukpaan; aa kani binib aah ŋani tiwan ni mɔmɔk na, le ki pa bi baatun aah ŋeer pu na.

Jeremia 7:11

Ni dak ke Maadichal ni ye mbɔbɔryaan nin chee binaayukb ga bɔr na la aa? M kan naah ŋani tiwan ni mɔmɔk na.

Esekiel 8:12

Uwumbɔr nan baa mi ke, “Unibɔn, aa kan Israel yaab aah looni ki tun ŋitun ŋi libɔɔl ni na aa? Bi mɔmɔk bi kidiik ki ponn ni ye ŋiwaa ŋmeen na, le ki dooni ŋi. Baah len pu na le ye ke, ‘Uwumbɔr aa waa timi. Waa ki bi timi aatiŋ pu.’”

Esekiel 9:9

Uwumbɔr nan gar ke, “Israel aanib ni Juda aanib aabɔr gbii titunwanbir ti bir sakpen na. Bi ku binib kitiŋ kee mɔmɔk pu, le ki di libiil gbiin Jerusalem aatiŋ ni. Bi bui ke min Uwumbɔr yii baatiŋ, kaa ki waa bi.

Sefania 1:12

“N‑yoonn ngbaan le m ga yoor karyaa ki biln Jerusalem aatiŋ ponn ni. M ga daa binib bi lik bibaa ke bi ye bininyuum ki lik pak bibaa na aatafal. Bi len ke, ‘Uwumbɔr aa ŋani nibaa ni ŋan, kaa ŋani ni kaa ŋan na mu.’

1 Korenti 4:5

Nima pu na, ni yaa kaa kee ŋeer kan, ni taa ji unii ubaa tibɔr, see Tidindaan nan gir ni. Uma le ga kpiir tiwan ni bɔɔ mbɔmbɔɔn ni na, ki kpiir unibɔn mɔmɔk aalandak. Liyaadaal ngbaan kan, Uwumbɔr ga pak binibamɔm mɔmɔk.

Hiibru Yaab 4:13

Tiwan nibaa aa bi ki bɔr Uwumbɔr. Tibɔr mɔmɔk nyan ki dɔ mpaan pu, ki dɔ tiŋmeen unimbil ni. Uma le ti ga len timi aabɔr ki tuk u.