Jeremia 16:16 - Uwumbɔr aagbaŋ

¹⁶ Uwumbɔr nan ki bui ke, “M bi tun ban bijanbam pam ke bi nan chur binib bee la, le ki tun yin ni bikpam pam, ke bi nan tee mban ki taa taa nyan ni bi lijool, ni ligongoln mɔmɔk paab, ni titakpalunn ni.

Jeremia 16:16 ပူးပေါင်းရင်းမြစ်များ

Mpiin 10:9

Uwumbɔr aah nan ter u pu na, le u nan nyi kikpaŋ aabɔr pam, nima le binib len ke, “Cha Uwumbɔr ŋa si ukpakpaan ke Nimrod na.”

Aisaya 2:21

Uwumbɔr yaa nan dan ke u nan deŋ kitiŋ kan, binib ga bɔr titakpalunn ni, ni ŋitakpasakpiin taab, ŋijoo paab, ke bi ŋmar waaŋuul pu, ki bɔr waapɔɔn ni waawiihn sakpiin chee.

Aisaya 7:19

I ga fii nan gbiin tifatann aalɔlɔnn ni, ni titakpalunn ni, ki ga biin ikokon aasui mɔmɔk pu, ki biin kimopɔɔk mɔmɔk ni.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 4:29

Binib mɔmɔk yaa nan ŋun bitandam ni bipindam pu kan, bi ga san. Bibaa ga san buen kichook ni, biken mu ga jon ŋijootakpal ni. Ntim mɔmɔk ponn ni ga li ye nkuun la, le ubaa aan ki koo mu ni.

Jeremia 49:5

M ga cha ijawaan nya ŋipepel mɔmɔk ki chuu nimi. Ni mɔmɔk ga san. Unii mɔk ga li san ban ubaa la, le ubaa aan li bi ki ki kuun nimi aajab.

Jeremia 6:9

Uwumbɔr Mpɔɔnsakpiindaan nan bui mi ke, “Bi ga pir Israel yaab pel pel ke ŋisubil aasui i bi ker ŋisubil doo i pu na la. N‑yoonn laa bi, kina pu na, gaa saah ga ŋmaa gaa bi lii na.”

Inandalahn 4:18

Bidim nan bi lik ban timi; le taa nan ti ki ŋmaa chuun kitiŋ ponn ni. Timi aayoonn nan doo; timi aamɔfal nan kuln.

Inandalahn 4:19

Bi nan jenn timi sunn mala mala ke likaagiil le aah boon ki nyan ni paacham na. Bi nan ti gob timi ŋigongon pu la; nteersakpiin pu le bi nan loon timi.

Hosea 10:10

M ga pii titunwanbirdam bimina ki daa bitafal. Ŋitimbol ga kpaan ki tak bi, le m ga daa bitafal, baah tun titunwanbir sakpen pu na pu.

Amos 4:2

Tidindaan Uwumbɔr aah bi chain kaa kpa tijɔŋ tibaa na, u puu ke, “Iwiin ibaa choo, le bi ga nan di ijapiin dar nimi buen; ni mɔmɔk ga li bi ke ijan i ijapiin chur i na la.

Amos 5:19

Ni ga nan li naahn ke unii aah san uchinn chee ki ti tooh upeenaamuun nsan ni pu na la, ki li bi ke unii u kun ni linampal ki nan di uŋaal paan ligoln pu aan uwaa kpaan juu u pu na la.

Maika 7:2

Unii ubaa aa gur kitiŋ ngbaan pu ki bi chob, ubaa mu aa bi ki kii tii Uwumbɔr. Binib mɔmɔk ka kii ke bi ku binib biken la. Unii mɔmɔk dɔ ban udo yoo le u ku.

Sefania 1:12

“N‑yoonn ngbaan le m ga yoor karyaa ki biln Jerusalem aatiŋ ponn ni. M ga daa binib bi lik bibaa ke bi ye bininyuum ki lik pak bibaa na aatafal. Bi len ke, ‘Uwumbɔr aa ŋani nibaa ni ŋan, kaa ŋani ni kaa ŋan na mu.’

1 Samuel 24:11

Lik, nte, lik saabɔkul aageln le m joo na. M ba ga ŋmaa ku si, le m tee gii nimina. Nima le ga ŋmaa mɔk si limɔkl ke maa si aa pu, kaa kpak si, ki mu aa ban m ku si. Aa bi tee mban ki ban mi ke aa ku mi, le maa kpaan ŋa si nibaa.

1 Samuel 26:20

Taa cha bi ku mi kitiyayaŋ pu, ni daa Uwumbɔr chee na. Ba ŋa Israel yaab aabɔr dan ke u nan ku kibabr ke min na? Ba ŋa u tee mban ban mi ke maah ye timoor ni aanyoon le na?”