Jeremia 16:14 - Uwumbɔr aagbaŋ

¹⁴ Uwumbɔr nan ki bui ke, “N‑yoonn choo le binib aan nan ki puu tipuur m pu, ke Uwumbɔr u bi, ki nan nyan ni Israel yaab Ijipt aatiŋ ponn ni na.

Jeremia 16:14 ပူးပေါင်းရင်းမြစ်များ

Ilahn 81:11

Le maanib aa ŋun tii mi; Maanib Israel yaab aa kii tii mi.

Ilahn 81:7

Buyoonn ni nan bi tibɔr ni na, le ni nan yin mi, le m gaa nimi lii. M nan bi maabɔbɔryaan mu ye kitaabuŋ ni na, le ki kii nimi aayim ngbaan. M nan tɔŋ nimi Meriba aanyunbun na chee.

Nnyam 20:2

“Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Jeremia 32:37

M ga ki kuun ni binib ngbaan maaŋuusakpeln aah nan cha bi yaa ki bi ntim mu ni na, ki giin ni bi do, ki nan cha bi li koo nsuudoon ni.

Maika 6:4

M nyan ni nimi Ijipt aatiŋ ni; m nyan ni nimi tinaagbiir ni; m nan tun Moses, ni Aaronn, ni Miriam ke bi nan loln ni pu nsan.

Ikaal 15:15

Teer ke ni mu nan ye binaagbiib le Ijipt aatiŋ ni, le Nidindaan Uwumbɔr gaa nimi lii, nima pu le m joo nkaal ngbaan tuk ni mu.

Ikaal 20:1

“Ni yaa buen ni ti faa nimi aadim butɔb aan ki kan ke bi kpa itaan ni yaatɔroku tiib, ni bijab ki wiir sakpen ki jer nimi kan, ni taa li san bi ijawaan. Nidindaan Uwumbɔr u nyan nimi Ijipt yaab aaŋaal ni na ga li bi ni chee.