Jeremia 16:13 - Uwumbɔr aagbaŋ

¹³ Kina pu na, m ga mee nyan nimi kitiŋ kee pu ki ti lii kitiŋ ki nimi ni niyaajatiib aa kee ŋun ki pu na ni. Nima chee le ni ga ti li tun tii ŋiwaa, nwiin pu ni kinyeek, le maan ki san nimi kinimbaak.’”

Jeremia 16:13 ပူးပေါင်းရင်းမြစ်များ

2 Bibɔrb 25:21

ki bi Hamaf aapepel ni na chee. Nima chee ubɔr ngbaan nan ti cha bi ku bi. Kina le bi nan di Juda aanib buen tinaagbiir ni ki cha baatiŋ.

2 Bibɔrb Aabɔr 7:20

le m ga nyan nimi kitiŋ ki m di tii nimi na ni, le ki ga nya cha Maadichal li m ŋa li chain ke li li ye nin chee bi ga li dooni mi na. Binib mɔmɔk ga li joo li ŋani yaansara ki lik seeni li.

Ilahn 81:12

Kina pu le m cha bi kpa tafalaaŋun le ki ŋani baah gee pu na.

Jeremia 10:18

Uwumbɔr ban u jenn nyan nimi kitiŋ kee pu la; u ga gbaa ni mɔmɔk le ubaa aan gur. Uwumbɔr le len kina.

Jeremia 14:8

Sin baanja pu le Israel yaab mak; sin le nan nyan timi tibɔbir ni. Ba ŋa aa gur bi timi aatiŋ pu ke uchaan na, ki bi ke usachuln u ban u doon timi aatiŋ ni kinyeek kibaa baanja na?

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Jeremia 15:14

M ga cha bi ti li tun lituln tii bidim, kitiŋ ki pu baa nyi kaabɔr kpala na, ba pu? maaŋuul naahn mmii la, le ki ga wu kaan junn.”

Jeremia 15:4

Hesekia aajapɔɔn Manase aah nan ye Juda aabɔr ki ŋa pu Jerusalem ni na, kina pu le m ga cha dulnyaa wee aanib mɔmɔk aasui gar bi pu.”

Jeremia 16:5

“Taa koo lidichal li ponn ni binib bi wii likpuul na. Taa cha aasui bii ubaa pu. Maan ki ŋa nsuudoon aanyoor ŋa maanib pu, kaan ki di ngeehm ni kinimbaak mɔk bi.

Jeremia 17:4

M ga di kitiŋ ki m nan di tii nimi na tii binib. M ga cha ni kpaln nimi aadim aatutum kitiŋ ki ponn ni naa nyi kaabɔr kpala na, ba pu? maaŋuul bi ke mmii na la, mu ga li wu kaan junn.”

Jeremia 22:26

M ga jenn aa ni aana buen tinaagbiir ni. Ni ga buen kitiŋ ki baa nan ma nimi ki ponn ni na la, le ni mɔmɔk ga ti kpo nima.

Jeremia 22:28

Le m bui ke, “Ubɔr Jehoyachinn kpaln libuul li wii aan bi di li mee ubaa aa ki ban li na la aa? Kina pu le u ni waabim bi tinaagbiir ni, kitiŋ ki baa nyi kaabɔr na ni ii?

Jeremia 5:19

Bi yaa baa ke ba ŋa m tun kina mɔmɔk kan, sin Jeremia, bui bi ke baah fenn bipuwɔb tii mi ki dooni ŋiwaa bibaa aatiŋ pu na, kina le bi ga ti tun lituln tii biwɔwɔm kitiŋ ki kaa ye bibaa aatiŋ na pu.”

Jeremia 6:15

Baa nan san inimɔɔn, baajɔŋ aatun ŋee pu. Aayii, baa nan san inimɔɔn kpala; baa kpaan nyi baah ga mɔk pu ke inimɔɔn joo bi na. Kina pu le bi mu ga lir ke biken aah lir pu na; m yaa nan daa bitafal kan, baadoon le ga li bi na. Min Uwumbɔr le len kina.”

Ikaal 28:36

“Uwumbɔr ga cha bi di nimi, ni nimi aabɔr buen biwɔwɔm aatim ni, nin chee niyaajatiib, ni nimi nibaa aa kee buen na. Nima chee le ni ga ti li dooni idɔ ni ŋitakpal aawaa.

Ikaal 29:28

Uwumbɔr aaŋuul nan fii bi pu sakpen, le liŋuusakpeln ngbaan ponn ni, u chuu nyan bi baatiŋ ni, ki di bi buen biwɔwɔm aatim ni, le bi bi nima chee din wee.’