Jeremia 16:11 - Uwumbɔr aagbaŋ

¹¹ Le aa ga bui bi ke Uwumbɔr bui ke, ‘Niyaajatiib nan fenn bipuwɔb tii mi, le ki dooni ki tun tii ŋiwaa. Bi nan yii mi, kaa kii maamɔkm.

Jeremia 16:11 ပူးပေါင်းရင်းမြစ်များ

1 Bibɔrb 9:9

Le binib ga gar ke, ‘Baah yii Bidindaan Uwumbɔr, u nan nyan ni biyaajatiib Ijipt aatiŋ ni na, le cha u ŋa kina. Bi di baapak tii ŋiwaa, le ki dooni ŋi. Nima pu le Uwumbɔr cha tibɔbir ngbaan dan bi pu.’”

2 Bibɔrb Aabɔr 7:22

Le binib ga gar u ke, ‘Baah yii Bidindaan Uwumbɔr u nan nyan ni biyaajatiib Ijipt aatiŋ ni na pu na, le u ŋa kina. Bi di baapak tii ŋiwaa le ki dooni ŋi. Nima pu le Uwumbɔr cha tibɔbir ngbaan dan bi pu.’”

Jeremia 13:22

Aa yaa nan baa ke ba ŋa nimina ŋa si, le saakeken kar kar aan bi chuu si mpɔɔn ki doon aa chee kan, aa li nyi ke saatunwanbir nyaŋ sakpen a.

Jeremia 2:8

Bitotoorb aa nan ŋmaa baa ke, ‘Uwumbɔr bi la chee?’ Min mbaa aatotoorb aa nan nyi mi. Bitinjoob nan yii mi ki nyan mpuwɔb; le maabɔnabtiib nan joo uwaaja Baal aayimbil le nabr tibɔr ki dooni ŋiwaa ŋi kaa bi tibaa ni na.

Jeremia 22:9

Le bi ga gar ke ni bii nimi ni nimi Aawumbɔr aamɔbaan, ki dooni ŋiwaa ki tun tii ŋi na le cha u ŋa kina.”

Jeremia 44:3

mu aanib nan tun titunwanbir ki ŋa mi liŋuul. Bi nan toor kitork tii ŋiwaa, le ki dii ŋiwaa ŋi bima, ni nimi, ni niyaajatiib aa kee dii ŋi na.

Jeremia 8:2

Baah ba ga kuun i pu ki sub i na, baakpab ga li dɔ kitiŋ ke tinaabin na la. I ga yaa ki dɔ aan nwiin, ni uŋmal, ni iŋmabi li waa i. Nimina ye tiwan ni binib ngbaan nan gee ki tun lituln tii ni, ki buu ni chee tibɔɔr, ki dooni ni na.

Jeremia 9:14

Bi tee yii le ki kpa tafalaaŋun ki dooni Baal aawaa ke biyaajatiib aah tuk bi pu na.

Inandalahn 5:7

Tiyaajatiib le nan tun titunwanbir, le kaa ki bi din wee, le timi le bi ji baatunwanbir ngbaan aafalaa.

Esekiel 11:21

M tee ga daa binib bi dooni tijɔŋ aawaa ŋi sukr ponn ni na aatafal. M ga daa bitafal baah tun pu na pu.” Tidindaan Uwumbɔr le len kina.

Amos 2:4

Uwumbɔr ki len ke, “Juda yaab aah tun titunwanbir n‑yoonn mɔmɔk pu na, kina le ga cha m sil daa bitafal. Bi lik maamɔkm fam, kaa kii maamɔb. Biyaajatiib aah nan dii inyamɔn aawaa ŋi na le ŋmann bi koon timoor ni.

Malakai 3:7

Ni bi ke niyaajatiib la, le ki yii maakaal, kaa joo i. Fenn gir ni m chee man, aan m mu fenn gir ni ni chee. Min Uwumbɔr Mpɔɔnsakpiindaan le len kina. Le ni baa ke, ‘Ti ga ŋa kinye ki fenn gir ni aa chee?’

1 Piita 4:3

Ni nan tun titunwanbir n‑yoonn mu jer na; ni ŋeer kina. Ni nan ŋani ke binib bi kaa nyi Uwumbɔr na aah ŋani pu na, ki dii bipiib, ki dii tiwan ni kaa ŋan na aakpeek, ki nan kuuni tɔb ki nyun ndaan gbii, ki tun lituln li kaa ŋan na, ki dii ŋiwaa ŋi sukr ponn ni na.

Bibɔjirb 2:11

Le Israel aanib piin ki dooni ŋiwaa ŋi bi yin ŋi Baal na ki tun Uwumbɔr titunwanbir.