Jeremia 15:7 - Uwumbɔr aagbaŋ

⁷ M joo nimi mae tii libuln ke tigbengbir na le kitiŋ mɔmɔk ni, kitiŋ kee pu. M ku bii nimi maanib, naah kaa di cha nimi aatunwanbir na le m ku nimi aabim.

Jeremia 15:7 ပူးပေါင်းရင်းမြစ်များ

Ilahn 1:4

Le titunwanbirdam ma aa bi kina kpala; bi naahn tigbengbir ti libuln daar joo cha na la.

Aisaya 41:16

Ni ga di ki mee yaa paacham; le libuln ga daa ki buen, le kitaabuŋ daa ki yaa. Le ni ga mɔɔr nimi ke min le ye nimi Aawumbɔr; ni ga pak mi, nimi Israel yaab Aawumbɔr u bi chain na.

Aisaya 9:12

Siria yaab ga nyan ni liwipuul wɔb, le Filistia yaab mu nyan ni liwilir wɔb, ki waa bimɔi ki ban bi. Nimina aapuwɔb na, Uwumbɔr aaŋuul aan kee sɔŋ; u beenin ban ke u daa bitafal.

Aisaya 9:13

Uwumbɔr Mpɔɔnsakpiindaan daa Israel yaab aatafal; le bi yii kaa kpeln baabimbin ki gir ni u chee.

Jeremia 18:21

Tɔ, Uwumbɔr, cha nkon ku baabim; cha bi kpoi butɔb ni. Cha baapiib lann bichatiib ni baabim; cha iween ku bijab, aan baanachipɔm mu kpoi butɔb ni.

Jeremia 5:3

Mbamɔn, Uwumbɔr sil lik ban mbimbinyaan la. U nan faa nimi, le naa sɔŋ nisui; u nan taa taa ni pu, le ni yii kaa bae. Ni nan kpa tafalaaŋun, kaa di cha titunwanbir aatuln.

Jeremia 51:2

M ga tun ni biwɔwɔm le bi nan bii Babiloŋ ke libuln li daar timoor cha na. Libiil aawiin daal yaa fuu ni kan, bi ga tak ki ŋipepel mɔmɔk pu la, le ki cha ki doon nkuun.

Jeremia 9:21

Nkun dii timi aatakolu mam le ki koo ni timi aabɔrchiln ni; mu gbaa mbim bil kitiŋ ponn ni, ki gbaa binachipɔm bil kinyaŋ ni.

Esekiel 24:21

Ni mak Uwumbɔr Aadichal pu la. Ni gee ke ni li lik li, ki li chaa ti manni li, le Uwumbɔr ga cha li kpaln wafam. Nimi aanib bi laa diin ki ye nimi aadichal ponn ni aanib, ki bi Jerusalem aatiŋ ni na ga bee butɔb ni.

Esekiel 24:25

Uwumbɔr nan ki bui mi ke, “Unibɔn, m ga nyan Maadichal li pɔɔ aan bi gee ke bi li lik, ki chaa ti manni li aan li ye baamakl ni mmɔɔn na bi chee. M ga ki yoor bijapɔtiib ni bibisatiib mu bi chee.

Esekiel 36:12

M ga giin ni nimi maanib Israel yaab, ni nan ki li koo kitiŋ ngbaan pu. Ki ga li ye nimi nibaa aatiŋ, le kaan ki cha nkon ku nimi aabim.

Sekaria 1:4

Ni taa li bi ke niyaajatiib na. N‑yaayoonn na le bibɔnabr nan di maabɔr tuk bi, ki tuk bi ke bi taa ki tun titunwanbir, ki taa ki li bi kinimbɔŋ aabimbin ni. Le baa ŋun tii mi, kaa kii maamɔb mu.

Matiu 3:12

U joo waayikpimbik uŋaal ni, u ti chaar waajikaar, ki ga di njikaabim ŋa lipil ni, ki di tigbengbir see mmii mu kaan junn na ni.”

Ikaal 28:18

“Uwumbɔr ga puun lii ni pu, le kaan tii nimi mbim sakpen, tijikaar mu aan li ŋan, le nimi aawakor aan pɔr.

Ikaal 28:32

Bi ga chur saanachipɔm ni saasapɔm tinaagbiir, ki di buen biwɔwɔm aatim ni, le aa ga li si lik baah joo bi cha pu na. Idaa mɔmɔk aa ga li si lik ke nibaakan saabim ga san gir ni le aanimbil ti bii, ubaa kina aan gir ni.

Ikaal 28:41

Ni ga maa japɔtiib ni bisatiib, le ki ga lann bi, ba pu? binib biken ga faa nimi butɔb, ki chur bi buen baatim ni, ki ti ŋa bi binaagbiib.