Jeremia 15:6 - Uwumbɔr aagbaŋ

⁶ Nimi le yii mi, ni fenn nipuwɔb tii mi. Kina pu le m taln ŋŋaal ki faa nimi, ba pu? maa nan ki ŋmaa chuu maaŋuul.

Jeremia 15:6 ပူးပေါင်းရင်းမြစ်များ

Aisaya 1:4

Ni kpo doo a, nimi titunwanbirdam, nimi beebeedam, ni kinimbɔŋdam. Nimi aatunwanbir le dar nimi lir kitiŋ. Nimi Israel yaab, ni yii nimi Aawumbɔr u bi chain na, ki fenn nipuwɔb tii u.

Aisaya 28:13

Kina pu le Uwumbɔr ga mɔk nimi ŋibɔbil ngbaan mɔmɔk aatataa aah ye pu na. Le ni yaa yoor litaal limɔk na kan, ni ga gbeer. Ni ga kan iween, gaawɔb mam ga chuu nimi, aan bi di nimi ŋa kiyondiik ni.

Aisaya 31:3

Ijipt aanib mu po ye binibɔm la, baa ye Uwumbɔr. Baataan mu aa ye lijinjiir aawan nibaa. Uwumbɔr yaa ban u tun waah ban pu na kan, litimbol li kpa mpɔɔn na ga bur, le litimbol li kaa pɔɔ aan li ter li na ga lir. Ŋimɔk ga kuln la.

Jeremia 1:16

M ga daa maanib aatafal, baatunwanbir pu; bi yii mi, ki toor kitork tii ŋiwaa, ki naan ŋiwaa ki dooni ŋi.

Jeremia 13:14

Le m ga di binib bi por na, ni bi kaa por na yur tɔb aan bi wiil ke ŋidabuu na. Kinimbaak, ni mpombiin, ni nsuugar mbaa aan kiir mi ke m taa ku bi.”

Jeremia 2:13

maanib aah tun titunwanbir tilee ti na pu. Bi fenn bipuwɔb tii mi, ni bi ke bi yii uyayak aanyunbun mu aanyun ŋan na, le ki gbii bibaa aabun ŋi kpa iween, kaan ŋmaa joo nnyun na.

Jeremia 2:17

Israel yaab, nimi le joo ni nimina niyil pu. Ni yii min, Nidindaan Uwumbɔr, buyoonn m nan cheeni nimi cha na.

Jeremia 2:19

Nimi nibaa aatunwanbir le ga daa nitafal, le naah fenn nipuwɔb tii mi pu na ga bii nimi. Ni ga bee ke ni yaa yii min Nidindaan Uwumbɔr, kaa ki tii mi naadii kan, naa ŋan, ki mu ga li wu. Min, Nidindaan Uwumbɔr Mpɔɔnsakpiindaan le len kina.”

Jeremia 20:9

Le m yaa tee bui ke, “M ga suln Uwumbɔr bɔr, kaan ki len tibɔr waayimbil pu” kan, le saabɔr bi ke mmii na ki wu nsui ni. M pɔɔni mbaa ke m taa len ti, le kaa ti ki ŋmaa joo ti.

Jeremia 44:22

Din wee na, nimi aatiŋ dɔ nkuun, le ubaa aa bi ki pu. Binib gur san ki ijawaan la, le Uwumbɔr aah kaa nan ki ŋmaa gaa nimi aabiin ni titunwanbir pu na, le binib gur joo kaayimbil puuni lir biken pu.

Jeremia 6:11

Uwumbɔr, saaŋuul aah fii bi pu pu na wu nsui ni ke mmii na, le maa ki ŋmaa joo li.” Uwumbɔr ki bui mi ke, “Cha maaŋuul pii mbim mu bi kitiŋ ponn ni na, ni binachipɔm aakuun mɔmɔk ni. Baadim ga di chatiib ni puutiib buen, kaan di cha bininkpiib ni binib bi por pam na mu.

Jeremia 6:12

Bi ga di baadichal, ni baakpaakon, ni bipuutiib tii binib bibaa la. M ban m daa kitiŋ kee pu aanib aatafal la.

Jeremia 6:19

Kitiŋ, li pel. Maanib aabeebee aatuln pu le m ban m joo ni libiil nan lii bi pu, ba pu? bi yii maamɔkm kaa tii maabɔr naadii.

Jeremia 7:16

Uwumbɔr bui ke, “Jeremia, taa mee limeel tii binib bee. Taa wii, ki taa mee limeel bi pu; taa gaŋni mi, ba pu? maan pel saameel.

Jeremia 7:24

Le baa kii maamɔb, kaa kpa ntafaŋum mu, le ki tee tun baamaaŋuntafal ni baatunwanbir aasui ngbaan aah bui bi pu na, le ki moo bii cha.

Jeremia 8:5

Tɔ, maanib, ba ŋa ni fenn nipuwɔb tii mi kaa ki gir ni kpala? Ni bub joo nimi aawaa le kaan ki fenn dan m chee.

Jeremia 8:9

Nimi aalandam jin inimɔɔn a; bilan ŋmal le bi koo sil sisik ni. Bi yii maamɔboln; ba aalan aan bi ki kpa?

Esekiel 14:9

“Ubɔnabr ubaa yaa ŋmann ubaa ki tii ngarm mu kaa gbii na kan, ni mɔk ke min Uwumbɔr le ŋmann u ke u len kina; m ga nyan u Israel aanib ni.

Esekiel 25:7

Naah ŋa kina na pu le m ga di nimi tii ŋitimbol ŋiken aan ŋi su nimi kinaayuk ki yoor nimi aawan. M ga kuln nimi pel pel aan naan ki li ye litimbol, kaan ki li kpa nibaa aatingbaln. N‑yoonn ngbaan le ni ga bee ke min le ye Uwumbɔr.”

Esekiel 35:3

Tuk kaanib min Dindaan Uwumbɔr aah bi len pu na: Edom aajoo, m ye nimi aadin la. M ga ŋa si kitikuun ki bi fam na.

Hosea 11:7

Bi nyan sil ke bi nya m chee la. Bi ga wii lituln li nyik bi pu na pu, le ubaa mu aan tuur bi.

Hosea 13:14

Maan nyan binib ngbaan nkun ni, kaan nyan bi nkun aapɔɔn ni. Nkun, li joo ni saabiil. Kitekpiitiŋ, li joo ni saabiil. Maan ki san binib bimina kinimbaak.

Hosea 4:16

Israel aanib aatafal pɔɔ ke uŋoob na la. Maan kpiin bi mmoŋmɔpaan ni ke ipihbi na.

Sefania 1:4

“M ga daa Jerusalem aatiŋ, ni Juda aapepel aanib mɔmɔk aatafal. M ga kuln kookoo aanib bi gur ki dooni liwaal li bi yin li ke Baal na, ki kuln baawaadam bi toor li na.

Sekaria 7:11

“Le maanib di tafalaaŋun yii, kaa ŋun tii mi. Bi nan kpaa bitafal,