Jeremia 15:5 - Uwumbɔr aagbaŋ

⁵ Uwumbɔr ki len ke, “Jerusalem aanib, ŋma ga san nimi kinimbaak, bee usui bii ni pu? Ŋma ga kii ki sil siib kina ke u lik ke ni kpa laafee aan naa kpa?

Jeremia 15:5 ပူးပေါင်းရင်းမြစ်များ

Job Aagbaŋ 19:21

Ni ye njɔtiib la. San mi kinimbaak man. Uwumbɔr aaŋaal le faa mi bil.

Ilahn 69:20

Ŋisiibil le bii nsui, le ntaakpab yɔl. M nan mak ke ubaa ga san mi kinimbaak, le ubaa aa gar, m nan mak ke ubaa ga nan sɔŋ nsui, le kaa kan ubaa,

Nnyam 18:7

Nima pu na, Moses nan tooh u nsan pu, le ki ti gbaan unimbiin ni, ki moor utakpiln. Bi nan doon tɔb, le ki koo Moses aabool ni.

Aisaya 51:19

Tibɔbir nfum mulee le lir ni pu: butɔb bii nimi aatiŋ kookoo, le nimi aanib kpoi nkon. Ubaa aa bi u san nimi kinimbaak.

Jeremia 13:14

Le m ga di binib bi por na, ni bi kaa por na yur tɔb aan bi wiil ke ŋidabuu na. Kinimbaak, ni mpombiin, ni nsuugar mbaa aan kiir mi ke m taa ku bi.”

Jeremia 16:5

“Taa koo lidichal li ponn ni binib bi wii likpuul na. Taa cha aasui bii ubaa pu. Maan ki ŋa nsuudoon aanyoor ŋa maanib pu, kaan ki di ngeehm ni kinimbaak mɔk bi.

Jeremia 21:7

Sin ma kan, aa ni saaninkpiib, ni binib bi ŋmar butɔb, ni nkon, ni iween ngbaan ni na, m ga cha Ubɔr Nebukadnesar, ni nimi aadim bi ban bi ku nimi na chur nimi. Nebukadnesar ga ti ku nimi. Waan di cha ni ponn ni ubaa, kaan san ubaa kinimbaak. Min Uwumbɔr le len kina.”

Inandalahn 1:17

M taln ŋŋaal le ubaa aan ter mi. Uwumbɔr yin bidim bi nyan ŋipepel mɔmɔk na nan lii m pu. Le bi ŋani mi ke maah ye tijɔŋ aawan nibaa le na.

Nahum 3:7

Binib bimɔk kan si na ga sur bipuwɔb. Bi ga len ke, ‘Ninefa aatiŋ kpaln tilangbenn le ki dɔ. Ubaa aan san ki kinimbaak. Ubaa mu aan li ban ke u sɔŋ kisui.’”

Bibɔjirb 18:15

Bi nan koo Maika aadichal ni, nin chee Liifai aanachipɔɔn na koo na, le ki baa Liifai aanii ngbaan naah bi pu na.

1 Samuel 10:4

Bi ga doon si, le ki nyan ŋiboroboro kpin ŋilee tii si, le aa gaa.

1 Samuel 17:22

David nan di tijikaar ngbaan ŋa unii u kii tijikaar na aaŋaal ni, le ki san buen baah lul si nin chee na, ki buen ukpetiib chee, ki ti baa baalaafee pu.

1 Samuel 25:5

Kina pu le u nan tun waajab ponn ni kipiik ke bi buen Kamel, ki ti kan Nabal, ki di waadoon tii u.