Jeremia 15:4 - Uwumbɔr aagbaŋ

⁴ Hesekia aajapɔɔn Manase aah nan ye Juda aabɔr ki ŋa pu Jerusalem ni na, kina pu le m ga cha dulnyaa wee aanib mɔmɔk aasui gar bi pu.”

Jeremia 15:4 ပူးပေါင်းရင်းမြစ်များ

2 Bibɔrb 21:1

Manase nan ye ŋibin kipiik ni ŋilee aanii le ki jin Juda aanaan, le ki koo Jerusalem aatiŋ ni ki joo waanib ki ti saa ŋibin piiŋmu ni ŋiŋmu. Una le nan ye Hefsiba.

2 Bibɔrb 21:15

Maanib aah tun mi titunwanbir pu ki fiin maaŋuul ki nyan n‑yoonn mu biyaajatiib nan nyan ni Ijipt aatiŋ ni ki nan saa din wee na pu, le m ga ŋa bi kina.”

2 Bibɔrb 21:2

Uwumbɔr aanib aah nan tur koo ŋitimbol ŋi ponn ni, aan u jenn nyan ŋaanib bi na aabimbiyɔyɔl na le Manase nan gaa, le ki tun Uwumbɔr titunwanbir.

2 Bibɔrb Aabɔr 33:1

Manase nan ye ŋibin kipiik ni ŋilee aanii le ki jin Juda aanaan, le ki koo Jerusalem aatiŋ ni ki joo waanib ki ti saa ŋibin piiŋmu ni ŋiŋmu.

2 Bibɔrb Aabɔr 33:2

Uwumbɔr aanib aah nan tur koo ŋitimbol ŋi ponn ni aan u jenn nyan ŋaanib na, ŋitimbol ngbaan aabimbin yɔl yɔl na le Manase nan gaa, le ki tun Uwumbɔr titunwanbir.

Jeremia 24:9

Maah ga cha tibɔbir ti aaboln dan bi pu na ga chuu dulnyaa aatimbol mɔmɔk ijawaan. Binib ga ŋa bi yaansara, ki ŋa bi mbɔnyun, ki li laa bi, ki li joo baayimbil puuni lir biken pu baah yaa ki bi ni kookoo na.

Jeremia 29:18

M ga li joo ni butɔb, ni nkon, ni iween le san dii bi, le dulnyaa wee aatimbol mɔmɔk ga san ijawaan, baah kan pu na pu. Nimɔk m cha bi yaa ki bi na, binib aapobil ga yuk, ki san ijawaan, baah kan tiwan ni mɔmɔk na. Binib ga laa bi, ki li joo baayimbil puuni lir biken pu.

Jeremia 34:17

Le min Uwumbɔr bui ke ni yii maamɔboln, ke naan tii nina aabitiib Israel yaab lifuur li bi ban na. Kina pu na, m ga tii nimi lifuur, m ga tii nimi lifuur ke ni kpo butɔb ni, ni iween ni, ni nkon ni. Maah ga ŋa nimi pu na ga cha dulnyaa wee aatimbol mɔmɔk san ijawaan.

Jeremia 9:16

M ga cha bi yaa koo ŋitimbol ŋi bima ni biyaajatiib aa kee ŋun ŋi pu na ni, le ki di bijab tun ti tak bi ki ti saa buyoonn m ga kuln bi na.”

Inandalahn 1:8

Kaanyuŋ doo a; ki gur nkuun la, le bi gur lik ki fam. Ki ker idun le ki bɔrni inimɔɔn pu. Jerusalem aatiŋ di titunwanbir le ŋa kibaa tijɔŋ.

Esekiel 18:19

“Tɔ, le ni baa ke: ‘Ba ŋa ubo ngbaan aa ji ute aatunwanbir aafalaa?’ Ni ye le ke ujapɔɔn ngbaan tun ni ŋan ki tok na la. U joo maakaal ki dii i mbamɔm, kina pu na, u ga li kpa limɔfal.

Esekiel 23:46

Tidindaan Uwumbɔr aah len pu na sɔ: “Li joo ni kijaak aanipaak ki nan saan bipiidagoob ngbaan, ki su baawan.

Liifai Yaab 26:33

M ga cha nimi aadim to nimi butɔb ki jenn yaa nimi koon ntiyayam ni. Nimi aatim ga bii doo, le ubaa aan ki li bi nimi aatiŋ ni.

Ikaal 28:25

“Uwumbɔr ga cha nimi aadim nyaŋ nimi. Ni ga nya ni lipepel libaa wɔb le ki nan tak bi, le bi nyaŋ nimi ki cha ni san yaa tɔb chee ki buen ŋipepel mɔmɔk. Le dulnyaa ni aanib mɔmɔk yaa kan tiwan ni ŋa nimi na kan, ijawaan ga chuu bi.

Ikaal 28:64

“Uwumbɔr ga cha ni yaa buen ŋinibol ŋiken mɔmɔk ponn ni, ki di ti nya dulnyaa aapepel libaa ki ti ker liken, nima chee le ni ga doon ŋitakpal ni idɔ aawaa ŋi nimi ni niyaajatiib aa nan nyi dooni ŋi na.