Jeremia 15:3 - Uwumbɔr aagbaŋ

³ Min Uwumbɔr le siin ke tibɔbir nfum munaa pu ga kan bi: bi ga kpo butɔb ni, le ibɔ ga fuul baawon buen, le inyoon ga ji ti, le ipeel ga di ti gur na ŋmɔ.

Jeremia 15:3 ပူးပေါင်းရင်းမြစ်များ

Ilahn 68:23

aan ni lul baasin ponn ni ki jer, aan nimi aabɔ ga ŋmaa lakr yaa gee pu na.”

Aisaya 18:6

Baatɔb aajab bi kpo butɔb ni na aanikpol ga li dɔ, le inyoon ni ipeel i bir na ji. Kitotoŋ yoonn le inyoon ga ji ŋinikpol ngbaan, le ipeel mu ŋmɔ ŋi kakab yoonn.”

Jeremia 12:9

Maanib bi m lee bi na naahn unyoon u kaasaa mam mann gob u na la. Yin ni ipeel aan i mu nan ji njim ngbaan.

Jeremia 14:12

Hali bi yaa lul bumɔb kan, maan pel baaterm aawiil; le bi yaa toor kitork ki see ki mmii ni tii mi, ki tii mi njikaabim aapiin kan, nsui aan piir bi pu. Maah ga ŋa pu na le ye ke m ku bi butɔb, ni nkon, ni iween ni.”

Jeremia 14:16

Baah di tibɔr tee tuk binib bi na mu ga kpo nkun baan ngbaan la. Bi ga di baanikpol mae Jerusalem aatiŋ ponn ni, le ubaa aan li bi ki sub bi. Nimina ga ŋa bi mɔmɔk, bi ni bipuutiib, ni bijapɔtiib, ni bibisatiib. M ga cha bi pa baatunwanbir pu.”

Jeremia 16:4

Iween i bir sakpen na le ga ku bi, le ubaa aan li bi ki wii baakpuul, ubaa mu aan ki li bi ki sub bi. Ŋinikpol ngbaan ga li dɔ kitiŋ ke tinaabin na la. Butɔb ni le bibaa ga kpoi, le nkon ku biken mu, le ŋinikpol ngbaan ga li ye inyoon ni ipeel aajikaar.

Jeremia 7:33

Ŋinikpol ngbaan le ga nan li ye inyoon ni ipeel i bi nima na aajikaar, le ubaa aan nan li bi nima ki jenn i.

Inandalahn 3:11

U nan jenn mi koon timoor ni, ki ti daa par mi, ki siir cha mi nima chee.

Esekiel 14:21

Aadindaan Uwumbɔr aah len pu na sɔ: “M ga cha maatafadaan munaa mu bir sakpen na le dan Jerusalem aatiŋ pu. Muma le ye butɔb, ni nkon, ni ipeel i bir na, ni iween, aan ni nan kuln binib ni tiwakor mu.

Esekiel 33:27

“Tuk bi ke min Bidindaan Uwumbɔr sak bi ke maah ye Uwumbɔr u bi n‑yoonn mɔmɔk na pu, bi ga ku binib bi koo tilangbenn aatim ngbaan ni na. Ipeel le ga ŋmɔ binib bi koo itingbaan ni na. Iween mu le ga ku binib bi bɔr ŋijoo ni titakpalunn ni na.

Liifai Yaab 26:16

m ga daa nitafal. M ga cha tibɔbir dan ni pu, le iween i kaan sɔŋ na ga dan ni pu, ki ga cha nimi aawon toŋ, ki ga cha ni jɔb, ki ŋa fam. Ni ga bu njikaabim, le ni mu aan ter nimi, ba pu? nimi aadim le ga dan nan nyaŋ nimi, ki ji naah kon tijikaar ti na.

Liifai Yaab 26:22

le ki cha tipeewanbir dan ni pu, le ti ku nimi aabim, ki bii nimi aawakor, le nimi bi ga gur na aan ki li wiir, ki cha nimi aasan doon nkuun.

Liifai Yaab 26:25

M ni nimi aah nan puu tipuur tii tɔb na, le ni nan bii tipuur ngbaan, nima pu na le m ga cha nimi aadim to nimi butɔb, le ni yaa kuun buen ntim mu ponn ni ke ni koo ki ŋmar na kan, m ga cha iween i kaan sɔŋ na dan ni pu, le kina pu na, ni ga di nibaa tii nimi aadim.

Amos 5:19

Ni ga nan li naahn ke unii aah san uchinn chee ki ti tooh upeenaamuun nsan ni pu na la, ki li bi ke unii u kun ni linampal ki nan di uŋaal paan ligoln pu aan uwaa kpaan juu u pu na la.

Ikaal 28:26

Ni yaa kpo dɔ kan, inyoon, ni timoor ni aapeel le ga dan ki nan ji nimi aawon, le ubaa aan kan ki jenn i foor.

Ikaal 32:24

Bi ga kpo nkon, ni iween ponn ni la, le iween i bir na mu ga ku bi. M ga cha tipeewanbir le dan nan lir bi pu, ki cha iwaa i kpa liluul sakpen na mu junn bi.

Tibɔkpiirkaan 6:8

Le m lik ki kan utanyɔnyɔn. Unii u dik u pu na aayimbil ye Nkun. U bi yin u ke Kitekpiitiŋ na mu dii u. Le Uwumbɔr tii bi mpɔɔn ke bi di kijaak aajum, ni nkon, ni iween, ni ipeel ku dulnyaa aanib lipepel nanar wɔb.