Jeremia 15:19 - Uwumbɔr aagbaŋ

¹⁹ Uwumbɔr aah nan gar pu na sɔ, “Aa yaa fenn ki gir ni kan, m ga ki gaa si, le aa ki gir ŋa maatutunn. Aa yaa di cha bɔyɔlyɔl aalem ki yaa len maabɔnyaan kan, aa ga ki ŋa maabɔnabr. Le binib ngbaan ga gir ni aa chee, saan ki li ban ke aa buen bi chee.

Jeremia 15:19 ပူးပေါင်းရင်းမြစ်များ

1 Bibɔrb 17:1

Uwumbɔr aabɔnabr, u bi nan yin u ke Elaija, aan u nyan ni Tisbe aatiŋ ki bi Gilead ni na le nan bui Ubɔr Ahab ke, “M ye timi Israel yaab Aadindaan Uwumbɔr u bi na aatutunn. M tuk si waayimbil pu ke limaln bee utaal aan ki juu kitiŋ pu ki ti saa ŋibin ŋilee bee ŋitaa, see m ti bui u ke u nu.”

Nnyam 4:12

Nima pu na, li cha. M ga ter si aa len, le ki tuk si saah ga len pu na.”

Ŋiyataŋak 22:29

Unii u bi ki tun waatuln mbamɔm na jer binib biken, le ki ga li ye bibɔrb aajɔ.

Jeremia 1:9

Nee aapuwɔb le Uwumbɔr taln uŋaal ki di meeh mmɔgban, le ki bui mi ke, “Li pel, m bi tii si tibɔr ti aa ga len na la.

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Jeremia 20:9

Le m yaa tee bui ke, “M ga suln Uwumbɔr bɔr, kaan ki len tibɔr waayimbil pu” kan, le saabɔr bi ke mmii na ki wu nsui ni. M pɔɔni mbaa ke m taa len ti, le kaa ti ki ŋmaa joo ti.

Jeremia 35:19

Kina pu na, min, Uwumbɔr Mpɔɔnsakpiindaan u ye Israel yaab Aawumbɔr na, puu ke Rekab aajapɔɔn Jonadab ga li kpa yaabil u ga li tun maatuln n‑yoonn mɔmɔk na.”

Jeremia 4:1

Uwumbɔr bui ke, “Israel yaab, ni yaa ban ni fenn kan, ni fenn dan m chee. Ni yaa di cha nsan mu kpa tijɔŋ na ki kii maamɔb kan,

Jeremia 6:29

Nchaamii gaal sakpen, le tikur ti kaa ŋan na aa ŋmaa donni ki puu buen. Unii yaa ki bi toor maanib kan, ni ye fam la; ba pu? titunwanbirdam na aa nyan bi ni.

Inandalahn 1:11

Kaanib bi ban tijikaar; le ki ker idun. Bi joo baawangol le kpenni tijikaar ki ji ke bi ŋmar. Kitiŋ ngbaan wii le ke, “Uwumbɔr, lik maah bi pu na; lik mi, maanimbaak ni.”

Esekiel 2:7

Aa ga bui bi maah tuk si ke aa len pu na mɔmɔk, hali bi yaa kaan pel aa chee kan, aa len ti mɔmɔk. Li nyi baah ye bimɔyiib bi na.

Esekiel 22:26

Bitotoorb bii maakaal, le kaa pak tiwan ni ye chain na. Baa yakr tiwan ni bi chain na, ni ni kaa bi chain na. Baa mɔk tiwan ni bi chain na, ni ni kaa bi chain na aah kaa kpaa pu na, le ki cha bitafal aa bi Likpaakool daal ni. Kina pu na, Israel aanib aa pak mi.

Esekiel 44:23

“Bitotoorb le ga mɔk maanib tiwan ni ye chain na, ni ni kaa ye chain na, ki mɔk bi tiwan ni kɔ na, ni ni kaa kɔ na.

Liifai Yaab 10:10

Ni pɔɔn nibaa ki li nyi tiwan ni ye min Uwumbɔr aatuln aawan na, ni ni kaa ye maatuln aawan na, ni tiwan ni ye chain na, ni ni kaa ye chain na.

Liifai Yaab 14:57

Ikaal ngbaan le mɔk tiwan ni ye chain, ni ni kaa ye chain na.

Jona 3:2

ki bui ke, “Li cha kitisakpeŋ Ninefa ni, ki ti di tibɔr ti m di tii si na tuk bi.”

Sekaria 3:7

Uwumbɔr Mpɔɔnsakpiindaan len ke: “Aa yaa joo maakaal, ki tun lituln li m di tii si na kan, aa ga li beenin ye Maadichal ni laachin aajojoor, le m ga tii si nsan ke aa dan nnimbiin ni ke maatuuntiib ngbaan.

Tibɔnyaan ti Luk ŋmee ti na 1:19

Le Uwumbɔr aatuun ngbaan bui u, “M ye Gabriel u si Uwumbɔr aanimbiin ni na la. U tun ni mi ke m nan tuk si tibɔnyaan tee.

Tibɔnyaan ti Luk ŋmee ti na 10:16

Yesu nan tuk waadidiliib, “Unii u ŋun nimi aabɔr na kan, u ŋun maabɔr le na. Unii u yii nimi na kan, u yii mi le na. Unii u yii mi na kan, u yii Uwumbɔr u tun ni mi na le na.”

Tibɔnyaan ti Luk ŋmee ti na 12:12

N‑yoonn ngbaan yaa fuu ni kan, Uwumbɔr Aafuur Nyaan le ga mɔk nimi naah ga len pu na.”

Tibɔnyaan ti Luk ŋmee ti na 21:15

M ga tuk nimi naah ga len pu na, aan nimi aadim ubaa taa ki ŋmaa kpak nimi, kaan ki ŋmaa len tibaa.

Tibɔnyaan ti Luk ŋmee ti na 21:36

Li nyi man n‑yoonn mɔmɔk, ki mee Uwumbɔr u tii nimi mpɔɔn ke ni nya falaa umɔk choo na ni, ki nan sil min Unibɔn Aabo aanimbiin ni.”

Lituln 20:27

M tuk nimi Uwumbɔr aabɔr mɔmɔk, kaa gur tibaa.

2 Korenti 5:16

Taan ki lik unii ubaa paacham ke dulnyaa ni aanib aah lik pu na. N‑yoonn mubaa ti nan lik Kristo kina la. Ti mu aa ki lik u kina.

Galantiya 1:10

M ban m piir binib aasui le aan Uwumbɔr aasui? M ban ke binib pak mi ii? Aayii. M yaa ban ke binib pak mi kan, maa ba ga li ye Kristo aatutunn.

Galantiya 2:5

Le taa kii baah ban pu na kpala. Taa nan ban unii ubaa kpeln Yesu aabɔnyaan tee ki tuk nimi tibɔyayan.

Hiibru Yaab 5:14

Tijikaar bamɔnn le ye binib bi chikr na yaan. Bi bae Uwumbɔr aabɔr ki dii taah mɔk bi pu na. Nima le bi kpa nlan ki nyi nsan mu ŋan na, ni mu kaa ŋan na.

Juud 1:24

Uwumbɔr u wiin chain na ga li ŋmaa joo nimi, ni taa lir, ki ga ŋmaa di nimi siin unimbiin ni, le ni ga li kpa mpopiin sakpen, kaan li kpa taani ubaa.