Jeremia 15:10 - Uwumbɔr aagbaŋ

¹⁰ M ye unii u kaa kpa mpopiin na la. Nna nan ma mi lii ni dulnyaa wee ni ke m nan ŋa ba? M ni binib mɔmɔk kpak le ki jaa kitiŋ kee pu. Maa pinn ubaa limombil, ubaa mu aa pinn m chee limombil, le unii mɔmɔk mu puuni lir m pu la.

Jeremia 15:10 ပူးပေါင်းရင်းမြစ်များ

1 Bibɔrb 21:20

Ahab aah kan Elaija na, le u baa u ke, “Maadin, aa pii ni mi do oo?” Le Elaija gar u ke, “Een, m pii ni si. Aa di aabaa tii ke aa li tun ni kaa ŋan Uwumbɔr chee na la.

1 Bibɔrb 22:8

Le Ahab gar u ke, “Ubaa ki bi, Imla aajapɔɔn Mikaya. M tee nan u la, waa kee nabr tibɔnyaan tibaa tii mi; uma yaan ye tibɔbir ŋmeen la.” Jehosafat nan ki gar u ke, “Taa len kina.”

Ilahn 109:28

Bi ga li puuni timɔpur lir m pu, le aa ma ga li ŋani saanyoor ŋani m pu. Cha binib bi muk mi na lir, ki cha min, saatutunn, kan mpopiin.

Ilahn 15:5

U pinni binib ilik kaa ban ipaar, kaa gaa igaŋgaŋlik ke u mɔnn inyamɔn paan unii u kaa kpa taani ubaa na pu. Unii umɔk ŋani tiwan nee mɔmɔk na kpa ukikiir.

Ilahn 69:4

Binib bi nan mi fam na wiir jer tiyikpir ti bi n‑yil pu na, Maadim mɔni inyamɔn le paani mi, bi kpa mpɔɔn le ki ban bi ku mi. Bi cha m joo tiwan ni maa sun na le giini tii.

Nnyam 22:25

“Ni yaa pinn ŋimombil tii maanib ngbaan ponn ni u ye ugiin na kan, ni taa li bi ke binib bi pinni ŋimombil ki ban tinyoor na.

Ŋiyataŋak 26:2

Aa yaa kaa tun taani kan, imɔpuur aan ŋmaa chuu si. Ti naahn inyoon i laani kaan kal busub paab na la.

Jeremia 15:20

M ga ŋa si ke tikumann aagoln na binib ngbaan chee. Aa ni bima ga jan, bi mu aan ŋmaa nyaŋ si. M ga li bi aa chee, ki li kii si, ki tii si lifuur.

Liifai Yaab 25:36

Ni li san Uwumbɔr ijawaan ki taa cha u pa tiwan ki jer saah pinn pu tii u na, aan nima kan, u ga ŋmaa li koo ni chee.

Liifai Yaab 25:37

Aa yaa pinn ŋimombil tii u kan, taa cha u pa jer saah pinn u pu na, ki mu taa cha u pa jer saah kooh tijikaar ngbaan tii u pu na.

Habakuk 1:3

Ba ŋa aa cha m kani tibɔbir timina aaboln? Ni ga ŋa kinye aan aa li ka lik titunwanbir ki ŋmin? Mbiin ni mbimbin mu pɔɔ na le mann goln mi na, le kijaak ni kinikpakpak bi ni kookoo.

Matiu 24:9

“N‑yoonn ngbaan bi ga chuu nimi, ki ŋa nimi falaa, ki ga ku nimi. M pu, le ŋinibol mɔmɔk ga li nan nimi.

Matiu 5:44

Min le tuk nimi: ni li gee nimi aadim man, [ki bui binib bi seei nimi na ke, ‘Uwumbɔr ŋa tinyoor ŋa ni pu;’ ki ŋa binib bi nan nimi na tiŋann,] ki mee Uwumbɔr ki tii binib bi ŋani nimi falaa ki muk nimi na.

Tibɔnyaan ti Luk ŋmee ti na 2:34

Le Simeonn ŋa Uwumbɔr aanyoor ŋa bi pu, le ki bui ubo ngbaan aana Mari, “Uwumbɔr nyan ubo ngbaan ke u sunn timi Israel yaab ponn ni pam taab, ki nyuŋ ti ponn ni pam mu. U ye limɔkl li binib pam ga yii li na.

Tibɔnyaan ti Luk ŋmee ti na 6:22

“Binib yaa nan nimi, ki yakr ni chee, ki sii nimi, ki yin nimi mbiindam, min Unibɔn Aabo pu kan, Uwumbɔr aanyoor bi ni pu.

Lituln 28:22

Ti nyi ke bi len ntim mɔmɔk ponn ni ke saah dii nsan mu na aa ŋan. Nima pu na, ti ban ti ŋun tibɔr ti bi aamɔb ni na.”