Jeremia 14:8 - Uwumbɔr aagbaŋ

⁸ Sin baanja pu le Israel yaab mak; sin le nan nyan timi tibɔbir ni. Ba ŋa aa gur bi timi aatiŋ pu ke uchaan na, ki bi ke usachuln u ban u doon timi aatiŋ ni kinyeek kibaa baanja na?

Jeremia 14:8 ပူးပေါင်းရင်းမြစ်များ

Ilahn 10:1

Uwumbɔr, ba ŋa aa daa ti chee kina? Ba ŋa aa joo aabaa bɔrni buyoonn ti bi tibɔr ni na?

Ilahn 138:7

Buyoonn tibɔr ti mann goln mi ni kookoo na, le aa gaal mi lir. Aa kiir maadim bi aaŋuul fii na ki joo saapɔɔn gaal mi lir.

Ilahn 46:1

Uwumbɔr le ye timi aakikiir, ni timi aapɔɔn, tibɔr aayoonn mɔmɔk kan, u gor le ki ter timi.

Ilahn 46:2

Kina pu na, taan san ijawaan, hali kitiŋ yaa dam aan ŋijoo ber lir nnyusakpem aataab kan, taan san ijawaan;

Ilahn 50:15

Tibɔr yaa dan kan, ni yin mi le m ga gaa nimi lii aan ni ga pak mi.”

Ilahn 71:5

Uwumbɔr, sin pu le m kpa limakl; maah nan laa ye ubo pu na, le m nan di naadii tii si.

Ilahn 9:9

Uwumbɔr le gaal bimukdam lir, tibɔr aayoonn kan, uma chee le bi kani lifuur.

Ilahn 91:15

Bi yaa yin mi kan, m ga kii baayim; bi yaa bi tibɔr ni kan, m ga li bi bi chee. M ga nyan bi tibɔr ni, ki nyuŋ bi.

Aisaya 33:2

Uwumbɔr, san timi kinimbaak. Ti di timi aamakl di ŋa aa ni. Li kii timi iwiin mɔmɔk ki gaa timi lii buyoonn ti bi limukl ni na.

Aisaya 43:11

Min baanja le ye Uwumbɔr. Min baanja le ga ŋmaa gaa nimi lii.

Aisaya 43:3

ba pu? min le ye nimi Israel yaab Aadindaan Uwumbɔr u bi chain, ki gaal nimi lir na. M ga di Ijipt yaab pa ki gaa nimi lii. M ga di Kus ni Seba yaab pa ki gaa nimi lii.

Aisaya 45:15

Israel yaab Aawumbɔr u gaal waanib lir na, u ye Uwumbɔr u bɔrni ubaa pu na la.

Aisaya 45:21

Dan man ki nan di nimi aabɔr bil bibɔjirb chee; ki cha binib bi si nipuwɔb na kpokl tɔb. Ŋma nan len n‑yaayoonn na tiwan ni ga ŋa na? Naa nan ye min Uwumbɔr aa? Min le ye Uwumbɔr u ŋan ki gaal waanib lir na. Uken aa ki bi.

Aisaya 63:8

Uwumbɔr bui ke, “Bi ye maanib la; baan ŋmann mi.”

Jeremia 16:19

Uwumbɔr, sin le kii mi ki tii mi mpɔɔn; aa ter mi tibɔr aayoonn. Ŋitimbol ga nya kitiŋ aanaanmɔk ki nan bui ke, “Tiyaajatiib nan kpa ŋiwaa baanja la, bi nan kpa ŋiwaa ŋi bi fam na baanja la.

Jeremia 17:13

Uwumbɔr, sin le ye Israel yaab aamakl; binib bi mɔmɔk yii si na ga nan ji inimɔɔn. Bi ga wɔŋ ke ŋiyimbil ŋi bi ŋmee ŋi titan ni na la, ba pu? bi yii si Uwumbɔr u bi ke nnyunbun mu tii limɔfal na.

Jeremia 30:7

Ijawaan sakpiin aawiin mubaa choo; nwiin ngbaan aaŋeen aatɔ aan li bi, maanib aapombiin aayoonn le bi na, bi mu tee ga ŋmar.”

Jeremia 50:7

Unii umɔk kan bi na kan, u tak bi la. Baadim len le ke, ‘Bi tun Uwumbɔr le titunwanbir, kina pu na, taah ŋa bi pu na aa bir. Biyaajatiib nan kii tii Uwumbɔr, bi mu ba ga li bi u chee kina.’

Joel 3:16

Uwumbɔr tar ke uchinn na Sionn aajool pu; uneel nyan ni Jerusalem aatiŋ ni, ke utaal aah tar pu na; le kitiŋ ni kitaapaak jii. U mu tee ga li kii waanib.

Sekaria 9:12

Nimi binaagbiib bi bi kitiyayaŋ ni na, ni kpa limakl dandana wee la; gir ni man, gir ni nin chee kpa lifuur na man. M tuk nimi la, m ga gir pa nimi tinyoor nfum mulee ki jer naah nan jin falaa pu na.

Lituln 28:20

Nima pu le m yin nimi ke ni dan m chee, aan ti nan len tɔb chee tibɔr. Timi Israel yaab kpa limakl ke unii u ga gaa timi lii na ga dan. Limakl ngbaan pu, le bi buu mi tikululn tee.”

1 Timoti 1:1

Min Pɔɔl ye Yesu Kristo aakpambal la; ba pu? Uwumbɔr u gaal timi lir na, ni Tidindaan Yesu Kristo u tii timi limakl na, bima le len ke m li ye waakpambal.

Bibɔjirb 19:17

Ujaninkpel ngbaan nan kan uchaan u ka kinyaŋ ni na, le ki baa u ke, “Aa nyan ni la chee? Aa cha la chee?”