Jeremia 14:7 - Uwumbɔr aagbaŋ

⁷ Le maanib wii yin mi ke, ‘Timi aatunwanbir galni timi la, Uwumbɔr, ter timi ke saah nan puu ke aa ga ŋa pu na. N‑yoonn n‑yoonn pam le ti fenn tipuwɔb tii si; ti tun si titunwanbir.

Jeremia 14:7 ပူးပေါင်းရင်းမြစ်များ

Esra 9:15

Uwumbɔr, Israel yaab Aadindaan, aa ye ubamɔndaan la, le ki tee cha ti ŋmar. Ti kpiir timi aataani tuk si; taa kpa nsan ke ti dan nan sil aanimbiin ni.”

Ilahn 115:1

Uwumbɔr, sin baanja, sin baanja, kaa ye timi, le ti ga tii kipak; ba pu? aa kpa ngeehm n‑yoonn mɔmɔk, ki ŋani saah puu ke aa ga ŋa pu na.

Ilahn 25:11

Uwumbɔr, li joo saah puu tipuur ti na, ki di maatunwanbir ti wiir sakpen na cha pinn mi,

Ilahn 79:9

Uwumbɔr, ter timi, ki gaa timi lii; sin aabaa aanyuŋ pu, gaa timi lii, ki di cha timi aatunwanbir pinn timi.

Aisaya 48:11

Maah ŋani tiwan nimɔk na, m ŋani mbaa pu la. Maa ban ke m bii maayimbil, kaa ban ke ubaa yakr m chee kipak; ki ga li ye min baanja aapak la.”

Aisaya 59:12

“Uwumbɔr, taah tun si titunwanbir ti na nyaŋ. Timi tibaa aataani galni timi la. Ti nyi taah tun pu na mɔmɔk.

Jeremia 10:19

Jerusalem aanib le wii ke, “Ti kan titotonn sakpen a, timi aabuun aan yann. Le ti nan dak ke tiwan ngbaan ye tiwan ni ti ga ŋman na la.

Jeremia 2:19

Nimi nibaa aatunwanbir le ga daa nitafal, le naah fenn nipuwɔb tii mi pu na ga bii nimi. Ni ga bee ke ni yaa yii min Nidindaan Uwumbɔr, kaa ki tii mi naadii kan, naa ŋan, ki mu ga li wu. Min, Nidindaan Uwumbɔr Mpɔɔnsakpiindaan le len kina.”

Jeremia 3:25

Ti ga doon kitiŋ le ki cha timi aanimɔɔn biin ti pu. Timi ni tiyaajatiib tun Tidindaan Uwumbɔr titunwanbir le n‑yoonn mɔmɔk; taa kii waamɔb daalbaadaal.”

Jeremia 3:6

Josia aah nan ye ubɔr buyoonn na, le Uwumbɔr nan bui mi ke, “Aa kan Israel yaab bi bi ke bipiidagoob na aah tun pu na aa? Bi fenn bipuwɔb tii mi, le ki tun lituln ke bidagoob na ligongoln limɔk paa na pu, ni bususoom mɔk taab.

Jeremia 5:25

Le nimi aatunwanbir cha nimina mɔmɔk nyan niŋaal ni.

Jeremia 5:6

Nima pu le ichinn ga nya ni kichook ni ki nan ku bi; le takɔ mam ga nya ni nteersakpiin ni ki nan daa par par bi, le inaamuun ga li chuun tee mban baatim ponn ni. Binib ngbaan yaa nyan lipaal kan, i ga daa par par bi; ba pu? baatunwanbir wiir sakpen a, le bi fenn bipuwɔb tii Uwumbɔr n‑yoonn mɔmɔk.

Jeremia 8:14

Le Uwumbɔr aanib bui ke, “Ba ŋa ti ka ŋmin kina? Dan man, aan ti san buen ntim mu bi maa ŋigon gob mu na ponn ni ki ti kpo nima. Tidindaan Uwumbɔr le siin ke ti kpo; u di njinn le tii timi ke ti nyu, ba pu? ti tun titunwanbir la.

Jeremia 8:5

Tɔ, maanib, ba ŋa ni fenn nipuwɔb tii mi kaa ki gir ni kpala? Ni bub joo nimi aawaa le kaan ki fenn dan m chee.

Esekiel 20:14

Maa nan ŋa kina; ba pu? kina ba ga nan joo ni maayimbibiil, ŋitimbol ŋi kan maah di Israel yaab nyan ni Ijipt aatiŋ ni pu na chee.

Esekiel 20:22

Tɔ, maa nan ŋa kina, ba pu? kina ngbaan ba ga nan joo ni maayimbibiil, ŋitimbol ŋi kan maah di Israel yaab nyan ni Ijipt aatiŋ ni pu na chee.

Esekiel 20:9

Kina ngbaan aah ba ga nan joo ni maayimbibiil na, maa nan ŋa kina, ba pu? baah nan koo binib bi chee na aanimbil ni le m nan bui Israel yaab ngbaan ke m ga nyan bi Ijipt aatiŋ ni.

Hosea 5:5

Israel yaab aagaak mɔk ke bi kpa ngalm. Baatunwanbir cha bi gbeer le ki lir, le Juda aanib mu lir dii bi.

Hosea 7:10

Israel aanib aagaak wii ban bi la. Hali tiwan ni mɔmɔk ŋa na pu, baa fenn ki gir ni min Bidindaan Uwumbɔr chee.

Amos 7:2

Maadaŋ ngbaan ponn ni m nan kan itoon ngbaan ŋman tiwan nimɔk soon na kitiŋ ngbaan pu doo, le m bui ke, “Ndindaan Uwumbɔr, di cha pinn saanib. Bi ga ŋa kinye ki ŋmar? Bi par le kaa kpa mpɔɔn.”

Maika 7:9

Ti tun Uwumbɔr titunwanbir, kina pu na, ni ŋan ke ti ji falaa waaŋuul pu. Nee aapuwɔb na u ga sil tipuwɔb ki toor taani u bi ŋa timi na. U ga nyan ni timi dan nwiihn ni; ti ga li bi ki ti saa n‑yoonn mu u ga gaa timi lii na.

Efesusi 1:12

U nyan timi bi puen kpa limakl Kristo pu na, ke ti li mɔk binib waah ŋan sakpen pu na, aan bi pak u.

Efesusi 1:6

Waabogeehn pu le u ŋa tinyoor sakpen ŋa ti pu, nima le ti pak u ki nyuŋni u waabulchinn sakpenn pu.

Ikaal 32:27

Tɔ, maan tee cha baadim li kpa kipupuk, ki bui ke bima le nyaŋ maanib, m mu le daa bitafal kina.’

Josua 7:9

Kanaann yaab, ni binib bimɔk bi kitiŋ kee ponn ni na ga ŋun tibɔr ngbaan. Bi ga kpokl ki gob timi ki ku ti mɔmɔk. Aa ga ki ŋa kinye ki cha binib nyuŋ saayimbil?”