Jeremia 14:3 - Uwumbɔr aagbaŋ

³ Biwankpadam na tun baanaagbiib ke bi ti lu ni nnyun; le bi buen ŋibun ni, kaa ti kan nnyun; le ki tu ŋibukuun gir ni. Bilan ŋmal, le bitaakpab yɔl, le bi bɔrni.

Jeremia 14:3 ပူးပေါင်းရင်းမြစ်များ

2 Samuel 15:30

David nan bi joi Olif Aajool le ki wii. Waa nan tak ŋinaatak, le ki di tiwan biin uyil pu ki mɔk ke usui bii. Binib bi mɔmɔk nan dii u na mu nan di tiwan biin biyil pu, ki mu wii.

2 Samuel 19:4

Ubɔr nan biin unimbil pu, le ki wii mpɔɔn pu ke, “Maabo, maabo Absalom. Absalom, maabo.”

1 Bibɔrb 17:7

Ni nan bi cha le mbun ngbaan foor ki kuur ntaaweel na pu.

2 Bibɔrb 18:31

Taa pel Hesekia aah len pu na man. Asiria aatiŋ aabɔrkpaan bui ke ni nyan ni kitiŋ ngbaan ni, aan ki kii ke u nyaŋ nimi. U ga cha ni mɔmɔk moo ŋisubil nimi aasar ni, ki ŋmɔ nimi aakakan, ki nyu nimi aanyunbun ni aanyun,

Esta 6:12

Baah doo na le Modekai gir buen libɔrdichal aabisamɔb; le Hamann ma siir mala ki kun, ni inimɔɔn ŋmeen.

Job Aagbaŋ 6:20

le baamakl ti bee fam nkpenkuun chee.

Ilahn 109:29

Cha maadim kpaln inimɔɔn aanib; cha inimɔɔn li ye baawanpeenkaan.

Ilahn 40:14

Cha binib bi ban ke bi ku mi na aalan ŋmal aan bi lir kookoo. Cha binib bi aasui piir maah bi tibɔr ni pu na di inimɔɔn labr.

Jeremia 14:4

Utaal aah kaa nun aan kitiŋ kuur na, bikpaab aasui bii, le bi bɔrni.

Jeremia 15:18

Maan li ŋmaa bi ji falaa kina ki cha. Ba ŋa maabuun aa ŋmaa yann? Ba ŋa yaa ŋmaa yann? Aa ban ke aa jinn mi inimɔɔn ke nkpen mu foor kitakuuk na la aa?”

Jeremia 2:13

maanib aah tun titunwanbir tilee ti na pu. Bi fenn bipuwɔb tii mi, ni bi ke bi yii uyayak aanyunbun mu aanyun ŋan na, le ki gbii bibaa aabun ŋi kpa iween, kaan ŋmaa joo nnyun na.

Jeremia 2:37

Ni ga di inimɔɔn le fenn nipuwɔb tii Ijipt yaab. Min Uwumbɔr le yii naah tii binib bi naadii na; naan kan tinyoor tibaa bi chee.”

Jeremia 20:11

Uwumbɔr, le si ma si mpuwɔb, ki kpa mpɔɔn ni linyaŋ, le binib bi muk mi na ga lir. Baah kaan kan baah ban pu na, le ga cha bi kpaln binimɔɔnib ki ti saa n‑yoonn mu kaa kpa ndoon na.

Jeremia 3:3

Nima pu le utaal aa nan ki nu, le utakuutaal mu aa nan ki nu. Ni sil naahn bidagoob la; naa san inimɔɔn.

Inandalahn 4:4

Bi cha baabim kpo nkon ni nnyunyuu la; mbim mee ban tijikaar ti ubaa aan tii bi na la.

Hosea 2:3

U yaa kaa di cha kan, m ga gbabr u ki cha u uŋmeen ke baah nan ma u nwiin mundaal na. M ga ŋa u nkuun ke kitiŋ ki kaa kpa tijikaar na, le ki cha nnyunyuu ku u.

Joel 1:20

Hali timoor ni aawakor wii mpɔɔn pu ki yin si la, ba pu? ibun mɔmɔk foor a.

Amos 4:7

Min le nan chuu utaal buyoonn nimi aajikaar nan ban utaal sakpen na. M nan cha utaal nu kitiŋ kibaa ni, kaa nu kiken ni. Utaal nan nun bukpaab bubaa ni, le buken ma kuur.

Amos 4:8

Binib nan di nnyunyuu ki nyan kitiŋ kibaa ponn ni, ki buen kitiŋ kiken ponn ni, ki dak ke nnyun bi nima, le bi mɔmɔk aa ti ŋmaa kan bi nyu. Nimina mɔmɔk mu aa cha ni gir ni m chee.

Sekaria 14:17

Litimbol limɔk yii kaa chaa ti dooni Uwumbɔr Mpɔɔnsakpiindaan ke ubɔrkpaan na kan, utaal aan nu baatiŋ pu.