Jeremia 14:16 - Uwumbɔr aagbaŋ

¹⁶ Baah di tibɔr tee tuk binib bi na mu ga kpo nkun baan ngbaan la. Bi ga di baanikpol mae Jerusalem aatiŋ ponn ni, le ubaa aan li bi ki sub bi. Nimina ga ŋa bi mɔmɔk, bi ni bipuutiib, ni bijapɔtiib, ni bibisatiib. M ga cha bi pa baatunwanbir pu.”

Jeremia 14:16 ပူးပေါင်းရင်းမြစ်များ

Ŋiyataŋak 1:31

Kina pu le ni ga kan naah ban pu na, le nimi nibaa aabimbin ga cha ni buŋ.

Aisaya 51:20

Nimi aanib aa ki kpa mpɔɔn, le ki lir kitiŋ ponn ni, ŋilɔlɔk mɔmɔk ni; bi naahn ukpan aataŋ aah chuu ikulun i na la. Bi kan Uwumbɔr aaŋuul aah pɔɔ pu na.

Aisaya 9:16

Binib bi loln bi pu nsan na di bi yenn a, ki cha bilan ŋmal bi.

Jeremia 16:4

Iween i bir sakpen na le ga ku bi, le ubaa aan li bi ki wii baakpuul, ubaa mu aan ki li bi ki sub bi. Ŋinikpol ngbaan ga li dɔ kitiŋ ke tinaabin na la. Butɔb ni le bibaa ga kpoi, le nkon ku biken mu, le ŋinikpol ngbaan ga li ye inyoon ni ipeel aajikaar.

Jeremia 18:21

Tɔ, Uwumbɔr, cha nkon ku baabim; cha bi kpoi butɔb ni. Cha baapiib lann bichatiib ni baabim; cha iween ku bijab, aan baanachipɔm mu kpoi butɔb ni.

Jeremia 20:6

Sin Pasur ma, ni saadichal kan, bi ga chur ni mu tinaagbiir buen Babiloŋ aatiŋ ni. Nima chee le aa ga ti kpo le bi sub sin ni aajɔtiib bi mɔmɔk aa nan geei inyamɔn pam tuk bi na.’”

Jeremia 27:15

Uwumbɔr ubaa le len ke waa tun ni bi, ke bi joo inyamɔn le tuk nimi waayimbil pu. Kina pu na, u ga jenn nyan nimi, le bi ku nimi; nimi ni bibɔnabr bi joo inyamɔn yee tuk nimi na ga kpo.”

Jeremia 4:18

Juda yaab, naah bi mbimbin mu na, ni ŋitun ŋi ni tun na le cha ni joo ni nima nibaa pu. Nimi aatunwanbir le joo ni falaa umina; ti saa chaar nipobil a.

Jeremia 5:31

maabɔnabtiib geei inyamɔn ŋmeen la; le bitotoorb di bibaa aapɔɔn le joo binib, le maanib gee kina la. Tɔ, nimina mɔmɔk ti doo kan, bi ga ŋa kinye?”

Jeremia 7:33

Ŋinikpol ngbaan le ga nan li ye inyoon ni ipeel i bi nima na aajikaar, le ubaa aan nan li bi nima ki jenn i.

Jeremia 8:1

“N‑yoonn ngbaan na, Juda aabɔrb, ni baaninkpiib, ni bitotoorb, ni maabɔnabtiib, ni binib bi mɔmɔk koo Jerusalem ponn ni na aakpab ga nya yaakaakul ni.

Jeremia 8:2

Baah ba ga kuun i pu ki sub i na, baakpab ga li dɔ kitiŋ ke tinaabin na la. I ga yaa ki dɔ aan nwiin, ni uŋmal, ni iŋmabi li waa i. Nimina ye tiwan ni binib ngbaan nan gee ki tun lituln tii ni, ki buu ni chee tibɔɔr, ki dooni ni na.

Jeremia 9:20

Le m bui ke, “Nimi bipiib, li pel man Uwumbɔr chee, ki ŋun waamɔboln. Mɔk nibisatiib likpuul aawiim, ki mɔk ninaakoontiib ikpolahn aagaam.

Jeremia 9:22

Ŋinikpol dɔ ni kookoo, ke ŋinaabinkpok le aah dɔ ikpaakon ni na, ki bi ke baah gaa ŋikalmaan le bil, kaa bar ŋi na, ki bi ke ŋikalmaan ŋi ubaa aan bar ŋi na. Uwumbɔr aah bui mi ke m len pu na le bi na.”

Esekiel 39:14

Iŋmal ilole ngbaan yaa jer kan, bi ga nyan binib aan bi chuun kitiŋ ngbaan mɔmɔk pu ki sub ŋinikpol ŋi gur ki beenin dɔ na, aan ki ki ŋa baatiŋ chain.

Amos 7:17

Kina pu na, Uwumbɔr le len sin Amasia chee na, ‘Aapuu ga kpaln upiidagoor le kitiŋ kimina ponn ni, le bi ga ku saabim mu butɔb ni. Bi ga yakr saatiŋ tii biniyayam, le sin aabaa ga ti kpo kitiyayaŋ ni la. Le bidim ga sil chuu Israel yaab ki di bi buen kitiyayaŋ ni.’”

Matiu 15:14

Taa gar bi man. Bi ye bisanmɔkb bi jɔb na la. Ujoon yaa mɔk ujoon nsan kan, bi mɔmɔk bilee ga lir libuul ponn ni la.”

Tibɔkpiirkaan 16:1

Le m ŋun nneel sakpiin nyan ni Uwumbɔr Aadichal ni, ki tuk Uwumbɔr aatuuntiib bilole ngbaan ke, “Li cha ti di falaa u bi ŋisambil ŋilole ni na kpir dulnyaa ni; ba pu? Uwumbɔr gee liŋuul bi pu.”